სსიპ გარემოსდაცვითი ინფორმაციისა და განათლების ცენტრსა და პროფესიულ კოლეჯ „აისი“-ს შორის ურთიერთთანამშრომლობის მემორანდუმი გაფორმდა
სსიპ გარემოსდაცვითი ინფორმაციისა და განათლების ცენტრსა და პროფესიულ კოლეჯ „აისის“-ს შორის ურთიერთთანამშრომლობის მემორანდუმი გაფორმდა, რაც მნიშვნელოვან ნაბიჯს წარმოადგენს პროფესიული განათლებისა და გარემოსდაცვითი მიმართულებების განვითარების პროცესში.
მემორანდუმი ითვალისწინებს მხარეებს შორის თანამშრომლობის გაღრმავებას და ერთობლივი საქმიანობის ხელშეწყობას. თანამშრომლობა მიმართული იქნება აგრარულ და გარემოსდაცვით სფეროებში საგანმანათლებლო და პრაქტიკული შესაძლებლობების განვითარებაზე, თანამედროვე სტანდარტების დანერგვასა და მოთხოვნადი პროფესიების პოპულარიზაციაზე.
განსაკუთრებული ყურადღება დაეთმობა სტუდენტების თეორიული ცოდნის პრაქტიკასთან ეფექტიან დაკავშირებას, რაც ხელს შეუწყობს მათი პროფესიული უნარების გაძლიერებასა და დასაქმების შესაძლებლობების ზრდას.
თანამშრომლობის ფარგლებში დაგეგმილია ერთობლივი საგანმანათლებლო, საინფორმაციო და პრაქტიკული პროექტების განხორციელება, ტრენინგების, სემინარებისა და სამუშაო შეხვედრების ორგანიზება, ასევე გამოცდილების გაზიარება როგორც ადგილობრივ, ისე საერთაშორისო დონეზე.
აღნიშნული ინიციატივა ხელს შეუწყობს გარემოსდაცვითი ცნობიერების ამაღლებას, ეკოლოგიურად პასუხისმგებელი მიდგომების დანერგვას და მდგრადი განვითარების პრინციპების გაძლიერებას.
სხვა სიახლეები
ბიძინა ივანიშვილის ოჯახი, ფონიჭალაში დაზარალებულ 28 ოჯახს საცხოვრებელ ბინებს შეუძენს
20.11.2026.20:13
ბიძინა და ეკატერინა ივანიშვილები ფონიჭალაში მომხდარი ტრაგიკული შემთხვევის გამო ღრმა მწუხარებას გამოთქვამენ.
როგორც სამძიმრის წერილშია აღნიშნული, ბიძინა ივანიშვილი და მისი მეუღლე ფონიჭალაში აფეთქების შედეგად დაზარალებულ 28 ოჯახს საცხოვრებელ ბინებს გადასცემენ.
„ღრმა მწუხარებას გამოვხატავთ ფონიჭალაში მომხდარი ტრაგედიის გამო, რასაც 6 ადამიანის სიცოცხლე ემსხვერპლა. ვუსამძიმრებთ გარდაცვლილთა ოჯახებსა და სრულიად საქართველოს ამ უდიდეს ტკივილს.
მომხდარი უბედური შემთხვევის შედეგად, 28 ოჯახი დარჩა საცხოვრებელი სახლის გარეშე, რის გამოც მე და ჩემმა მეუღლემ მივიღეთ გადაწყვეტილება, რომ აღნიშნულ ოჯახებს შევუძენთ და გადავცემთ საცხოვრებელ ბინებს. ეს არის ის მცირედი დახმარება, რაც გვსურს გამოვხატოთ უდიდესი ტრაგედიის შედეგად დაზარალებულთა მიმართ. კიდევ ერთხელ ვუსამძიმრებთ სრულიად საქართველოს“- აღნიშნულია სამძიმრის წერილში.
19 ნოემბერს, ქვემო ფონიჭალაში, საცხოვრებელ კორპუსში მომხდარ აფეთქებას, 6 ადამიანის სიცოცხლე ემსხვერპლა. კორპუსის მეხუთე სართულზე მცხოვრები შშმ პირი ჰყვება, რომ ღამით ცდილობდა ბუნებრივი აირის ჩართვას, თუმცა ვერ შეძლო და სავარაუდოდ, მილი ღია დატოვა.