თბილისის სკოლის მოსწავლეებისთვის პლასტმასის გამოყენების შემცირების და ნარჩენების მართვის საკითხებზე საინფორმაციო-შემეცნებითი შეხვედრები გაიმართა
გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ინიციატივითა და ორგანიზებით, თბილისის სკოლის მოსწავლეებისთვის საინფორმაციო-შემეცნებითი შეხვედრები გაიმართა. პროგრამის ფარგლებში ტრენინგები ჩატარდა თბილისის 55-ე, 53-ე და 51-ე საჯარო სკოლებში.
ტრენინგების მიზანია ახალგაზრდა თაობაში გარემოსდაცვითი ცნობიერების ამაღლება და პრაქტიკული უნარების ჩამოყალიბება. პროგრამა მოიცავდა პლასტმასის გამოყენების შემცირების და ნარჩენების მართვის საკითხებს, მათ შორის, ნარჩენების დახარისხების პრაქტიკულ მიდგომებს, პლასტმასის უარყოფით გავლენას გარემოზე და პლასტმასის ალტერნატივებს.
განსაკუთრებული ყურადღება დაეთმო ახალგაზრდული ინიციატივების გაძლიერებას.
ტრენინგები მოიცავდა ლექციებს, პრაქტიკულ სამუშაოებსა და ჯგუფურ დავალებებს, რაც მოსწავლეებს შესაძლებლობას აძლევდა მიღებული ცოდნა პრაქტიკაში გამოეყენებინათ.
გარემოსდაცვითი ინფორმაციისა და განათლების ცენტრის დირექტორის განცხადებით, ცენტრისთვის ახალგაზრდებთან მუშაობა ერთ-ერთი პრიორიტეტული მიმართულებაა.
„მნიშვნელოვანია, რომ მოსწავლეებმა ადრეული ასაკიდანვე გააცნობიერონ გარემოს დაცვის მნიშვნელობა და საკუთარი ყოველდღიური ქცევებით ჩაერთონ პროცესში. მსგავსი საინფორმაციო შეხვედრები ხელს უწყობს პასუხისმგებლიანი, აქტიური და გარემოს დაცვაზე ორიენტირებული თაობის ჩამოყალიბებას“, - განაცხადა გარემოსდაცვითი ინფორმაციისა და განათლების ცენტრის დირექტორმა თამთა დევდარიანმა.
დღის ტოპ 10 სიახლე
სხვა სიახლეები
ბათუმში მასშტაბურ გასტრონომიულ ფესტივალ „გემოფესტზე“ ირაკლი კობახიძე და მარიამ ქვრივიშვილი იმყოფებოდნენ
06.09.2026.21:51
საქართველოს პრემიერ-მინისტრი ირაკლი კობახიძე, ეკონომიკისა და მდგრადი განვითარების მინისტრ მარიამ ქვრივიშვილთან და აჭარის ავტონომიური რესპუბლიკის მთავრობის თავმჯდომარე ზურაბ პატარაძესთან ერთად, ბათუმში, "გემოფესტზე" იმყოფებოდა.
მთავრობის მეთაურმა გასტრონომიული ფესტივალის ფარგლებში მოწყობილი პავილიონები დაათვალიერა, რომელიც სამეწარმეო სივრცეებთან ერთად, აგროზონას, ღვინის, კულინარიულ და საბავშვო სივრცეებს აერთიანებს.
ფესტივალში 20-მდე კომპანია მონაწილეობს, მათ შორის არიან აფხაზეთიდან დევნილი მეწარმეები.
"გემოფესტი" ტურიზმის ეროვნული ადმინისტრაციის ორგანიზებით 2022 წლიდან იმართება და სტუმრებს შესაძლებლობას აძლევს, გაეცნონ საქართველოს სხვადასხვა რეგიონის კულინარიულ ტრადიციებს, დააგემოვნონ როგორც ტრადიციული, ისე იშვიათი და ნაკლებად ცნობილი კერძები, ასევე მონაწილეობა მიიღონ გასართობ ღონისძიებებში.
სხვადასხვა მუნიციპალიტეტში 11 საბავშვო ბაღის მშენებლობისა და რეაბილიტაციისთვის ტენდერები გამოცხადდა
05.09.2026.14:25
ქონების გადასახადის რეფორმა ნაწილი კომპანიების შემთხვევაში გვაქვს ჯერ კიდევ მიმდინარე ეტაპზე - გიორგი კაკაურიძე
04.09.2026.15:01
მივიღეთ გადაწყვეტილება, რომ ქონების გადასახადის რეფორმა ორ ნაწილად გავყოთ - გიორგი კაკაურიძე
04.09.2026.15:00
ფიზიკური პირების ქონების გადასახადის რეფორმის ნაწილში ერთი კვირის განმავლობაში საბოლოო რედაქცია გვექნება და საზოგადოებას წარედგინება - გიორგი კაკაურიძე
04.09.2026.14:55
