თბილისის შემოვლითი გზის აეროპორტი–რუსთავის მონაკვეთის მშენებლობის ზედამხედველობაზე საერთაშორისო ტენდერი გამოცხადდა
საქართველოს ინფრასტრუქტურის სამინისტროს საავტომობილო გზების დეპარტამენტმა თბილისის შემოვლითი გზის პროექტის ფარგლებში, მე-4 და მე-5 ლოტების სამშენებლო სამუშაოების ზედამხედველობისთვის საერთაშორისო ტენდერი გამოაცხადა.
მე-4 ლოტი მოიცავს 8.7-კილომეტრიან მონაკვეთს (თბილისის აეროპორტი – ლოჭინის კვანძი), ხოლო მე-5 ლოტის სიგრძე 10.2 კილომეტრია და ლოჭინის კვანძიდან რუსთავის მიმართულებას მოიცავს.
აღნიშნულ მონაკვეთებზე სამშენებლო სამუშაოების საზედამხედველო მომსახურების სავარაუდო ღირებულება 15,136,926 აშშ დოლარს შეადგენს.
საზედამხედველო მომსახურების შესყიდვა განხორციელდება აზიის განვითარების ბანკის (ADB) ფინანსური მხარდაჭერით და მისი შესყიდვების წესების შესაბამისად.
დაინტერესებულმა კომპანიებმა განაცხადები (ინტერესის გამოხატვა) უნდა წარმოადგინონ ინგლისურ ენაზე, აზიის განვითარების ბანკის ვებ-გვერდის მეშვეობით, არაუგვიანეს 2026 წლის 21 აპრილისა.
ზედამხედველობის მომსახურების სავარაუდო ხანგრძლივობა 90 თვეა.
თბილისის შემოვლითი გზა წარმოადგენს აღმოსავლეთ–დასავლეთის საერთაშორისო მაგისტრალის (E60) მნიშვნელოვან ნაწილს. პროექტი ერთდროულად ემსახურება საერთაშორისო სატრანზიტო ფუნქციის გაძლიერებას და დედაქალაქის სატრანსპორტო დატვირთვის შემცირებას.
თბილისის შემოვლითი გზა (ნატახტარი/წიწამური — რუსთავი) ჯამში, დაახლოებით 49 კილომეტრია და რამდენიმე ლოტად ხორციელდება.
ტენდერის შესახებ დეტალური ინფორმაცია იხილეთ შემდეგ ბმულზე:
https://www.georoad.ge/?lang=geo&act=tenders&func=menu&uid=1774264379
დღის ტოპ 10 სიახლე
სხვა სიახლეები
მებაჟე ოფიცრებმა მილიონ ლარზე მეტი არადეკლარირებული თანხის შემოტანის მცდელობის ფაქტები აღკვეთეს
28.05.2026.17:00
ფინანსთა სამინისტროს შემოსავლების სამსახურის ,,სარფისა" და ,,ქუთაისის აეროპორტის" საბაჟო გამშვებ პუნქტებზე დიდი ოდენობით არადეკლარირებული თანხის შემოტანის მცდელობის ფაქტები აღიკვეთა.
მებაჟე ოფიცრებმა, უცხო ქვეყნის მოქალაქეების, როგორც ფიზიკური, ასევე მათი კუთვნილი ბარგის დეტალური დათვალიერების შედეგად, არადეკლარირებული თანხა ჯამში - 170 240 ევრო და 200 200 აშშ დოლარი აღმოაჩინეს.
არადეკლარირებული თანხის საერთო რაოდენობამ ეროვნული ბანკის გაცვლითი კურსის მიხედვით - 1 076 582 ლარი შეადგინა.
სამართალდამრღვევ მოქალაქეებს საბაჟო კოდექსის 169-ე მუხლის პირველი და მე-3 ნაწილის თანახმად, სანქციის სახით ჯარიმა, საერთო ჯამში -107 658 ლარი შეეფარდათ.
ინოვაციების და ტექნოლოგიების სააგენტო ხელს უწყობს პროფესიონალურ ცოდნაზე დაფუძნებული ტექნოლოგიური და ინოვაციური ეკოსისტემის შექმნას - ავთანდილ კასრაძე
28.05.2026.16:48
წარმატებით დასრულდა 400 მილიონი ლარის მოცულობის სახაზინო ფასიანი ქაღალდების სადებიუტო გამოშვება - ფინანსთა სამინისტრო
28.05.2026.16:10
გარემოს ეროვნული სააგენტო უახლოეს დღეებში მოსალოდნელი ამინდის შესახებ ინფორმაციას ავრცელებს
28.05.2026.15:41
