საქართველოს ეროვნულმა ბანკმა სტაბილური ვირტუალური აქტივების შესახებ ანგარიშგების წესი დაამტკიცა
სტაბილური ვირტუალური აქტივებისა და მათი სარეზერვო აქტივების მუდმივი და გამჭვირვალე მონიტორინგის მიზნით, საქართველოს ეროვნულმა ბანკმა სტაბილური ვირტუალური აქტივების შესახებ ანგარიშგების ახალი წესი დაამტკიცა. წესი მიზნად ისახავს ვირტუალური აქტივის მომსახურების სექტორის მიმართ ნდობის ამაღლებას, მომხმარებელთა უფლებების დაცვასა და რისკების პრევენციას.
ახალი წესის შემუშავება ეფუძნება ეროვნული ბანკის საზედამხედველო პრაქტიკას, საერთაშორისო ორგანიზაციების რეკომენდაციებსა და საუკეთესო გლობალურ გამოცდილებას.
სტაბილური ვირტუალური აქტივების ანგარიშგების წესი განსაზღვრავს ანგარიშგების ფორმების შევსებისა და წარდგენის მოთხოვნებს და დეტალურად ადგენს იმ ინფორმაციის ჩამონათვალს, რომლის წარდგენაც ევალება ემიტენტს ეროვნული ბანკისთვის.
ზედამხედველობის ფარგლებში ანგარიშგების დანერგვა ეროვნულ ბანკს მისცემს შესაძლებლობას, ჰქონდეს სრულყოფილი და რეგულარული ინფორმაცია პირველადი შეთავაზების ფარგლებში ემიტენტის მიერ გამოშვებული და მიმოქცევაში არსებული სტაბილური ვირტუალური აქტივების და მასთან დაკავშირებული სარეზერვო აქტივების შესახებ. კერძოდ, რეზერვების შემადგენლობა და მასში შემავალი ლიკვიდური აქტივების თანაფარდობა.
სტაბილური ვირტუალური აქტივის ემიტენტმა წესით გათვალისწინებული ანგარიშგება უნდა შეავსოს ამავე წესის დანართით განსაზღვრული ფორმის შესაბამისად და ეროვნული ბანკისთვის პირველი ანგარიშგების წარდგენა უზრუნველყოს არაუგვიანეს 2026 წლის 15 ოქტომბრისა.
დღის ტოპ 10 სიახლე
სხვა სიახლეები
საქართველოს ნავთობისა და გაზის კორპორაცია სოფელ ცაიშის ტერიტორიაზე „ქუთაისი - სოხუმის“ მაგისტრალური გაზსადენის 600-მეტრიანი მონაკვეთის სარეაბილიტაციო სამუშაოებს ახორციელებს
16.09.2026.10:56
საქართველოს ნავთობისა და გაზის კორპორაცია ზუგდიდის მუნიციპალიტეტში, სოფელ ცაიშის ტერიტორიაზე „ქუთაისი–სოხუმის“ მაგისტრალური გაზსადენის 600-მეტრიანი მონაკვეთის სარეაბილიტაციო სამუშაოებს ახორციელებს.
კორპორაციის დირექტორი ტექნიკურ საკითხებში, შალვა კიკნაველიძე ადგილზე გაეცნო მიმდინარე სამუშაო პროცესებს, დეტალური ინფორმაცია მიიღო პროექტის მსვლელობის, უსაფრთხოების სტანდარტებისა და დასრულების ვადების შესახებ.
პროექტის ფარგლებში, მაგისტრალური გაზსადენის კოროზირებული და ამორტიზებული მონაკვეთი სრულად ჩანაცვლდება ახალი, 500 მმ დიამეტრის მილებით.
აღნიშნული გაზსადენი გადამწყვეტ როლს ასრულებს სამეგრელოს რეგიონის ბუნებრივი აირით მომარაგებაში. შესაბამისად, მისი გამართული და უსაფრთხო ფუნქციონირება ადგილობრივი მოსახლეობისთვის განსაკუთრებული მნიშვნელობისაა.
აეროპორტის დასახლებაში 76-ე საჯარო სკოლა სრულად განახლებული ინფრასტრუქტურით ხვდება ახალ სასწავლო წელს - რევაზ სოხაძე
15.09.2026.14:21
UNI4VERSE FINEDU - საქართველოს ინოვაციების და ტექნოლოგიების სააგენტოს ინიციატივით, საუნივერსიტეტო მასშტაბური კონკურსი იწყება
15.09.2026.13:55
ნათია თურნავამ მომხმარებლის დაცვისა და აღსრულების საერთაშორისო ქსელის კონფერენციაში მიიღო მონაწილეობა
15.09.2026.12:45
