საქართველოს ნავთობისა და გაზის კორპორაციის თანამშრომლებმა სოფელ ბერეთისას სკოლის ეზოში ხის ნერგები დარგეს
საქართველოს ნავთობისა და გაზის კორპორაციის თანამშრომლებმა ჭიათურის მუნიციპალიტეტში, სოფელ ბერეთისას საჯარო სკოლის ეზოში, ადგილობრივი კლიმატური პირობების შესაბამისი სხვადასხვა ჯიშის ხის ნერგები დარგეს. გამწვანების ტერიტორია ადგილობრივი თვითმმართველობისა და მოსახლეობის სურვილის გათვალისწინებით განისაზღვრა.
აღნიშნული აქტივობა უკავშირდება კორპორაციის მიერ დაგეგმილ პროექტს — აღმოსავლეთ-დასავლეთის მაგისტრალური გაზსადენის „ხაშური-ზესტაფონის“ ახალი, 36-კილომეტრიანი მონაკვეთის მშენებლობას.
ენერგეტიკული პროექტების განხორციელებასთან ერთად, საქართველოს ნავთობისა და გაზის კორპორაცია განსაკუთრებულ მნიშვნელობას ანიჭებს გარემოსდაცვით საკითხებს და საქმიანობის არეალში გამწვანების აქტივობებს რეგულარულად ახორციელებს, რაც ხელს უწყობს მწვანე საფარის აღდგენასა და ეკოლოგიური ბალანსის შენარჩუნებას.
გამწვანების აქცია კორპორაციის გენერალური დირექტორის, ეკატერინე სისაურის ინიციატივით გაიმართა. ღონისძიებაში კორპორაციის ხელმძღვანელ პირებთან და თანამშრომლებთან ერთად, ჭიათურის მუნიციპალიტეტის მერი გივი მოდებაძე, ადგილობრივი მოსახლეობა და სკოლის მოსწავლეები მონაწილეობდნენ.
დღის ტოპ 10 სიახლე
სხვა სიახლეები
სგპ ,,ყაზბეგის" მებაჟე ოფიცრებმა 1 კილოგრამამდე არადეკლარირებული ოქროს ნაკეთობების შემოტანის 8 ფაქტი აღკვეთეს
26.06.2026.20:35
ფინანსთა სამინისტროს შემოსავლების სამსახურის სგპ ,,ყაზბეგის" მებაჟე ოფიცრებმა საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტომობილების დეტალური დათვალიერების შედეგად, 1 კილოგრამამდე მალულად განთავსებული არადეკლარირებული ოქროს საიუველირო ნაკეთობების შემოტანის 8 ფაქტი აღკვეთეს.
არადეკლარირებული ოქროს საერთო საბაჟო ღირებულებამ 186 560 ლარი შეადგინა.
6 კანონდამრღვევი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა, ხოლო 2 კანონდამრღვევი მოქალაქე საბაჟო კოდექსის 168-ე მუხლის პირველი ნაწილის შესაბამისად სანქციის სახით, ჯამში - 17 502 ლარით დაჯარიმდა.
სასარგებლო წიაღისეულის მოპოვების ლიცენზიის გაცემისთვის გეოსაინფორმაციო პაკეტის მომზადება 10 სამუშაო დღეში შესაძლებელი გახდა
26.06.2026.18:41
