სამტრედიაში ყველის ორი არარეგისტრირებული საწარმო გამოვლინდა
სურსათის ეროვნული სააგენტოს იმერეთის დეპარტამენტის ინსპექტორებმა სამტრედიაში ყველის არალეგალური საწარმოები გამოავლინეს.
სააგენტოს ინფორმაციით, ინდმეწარმე ზ. გ. (მის: ჩეხოვის ქ. №4) ნედლი რძის თერმულ გადამუშავებას ახდენდა სააგენტოსგან მინიჭებული სავალდებულო აღიარების გარეშე და არ ჰქონდა რეგისტრაცია ეკონომიკურ საქმიანობათა რეესტრში. ინსპექტირებისას გამოვლინდა კრიტიკული და არაკრიტიკული შეუსაბამობები, დაილუქა სურსათი, რომელიც მზადდებოდა ტექნოლოგიური პროცესის დარღვევით.
დარღვევები გამოვლინდა ვასაძის ქუჩა N8-ში მდებარე ყველის საწარმოშიც, სადაც ინდმეწარმე ზ. კ. საქმიანობდა ეკონომიკურ საქმიანობათა რეესტრში რეგისტრაციისა და სააგენტოს სავალდებულო აღიარების გარეშე. საწარმოში არ ტარდებოდა სათანადო რეცხვა-დეზინფექცია, დაზიანებული იყო ინფრასტრუქტურა, ობიექტზე დარღვეული იყო სანიტარიულ-ჰიგიენური ნორმები, ეტიკეტირების წესი, დაილუქა მავნედ მიჩნეული რძის შემცველი პროდუქტი.
„კანონმდებლობის შესაბამისად, ბიზნესოპერატორები დაჯარიმდნენ და შეუსაბამობების აღმოფხვრამდე შეუჩერდათ საწარმოო პროცესი.
იმერეთის ინსპექტორებმა რეგიონში ყველის ორი არალეგალური საწარმო მიმდინარე წლის იანვარშიც გამოავლინეს.
სურსათის ეროვნული სააგენტო მოუწოდებს ბიზნესოპერატორებს, არ აწარმოონ ან/და გადაამუშაონ ცხოველური წარმოშობის სურსათი (გარდა პირველადი წარმოებისა) აღიარების მინიჭების გარეშე და დაიცვან სურსათის უვნებლობის მოთხოვნები“, - აცხადებენ სააგენტოში.
დღის ტოპ 10 სიახლე
სხვა სიახლეები
„საქართველოს რკინიგზის“ ძირითადი ფინანსური მაჩვენებლების ტენდენცია არის საკმაოდ კარგი და უკვე გვაქვს შედეგები - ჩვენ სრულად ვახდენთ ამ თანხების რეინვესტირებას მიმდინარე და ახალ პროექტებში l ლაშა აბაშიძე
15.05.2026.12:09
საქართველოს რკინიგზის ძირითადი ფინანსური მაჩვენებლების ტენდენცია არის საკმაოდ კარგი და უკვე გვაქვს შედეგები, წმინდა მოგება გასულ წელს საკმაოდ კარგი გვქონდა - ჩვენ სრულად ვახდენთ ამ თანხების რეინვესტირებას მიმდინარე და ახალ პროექტებში, - აღნიშნულის შესახებ, „საქართველოს რკინიგზის“ გენერალურმა დირექტორმა, ლაშა აბაშიძემ „იმედის დილაში“ რუბრიკა Business Insider Georgia-ში განაცხადა.
„ჩვენ გვაქვს გარკვეული გაუმჯობესებები. ძირითადი ჩვენი ფინანსური მაჩვენებლების ტენდენცია არის საკმაოდ კარგი და უკვე გვაქვს შედეგები. წმინდა მოგება გასულ წელს საკმაოდ კარგი გვქონდა. წელს უკვე გვაქვს შედეგები მიმდინარე ხუთი თვის. საოპერაციო მოგების ნაწილში გვაქვს ზრდა, ეს არის მნიშვნელოვანი მაჩვენებელი ერთ-ერთი, ასევე ეგრეთ წოდებული ებიტდას ნაწილში გვაქვს ზრდა, ასევე წმინდა მოგებაში გვაქვს ზრდა. ჩვენ სრულად ვახდენთ ამ თანხების რეინვესტირებას იმ პროექტებში, რომელიც მიმდინარეობს და ვიწყებთ ასევე ახალ პროექტებს და სრულად ვახდენთ აკუმულირებული და გენერირებული ფინანსური რესურსების ამ პროექტებში ინვესტირებას, რათა მომავალში უფრო მაღალი უკუგება მივიღოთ”, - აცხადებს ლაშა აბაშიძე.
„მოგზაურობა ინოვაციების და ტექნოლოგიების სამყაროში“ - GITA -ს ორგანიზებით საგანმანათლებლო პროექტი მთელი საქართველოს მასშტაბით გრძელდება
15.05.2026.10:28
13 წლის განმავლობაში ერთად ვქმნით უფრო მწვანე, განათლებულ და ძლიერ მომავალს - თამთა დევდარიანი
14.05.2026.13:19
17 მაისს, ოჯახის სიწმინდის დღესთან დაკავშირებით, კათოლიკოს-პატრიარქი შიო III პირველ სადღესასწაულო წირვას აღავლენს
14.05.2026.13:15
