საქართველოს ინოვაციების და ტექნოლოგიების სააგენტოს (GITA) „ინოვაციური სტარტაპების აქსელერაციის პროგრამის“ ფარგლებში, ერთ-ერთმა გამარჯვებულმა საერთაშორისო აქსელერატორმა, 500 Global-მა, მეორე — MVP-ის (მინიმალური სიცოცხლისუნარიანი პროდუქტის) ეტაპისთვის სტარტაპების განაცხადების მიღება ოფიციალურად დაიწყო.

მიმდინარე ფაზა 4 თვის განმავლობაში გრძელდება და სრულად არის ფოკუსირებული MVP-ის შექმნასა და დახვეწაზე, პროდუქტის ბაზრის მოთხოვნებთან შესაბამისობის (Product-Market Fit) უზრუნველყოფასა და კონკურენტუნარიანობის გაზრდაზე. ამ ეტაპზე სტარტაპების წარმომადგენლებისთვის საერთაშორისო ექსპერტების მხრიდან ინტენსიური სასწავლო პროგრამა მიმდინარეობს, მათ ასევე პროცესში საშუალება ექნებათ საუკეთესო საერთაშორისო პრაქტიკას გაეცნონ და მათი გამოცდილება გაიზიარონ. გარდა ამისა, თითოეული სტარტაპი სააგენტოსგან მიიღებს 50,000 ლარის ოდენობის გრანტს.

აღნიშნული ინიციატივა GITA-ს ინოვაციური სტარტაპების აქსელერაციის 12-თვიანი კომპლექსური პროგრამის ნაწილია. იგი სპეციალურად შეიქმნა საქართველოში მომუშავე, ადრეულ ეტაპზე მყოფი დამფუძნებლებისთვის, რომლებსაც სურთ საკუთარი იდეები და კონცეფციები რეალურ, კონკურენტუნარიან ბიზნესად აქციონ. პროგრამის გრძელვადიანი მიზანია, დაეხმაროს ინოვატორებს გამოწვევების შეფასებაში, ბაზრის უკეთ შესწავლაში, ბიზნესმოდელის გაძლიერებასა და როგორც, ადგილობრივ, ისე საერთაშორისო ბაზარზე ეფექტიანად პოზიციონირებაში.

პროგრამაში მონაწილეობით დაინტერესებულ სტარტაპებს განაცხადის შემოტანა შეუძლიათ მიმდინარე წლის 31 ივლისის ჩათვლით. სარეგისტრაციო ბმული: 

https://500.co/founders/eurasia/startup-academy#waitlist