მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7190
-0.0035
flag
AZN 1.5254
0
flag
CNY 38.894
0.0002
flag
EUR 2.8495
-0.0052
flag
GBP 3.4194
-0.0014
flag
KZT 58.36
-0.0001
flag
TRY 0.0514
-0.0001
flag
USD 2.5928
-0.0003
news banner

შეხვედრა ახალგაზრდებთან ადიგენში საარჩევნო საკითხებთან დაკავშირებით

news image
mbc image

ცენტრალური საარჩევნო კომისია (ცესკო) ახალგაზრდობის სააგენტოსთან თანამშრომლობით ახალგაზრდებთან საინფორმაციო შეხვედრებს აგრძელებს. მორიგი შეხვედრები ადიგენში გაიმართა და ის ცენტრალური საარჩევნო კომისიის თავმჯდომარე გიორგი კალანდარიშვილმა გახსნა.

გიორგი კალანდარიშვილი ახალგაზრდებს ქვეყანაში დემოკრატიის განვითარების კუთხით არჩევნების მნიშვნელობაზე და ამ პროცესში მათ ჩართულობასა და როლზე ესაუბრა. ასევე მიაწოდა ინფორმაცია მათ ისეთ მნიშვნელოვან საკითხებზე, როგორებიცაა არჩევნების ისტორია, საარჩევნო უფლება, საარჩევნო ელექტრონული ტექნოლოგიების უპირატესობები, დეზინფორმაციის გავლენები და მისი შედეგები საარჩევნო პროცესში.

საარჩევნო ადმინისტრაციის სტრატეგიაზე, რომელსაც უწყება დეზინფორმაციის წინააღმდეგ იყენებს, უფრო დეტალურად ახალგაზრდებს ცესკოს პრეს-სპიკერი ნათია იოსელიანი ესაუბრა. მან ახალგაზრდებს ინფორმაცია მიაწოდა ახალი პორტალის disinfo.cec.gov.ge. შესახებ, საიდანაც ყველას შეუძლია მიიღოს სწორი ინფორმაცია საარჩევნო საკითხებზე. ასევე მან ისაუბრა ცესკოს საინფორმაციო-ანალიტიკური განყოფილების მიერ მომზადებულ ანგარიშებზე, რომელიც პერიოდულად მზადდება, ვებგვერდზე ქვეყნდება და საჯაროა ყველა დაინტერესებული პირისთვის.

უშუალოდ საარჩევნო პროცესის ორგანიზების, ტექნოლოგიების დანერგვის ისტორიისა და საარჩევნო ადმინისტრაციის ინსტიტუციური მოწყობის შესახებ ინფორმაცია ახალგაზრდებს ადიგენის საოლქო საარჩევნო კომისიის თავმჯდომარე ჯაბა მაჭარაშვილმა მიაწოდა.

როგორც შეხვედრის დასრულების შემდეგ ცესკოს თავმჯდომარემ აღნიშნა: „ახალგაზრდებთან კომუნიკაცია საარჩევნო ადმინისტრაციის ერთ-ერთ პრიორიტეტს წარმოადგენს. რეგიონებში შეხვედრები გაგრძელდება, რათა რაც შეიძლება ბევრ ახალგაზრდას შევხვდეთ, ვისაუბროთ მათთან და გავცვალოთ ინფორმაცია საარჩევნო საკითხებთან დაკავშირებით. მათ შორის, მოვისმინოთ მათი წუხილები და რეკომენდაციები, რომლებსაც შესაძლებლობის ფარგლებში გავითვალისწინებთ. სწორედ ასეთი შეხვედრები უზრუნველყოფს ახალგაზრდების მეტად დაინტერესებას საარჩევნო პროცესებით და მათი ჩართულობის ზრდას.“

21 მაისს ადიგენში გამართული შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.

შეხვედრის დასასრულს მემორანდუმის და პროექტის მნიშვნელობის შესახებ ისაუბრა ახალგაზრდობის სააგენტოს მუნიციპალური სამმართველოს უფროსმა ელზა შამათავამ, რომელმაც ახალგაზრდებს ინფორმაცია სააგენტოს სხვა მნიშვნელოვანი პროექტების შესახებაც მიაწოდა.

ვიზიტის ფარგლებში ცესკოს თავმჯდომარე და პრეს-სპიკერი ადიგენის საოლქო საარჩევნო კომისიას და სამცხე - ჯავახეთის რეგიონულ კოორდინატორს სოსო პარუნაშვილს შეხვდნენ და მიმდინარე საქმიანობები განიხილეს.

banner image news banner
ანი ლიპარტელიანი ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image სინგაპურში, მსოფლიოს უმსხვილეს ფინტექ ფესტივალზე საქართველოს პავილიონის გახსნას სინგაპურის სახელმწიფო მინისტრი დაესწრო

18.11.2026.14:49

სინგაპურის სახელმწიფო მინისტრი საგარეო და ეროვნული განვითარების საკითხებში ალვინ თანი მსოფლიოს ერთ-ერთ უმსხვილეს ტექნოლოგიურ ღონისძიებაზე - სინგაპურის ფინტექ ფესტივალზე საქართველოს პავილიონის გახსნას დაესწრო.

საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ სინგაპურის სახელმწიფო მინისტრს საქართველოს ფინანსური და ტექნოლოგიური სექტორების განვითარების ძირითადი მიმართულებები, ქვეყანაში განხორციელებული რეფორმები და ინოვაციური პროექტები გააცნო.

საქართველოს პავილიონზე სებ-თან ერთად წარმოდგენილი არიან ქართული ფინანსური და ფინტექ სექტორის წარმომადგენლები, რომლებმაც პავილიონის სტუმრებს საკუთარი საქმიანობის, პროდუქტებისა და მომსახურების შესახებ პრეზენტაციები წარუდგინეს.

ფესტივალის მონაწილეებს შესაძლებლობა ჰქონდათ, უშუალოდ გასცნობოდნენ ქართული კომპანიების მიერ შეთავაზებულ ფინანსურ პროდუქტებს, ციფრულ სერვისებსა და ინოვაციურ ტექნოლოგიურ გადაწყვეტებს, მიეღოთ დეტალური ინფორმაცია მათი საქმიანობის შესახებ და პირადად გასაუბრებოდნენ კომპანიის წარმომადგენლებს. მსგავსი ფორმატი ხელს უწყობს ქართული ფინანსური და ფინტექკომპანიების საერთაშორისო ცნობადობის ამაღლებას, მათი შესაძლებლობების წარმოჩენასა და უცხოელ პარტნიორებთან ახალი საქმიანი ურთიერთობების ჩამოყალიბებას.

სინგაპურის ფინტექფესტივალი წელს დაარსებიდან 10 წლის იუბილეს აღნიშნავს და 100-ზე მეტი ქვეყნისა და რეგიონის 70 000-ზე მეტ მონაწილეს აერთიანებს. ღონისძიებაში მონაწილეობენ მსოფლიოს წამყვანი ცენტრალური ბანკები და საერთაშორისო ფინანსური ინსტიტუტები. მათ შორის, ევროპის ცენტრალური ბანკი, გერმანიის ბუნდესბანკი, ინგლისის ბანკი, იაპონიის, ესპანეთისა და დანიის ცენტრალური ბანკები, აშშ-ის ფედერალური სარეზერვო სისტემა, საერთაშორისო სავალუტო ფონდი, საერთაშორისო ანგარიშსწორების ბანკი, მსოფლიო ბანკი და აზიის განვითარების ბანკი. კერძო სექტორს ისეთი მსხვილი კომპანიები წარმოადგენენ, როგორებიცაა J.P. Morgan, Visa, Mastercard, Ant International, Tencent და Amazon Web Services.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა