შავი ზღვის სანაპიროს დაცვისა და აღდგენის საინჟინრო პროექტის მოსამზადებლად საერთაშორისო ტენდერი გამოცხადდა
საქართველოს ინფრასტრუქტურის სამინისტროს საავტომობილო გზების დეპარტამენტმა შავი ზღვის სანაპირო ზოლში სანაპიროს დაცვისა და აღდგენის ღონისძიებების დეტალური საინჟინრო პროექტის (DED) მოსამზადებლად საერთაშორისო ტენდერი გამოაცხადა. ინფორმაციას საავტომობილო გზების დეპარტამენტი ავრცელებს.
სამუშაოები „მწვანე და ინკლუზიური რეგიონული კარიბჭის განვითარების პროგრამის” ფარგლებში, აზიის განვითარების ბანკის (ADB) ფინანსური მხარდაჭერით განხორციელდება.
დეტალური საინჟინრო პროექტი უნდა მომზადდეს საქართველოს შავი ზღვის სანაპიროს გასწვრივ სულ მცირე ცხრა პრიორიტეტული ლოკაციისთვის, მათ შორის ქობულეთის სანაპიროსთვის. დოკუმენტი განსაზღვრავს კლიმატგამძლე სანაპირო დაცვისა და აღდგენის ღონისძიებების განსახორციელებლად საჭირო საინჟინრო გადაწყვეტებს.
ტენდერში გამარჯვებულ კომპანიას დეტალური საინჟინრო პროექტის მოსამზადებლად 9 თვე ექნება.
დაინტერესებულმა საკონსულტაციო კომპანიებმა სატენდერო წინადადებები არაუგვიანეს 2026 წლის 2 ოქტომბრისა უნდა წარმოადგინონ.
ტენდერის ბმული.
დღის ტოპ 10 სიახლე
სხვა სიახლეები
ინფრასტრუქტურის სამინისტროს სისტემაში ანაზღაურებადი სტაჟირების კონკურსი 33 პოზიციაზე გამოცხადდა
04.09.2026.13:26
საქართველოს ინფრასტრუქტურის სამინისტროს სისტემაში, პრემიერ-მინისტრის მიერ ინიცირებული 3-თვიანი ანაზღაურებადი სტაჟირების პროგრამის ფარგლებში, სტაჟიორთა შესარჩევი კონკურსი 33 პოზიციაზე გამოცხადდა.
პროგრამაში მონაწილეობის მსურველთა განაცხადების მიღება 2026 წლის 1 სექტემბერს დაიწყო და 10 სექტემბრის ჩათვლით გაგრძელდება.
სტაჟირების პროგრამაში მონაწილეობა შეუძლიათ საქართველოში ავტორიზებული უმაღლესი საგანმანათლებლო დაწესებულებების სტუდენტებს, რომლებიც ბაკალავრიატის დამამთავრებელ სასწავლო წელს ან უმაღლესი განათლების მეორე საფეხურზე სწავლობენ. პროგრამაში ჩართვა ასევე შეუძლიათ პირებს, რომლებმაც უმაღლესი განათლების პირველი ან მეორე საფეხური 2025-2026 სასწავლო წლის გაზაფხულის სემესტრში დაასრულეს.
კანდიდატთა შერჩევის ერთ-ერთი მნიშვნელოვანი კრიტერიუმია აკადემიური მოსწრება — GPA 2.7-დან 4.0-მდე ან, 100-ქულიანი შეფასების სისტემის შემთხვევაში, 71-დან 100 ქულამდე.
ამასთან, სამინისტროს სისტემაში გამოცხადებულ ცალკეულ პოზიციებზე, შესაბამისი სტრუქტურული ერთეულების საქმიანობის სპეციფიკის გათვალისწინებით, განსაზღვრულია დამატებითი საკვალიფიკაციო მოთხოვნები.
3-თვიანი ანაზღაურებადი სტაჟირების პროგრამა ახალგაზრდებს შესაძლებლობას აძლევს, პროფესიული გამოცდილება საჯარო სამსახურში მიიღონ, პრაქტიკაში გამოიყენონ მიღებული ცოდნა და გაეცნონ სახელმწიფო უწყებების საქმიანობას.
შავი ზღვის სანაპიროს დაცვისა და აღდგენის საინჟინრო პროექტის მოსამზადებლად საერთაშორისო ტენდერი გამოცხადდა
04.09.2026.12:34
წინანდლის ფესტივალის ფარგლებში იტალიის საელჩოს მხარდაჭერით გამართული კონცერტის წარმატება
04.09.2026.12:30
