საქართველოს გენერალური აუდიტორი დღეს პარლამენტში სახელმწიფო აუდიტის 2025 წლის ანგარიშს წარადგენს
დღეს პარლამენტში საქართველოს გენერალურ აუდიტორს ელოდებიან. გიორგი გაბიტაშვილი საფინანსო-საბიუჯეტო კომიტეტის სხდომასა და პლენარულ სხდომაზე, დეპუტატებს სახელმწიფო აუდიტის 2025 წლის ანგარიშს წარუდგენს, რომელიც მოიცავს აუდიტორული საქმიანობის შესახებ ინფორმაციას, ძირითად პარტნიორებთან თანამშრომლობას, შიდა მმართველობის სისტემის გაძლიერებით ეფექტიანობის ამაღლებას, და თანამშრომელთა პროფესიული განვითარების ხელშეწყობას.
„დღეს მოვისმენთ გენერალური აუდიტორის მიერ წარმოდგენილ ანგარიშს, რომელშიც მოცემული იქნება ყველა ის ძირითადი აუდიტები, რომლებიც სახელმწიფო უწყებებს ჩაუტარდათ. როგორც ვიცით, 40-ზე მეტი აუდიტია ჩატარებული სხვადასხვა უწყებაში, გამოვლენილია ფაქტები, რომლებიც შესაძლოა, თავად ამ ან საგამოძიებო უწყებებს გადაეგზავნა. რა თქმა უნდა, ეს იქნება კითხვების და თავად მომხსენებლის აქცენტები“, - განაცხადა პარლამენტის ვიცე სპიკერმა ნინო წილოსანმა.
დღის ტოპ 10 სიახლე
სხვა სიახლეები
ფულადი კომპენსაციით უზრუნველყოფის პროგრამის ფარგლებში, დევნილი ოჯახების მონიტორინგის პროცესი იწყება
27.10.2026.17:00
ფულადი კომპენსაციით უზრუნველყოფის პროგრამის ფარგლებში, დევნილი ოჯახების მონიტორინგის პროცესი იწყება.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი ცაგარეიშვილი და დევნილთა სააგენტოს დირექტორი დავით კაიკაციშვილი სააგენტოს მონიტორინგის სამსახურის თანამშრომლებს შეხვდნენ და დეტალური ინსტრუქცია გააცნეს.
საწყის ეტაპზე, რიგითობის შესაბამისად, განაცხადების მიღების პირველ დღეს შემოსული დოკუმენტაცია დამუშავდა და გადამოწმების მიზნით დევნილთა სააგენტოს მონიტორინგის სამსახურს გადაეცა.
დღეიდან, მონიტორინგის ჯგუფები მუშაობას, მთელი საქართველოს მასშტაბით, იწყებენ. მოკვლეული მასალა გადაწყვეტილების მისაღებად დევნილთა საკითხების შემსწავლელ კომისიას გადაეცემა, რის შემდეგაც კომპენსაციების გაცემის ეტაპი დაიწყება.
პარალელურ რეჟიმში, პროგრამაში ჩართვის მსურველი დევნილი ოჯახების განაცხადების მიღება, 2 ნოემბრის ჩათვლით, გრძელდება.
მიმდინარე წელს დევნილთა ფულადი კომპენსაციით უზრუნველყოფისთვის 58 მილიონი ლარია გამოყოფილი. მომდევნო წელს პროგრამა კიდევ უფრო აქტიურ რეჟიმში გაგრძელდება.
საბურთალოს რაიონის გამგეობამ ვახტანგ ჭაბუკიანის ქ. N7-ის მიმდებარედ, ასევე, ი. ხვიჩიას ქუჩაზე დასასვენებელი სივრცეების რეაბილიტაცია განახორციელა
27.10.2026.13:36
დავით სონღულაშვილმა CBD COP17-ის მინისტერიალზე საქართველოს ეროვნული განცხადება წარადგინა
27.10.2026.13:34
მარტვილიდან ცოფზე დაკვირვების მიზნით გადაყვანილი ძაღლების ექვსთვიანი საზედამხედველო პერიოდი ამოიწურა
27.10.2026.12:33
ვგეგმავთ ცხელი ხაზის ოპერატორთა ჩანაცვლებას ხელოვნური ინტელექტის ასისტენტებით - საქსტატის აღმასრულებელი დირექტორი
26.10.2026.12:57
