საქართველოს ინოვაციების და ტექნოლოგიების სააგენტოს ყველაზე მასშტაბური STEAM ბანაკი დაიწყო
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს STEAM ბანაკის პირველი ნაკადი დაიწყო, რომელშიც, მთელი საქართველოს მასშტაბით, 100 ქართველი ახალგაზრდა მონაწილეობს.
STEAM ბანაკი აერთიანებს ხუთ მნიშვნელოვან საგანმანათლებლო მიმართულებას - მეცნიერებას, ტექნოლოგიას, ინჟინერიას, ხელოვნებას და დიზაინს და მათემატიკას. ის მიზნად ისახავს სკოლის მოსწავლეების პროგრამირების საწყისებით, თანამედროვე ტექნოლოგიებითა და ინოვაციური მეწარმეობით დაინტერესებას, მათი პროფესიული განვითარების ხელშეწყობას. პროექტი გრძელვადიან პერსპექტივაში ხელს შეუწყობს ქვეყანაში ინოვაციური ეკოსისტემის გაძლიერებასა და ეკონომიკურ განვითარებას.
სასწავლო პროგრამა ასევე მოიცავს გუნდურ მუშაობას, პროდუქტის პროტოტიპირებასა და მის განვითარებას, ასევე პროექტის წარდგენის ტექნიკასა და პრაქტიკულ სიმულაციებს. ბანაკის დასასრულს გამოვლინდება საუკეთესო გუნდი, რომელმაც ყველაზე მეტი მისიის შესრულება შეძლო.
თეორიული ცოდნის მიღების პარალელურად, ბანაკის მონაწილეები ჩართულნი არიან STEAM GAME-ში, რაც მათ აძლევს შესაძლებლობას, გუნდურად დააგროვონ ქულები მიღებული ცოდნის პრაქტიკაში გამოყენებით. თამაშისთვის შექმნილია სპეციალური პლატფორმა, სადაც ყოველდღიურად იტვირთება შესაბამისი მისიები.
ბანაკი ჩატარდება 3 ნაკადად, შერჩეული მონაწილეები სრულად დაფინანსდებიან. ბანაკში მონაწილეობას, ჯამში, 300 ახალგაზრდა მიიღებს. ბანაკს ამბასადორი კაჭრეთის აკადემია მასპინძლობს და ახალგაზრდული ინოვაციების ცენტრი ახორციელებს.
დღის ტოპ 10 სიახლე
სხვა სიახლეები
თუშეთში ზაფხულის სეზონზე უცხოელი ვიზიტორების ინტერესი მაღალია - სასტუმრო „გონთა“
29.07.2026.18:02
თუშეთში მიმდინარე ტურისტული სეზონი მაღალი აქტივობითა და ვიზიტორთა სტაბილურად მზარდი ნაკადით გამოირჩევა.
სასტუმრო „გონთას“ მფლობელის, დავით იდოიძის შეფასებით, ზაფხულის სეზონზე სასტუმრო საშუალოზე მაღალი, ცალკეულ დღეებში - სრული,100%-ანი დატვირთვითაც მუშაობს.
მიუხედავად ამისა, რომ სასტუმრო გასულ წელს გაიხსნა და ჯერჯერობით ინტერნეტში ან ჯავშნების ონლაინ პლატფორმებზე არ პოზიციონირებს. „გონთა” როგორც ქართველ, ისე უცხოელ სტუმრებს აქტიურად მასპინძლობს.
„სტუმრებს შორის, შეიძლება ითქვას, უცხოელი მოგზაურები შედარებით ჭარბობენ. გვყავდა ვიზიტორები გერმანიიდან, საფრანგეთიდან, იტალიიდან და კორეიდანაც კი. რაც შეეხება ჯავშნებსა და მოლოდინებს, აგვისტო ტრადიციულად პიკური პერიოდია და ველოდებით, რომ ეს მაღალი დინამიკა სეზონის ბოლომდე შენარჩუნდება,“ - აცხადებს დავით იდოიძე.
რევაზ სოხაძე კახეთის რეგიონში მიმდინარე საფეხბურთო სავარჯიშო მოედნების მშენებლობის პროცესს ადგილზე გაეცნო
29.07.2026.18:01
საქართველოს ინოვაციების და ტექნოლოგიების სააგენტოს ყველაზე მასშტაბური STEAM ბანაკი დაიწყო
29.07.2026.17:23
