ცხოველების მოშენება შესაძლებელი იქნება მხოლოდ მომშენებლების მიერ, რომლებიც უნდა დარეგისტრირდნენ - მინისტრის მოადგილე
გარემოს დაცვისა და სოფლის მეურნეობის მინისტრის მოადგილის ლაშა ავალიანის განცხადებით, შინაური ცხოველების რეგისტრაცია, იდენტიფიკაცია და რეალიზაცია მოწესრიგდება სპეციალურად მომზადებული კონტროლქვემდებარე ობიექტების მეშვეობით, რომელთა მონიტორინგს გარემოს დაცვისა და სოფლის მეურნეობის სამინისტროს სურსათის ეროვნული სააგენტო ადგილობრივ თვითმმართველობებთან ერთად განახორციელებს. როგორც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას ლაშა ავალიანმა განაცხადა პირველ ეტაპზე აქცენტი გაკეთდება ძაღლებზე, რადგან ისინი ცოფის და სხვა დაავადებების მთავარი გამავრცელებლები არიან, ხოლო კატების იდენტიფიკაცია და სტერილიზაცია შემდგომ ეტაპებზე იგეგმება.
„ცხოველების მოშენება შესაძლებელი იქნება მხოლოდ მომშენებლების მიერ, რომლებიც უნდა დარეგისტრირდნენ - ესენი იქნებიან კონტროლქვემდებარე ობიექტები. ამ შემთხვევაში გარემოს დაცვისა და სოფლის მეურნეობის სამინისტროს სურსათის ეროვნული სააგენტო გააკონტროლებს ამას ადგილობრივ თვითმმართველობებთან ერთად. რომელიც ამ შემთხვევაში უკვე თვითონ განსაზღვრავს სარეალიზაციოდ განკუთვნილ, ასე ვთქვათ, სახეობას და მოახდენს მათ რეალიზაციას, თუმცა იქნება ჩარჩოებში მოქცეული. რა თქმა უნდა, არ განთავისუფლდება ის იდენტიფიკაცია-რეგისტრაციისგან. ჩვენ პირველ ეტაპზე სწორება გვაქვს მთელი რიგი საკითხებში ძაღლებზე, იმიტომ რომ ეს უფრო მნიშვნელოვანია და ასე დაიწყო ყველა ქვეყანამ, თუმცა შინაარსობრივად მოიაზრება ასევე კატებიც. თუმცა კატებთან მიმართებაში მასიური პროგრამები, რომელიც არის იდენტიფიკაცია-რეგისტრაცია, სტერილიზაცია-კასტრაცია უკვე უფრო შემდგომ ეტაპებზე შემოვა.
შეგვიძლია დაავადებებთან მიმართებაშიც ვისაუბროთ, რომელიც მნიშვნელოვანია ამ შემთხვევაში ცოფი, რომელიც როგორც ვეტერინარული მიმართულებით, ასევე ჯანდაცვის მიმართულებით ერთ-ერთი უმთავრესი დაავადებაა. აქაც ყოველთვის ჩვენი ინდიკატორული ცხოველი არის ძაღლი, რომელიც პირდაპირ უფრო არის ამ დაავადების ყველაზე მასიური გამავრცელებელი, პოტენციური გამავრცელებელი“, - აღნიშნა ლაშა ავალიანმა.
სხვა სიახლეები
ბიძინა ივანიშვილის ოჯახი, ფონიჭალაში დაზარალებულ 28 ოჯახს საცხოვრებელ ბინებს შეუძენს
20.11.2026.20:13
ბიძინა და ეკატერინა ივანიშვილები ფონიჭალაში მომხდარი ტრაგიკული შემთხვევის გამო ღრმა მწუხარებას გამოთქვამენ.
როგორც სამძიმრის წერილშია აღნიშნული, ბიძინა ივანიშვილი და მისი მეუღლე ფონიჭალაში აფეთქების შედეგად დაზარალებულ 28 ოჯახს საცხოვრებელ ბინებს გადასცემენ.
„ღრმა მწუხარებას გამოვხატავთ ფონიჭალაში მომხდარი ტრაგედიის გამო, რასაც 6 ადამიანის სიცოცხლე ემსხვერპლა. ვუსამძიმრებთ გარდაცვლილთა ოჯახებსა და სრულიად საქართველოს ამ უდიდეს ტკივილს.
მომხდარი უბედური შემთხვევის შედეგად, 28 ოჯახი დარჩა საცხოვრებელი სახლის გარეშე, რის გამოც მე და ჩემმა მეუღლემ მივიღეთ გადაწყვეტილება, რომ აღნიშნულ ოჯახებს შევუძენთ და გადავცემთ საცხოვრებელ ბინებს. ეს არის ის მცირედი დახმარება, რაც გვსურს გამოვხატოთ უდიდესი ტრაგედიის შედეგად დაზარალებულთა მიმართ. კიდევ ერთხელ ვუსამძიმრებთ სრულიად საქართველოს“- აღნიშნულია სამძიმრის წერილში.
19 ნოემბერს, ქვემო ფონიჭალაში, საცხოვრებელ კორპუსში მომხდარ აფეთქებას, 6 ადამიანის სიცოცხლე ემსხვერპლა. კორპუსის მეხუთე სართულზე მცხოვრები შშმ პირი ჰყვება, რომ ღამით ცდილობდა ბუნებრივი აირის ჩართვას, თუმცა ვერ შეძლო და სავარაუდოდ, მილი ღია დატოვა.