სხვადასხვა მუნიციპალიტეტში 11 საბავშვო ბაღის მშენებლობისა და რეაბილიტაციისთვის ტენდერები გამოცხადდა
ინფრასტრუქტურის სამინისტროს მუნიციპალური განვითარების ფოდნის მიერ გამოცხადებული ტენდერების ფარგლებში გათვალისწინებულია 200 ბავშვზე გათვლილი ახალი საბავშვო ბაღების მშენებლობა ბათუმის მუნიციპალიტეტის გონიოს დასახლებაში, მცხეთის მუნიციპალიტეტის სოფელ მუხრანში და ხაშურში, №2 საბავშვო ბაღის ტერიტორიაზე. პროექტები მოიცავს დეტალური საპროექტო დოკუმენტაციის კორექტირებას და შესაბამის სამშენებლო სამუშაოებს.
ამასთან, დაგეგმილია, ქობულეთის მუნიციპალიტეტის სოფელ ქაქუთის საბავშვო ბაღისა და ბათუმის №11 საბავშვო ბაღის რეკონსტრუქცია-რეაბილიტაცია.
საბავშვო ბაღების ინფრასტრუქტურის განვითარების პროგრამის ფარგლებში ასევე იგეგმება 25 ბავშვზე გათვლილი ბაღების მშენებლობა სხვადასხვა მუნიციპალიტეტის 6 სოფელში. მათ შორის, ლაგოდეხის მუნიციპალიტეტის სოფლებში საქობოსა და ზემო გურგენიანში, ყვარლის მუნიციპალიტეტის სოფელ შაქრიანში, ჩხოროწყუს მუნიციპალიტეტის სოფელ ლედარსალეში, ჩოხატაურის მუნიციპალიტეტის სოფელ იანეულსა და ლანჩხუთის მუნიციპალიტეტის სოფელ მამათში.
პროექტების მიზანია სკოლამდელი განათლების ხელმისაწვდომობის გაზრდა, თანამედროვე სტანდარტების შესაბამისი ინფრასტრუქტურის შექმნა და ბავშვებისთვის უსაფრთხო, კომფორტული გარემოს შექმნა.
სხვა სიახლეები
აღმოსავლეთ საქართველოში კალიების საწინააღმდეგო ღონისძიებები მიმდინარეობს
05.09.2026.15:07
სურსათის ეროვნული სააგენტო აგრძელებს სასოფლო-სამეურნეო კულტურათა მავნებელ-დაავადებებთან ბრძოლას მთელი ქვეყნის მასშტაბით. მოსახლეობისთვის ზარალის მინიმუმამდე შემცირების მიზნით, აღმოსავლეთ საქართველოში საშიში მავნებლის - იტალიური კალიის საწინააღმდეგო ღონისძიებები მიმდინარეობს.
ამ ეტაპისთვის დამუშავებულია 27 ათას ჰექტრამდე ფართობი.
მობილიზებულია სპეციალური ტექნიკა, ტერიტორიები სამანქანე დანადგარებით მუშავდება.
სურსათის ეროვნული სააგენტოს მცენარეთა დამცველები მავნებლის გავრცელების არეალს მონიტორინგის შედეგების საფუძველზე ადგენენ, რის შემდეგაც იგეგმება წამლობითი ღონისძიებები.
სხვადასხვა მუნიციპალიტეტში 11 საბავშვო ბაღის მშენებლობისა და რეაბილიტაციისთვის ტენდერები გამოცხადდა
05.09.2026.14:25
ქონების გადასახადის რეფორმა ნაწილი კომპანიების შემთხვევაში გვაქვს ჯერ კიდევ მიმდინარე ეტაპზე - გიორგი კაკაურიძე
04.09.2026.15:01
მივიღეთ გადაწყვეტილება, რომ ქონების გადასახადის რეფორმა ორ ნაწილად გავყოთ - გიორგი კაკაურიძე
04.09.2026.15:00
ფიზიკური პირების ქონების გადასახადის რეფორმის ნაწილში ერთი კვირის განმავლობაში საბოლოო რედაქცია გვექნება და საზოგადოებას წარედგინება - გიორგი კაკაურიძე
04.09.2026.14:55
ინფრასტრუქტურის სამინისტროს სისტემაში ანაზღაურებადი სტაჟირების კონკურსი 33 პოზიციაზე გამოცხადდა
04.09.2026.13:26
შავი ზღვის სანაპიროს დაცვისა და აღდგენის საინჟინრო პროექტის მოსამზადებლად საერთაშორისო ტენდერი გამოცხადდა
04.09.2026.12:34
