როგორი ამინდია მოსალოდნელი დღეს საქართველოში

საზოგადოება

9 ივლისს თბილისში დასაქმების ფესტივალი გაიმართება

03.07.2026.10:06

HR hub-ის ორგანიზებით, 9 ივლისს, სასტუმრო Courtyard Tbilisi-ში (თავისუფლების მოედანი N4), 17:00-19:00 საათზე, დასაქმების მასშტაბური ფესტივალი გაიმართება. ღონისძიების მიზანია სამსახურის მაძიებლების დაკავშირება დამსაქმებლებთან და დასაქმების ხელშეწყობა. ფესტივალზე წარმოდგენილი იქნება 20-ზე მეტი კომპანია აქტიური ვაკანსიებით.

კანდიდატებთან შეხვედრის დროს კომპანიის წარმომადგენლები ისაუბრებენ, თუ რა ვაკანსიები და შეთავაზებები აქვთ, რა არის მათი კომპანიის, როგორც დამსაქმებლის, კონკურენტული უპირატესობა, როგორ სამუშაო გარემოსა და კარიერული განვითარების შესაძლებლობებს სთავაზობენ დასაქმების მსურველებს. მონაწილეებს შესაძლებლობა ექნებათ, დაუსვან მათთვის საინტერესო კითხვები დამსაქმებლებს და უშუალოდ გაესაუბრონ HR მენეჯერებს.

ღონისძიებაზე უნიკალური შესაძლებლობა გექნებათ, შეხვდეთ რეკრუტინგისა და კარიერული განვითარების ექსპერტს საერთაშორისო გამოცდილებით, დავით ხელიძეს, რომელიც გაგიწევთ ინდივიდუალურ კარიერულ კონსულტაციას.

ფესტივალის ფარგლებში შეძლებთ მიიღოთ:

• კარიერული კონსულტაცია;
• რეზიუმესა და LinkedIn პროფილის შეფასება;
• პირადი ბრენდის განვითარების რეკომენდაციები;
• გასაუბრებისთვის მომზადების პრაქტიკული რჩევები;
• კონსულტაცია საერთაშორისო და დისტანციური დასაქმების შესაძლებლობების შესახებ.

ღონისძიებაზე დასწრება თავისუფალია და შეუძლია ყველა დაინტერესებულ ადამიანს.

თუ სამსახურს ეძებთ ან ფიქრობთ კარიერულ ცვლილებაზე, ეს ფესტივალი შესანიშნავი შესაძლებლობაა ერთ სივრცეში გაეცნოთ სხვადასხვა კომპანიის შეთავაზებებს და იპოვოთ თქვენთვის სასურველი სამსახური.

დასაქმების ფესტივალის მხარდამჭერები არიან Geosoft, Digital studio Invitee - ციფრული მოსაწვევების პრემიუმ ვებ გამოცდილება და საერთო სამუშაო სივრცე NETWORK.