მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

უახლოეს დღეებში მოსახლეობისთვის ekalata.gov.ge-ს აპლიკაცია გახდება ხელმისაწვდომი - ირაკლი ლექვინაძე

news image
mbc image

უახლოეს დღეებში მოსახლეობისთვის ekalata.gov.ge-ს აპლიკაცია გახდება ხელმისაწვდომი, - ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას საქართველოს კონკურენციისა და მომხმარებლის დაცვის სააგენტოს თავმჯდომარემ, ირაკლი ლექვინაძემ განაცხადა.

„ჩვენი მიზანია, რომ პორტალი ekalata.gov.ge ყველა ქართველი მომხმარებლისთვის, ვისაც სურს ძირითადი საბაზისო პროდუქტების შეძენა და დანაზოგის გაკეთება, გავხადოთ ძალიან პრაქტიკული ყოველდღიურ მოხმარებაში.
პრაქტიკულად, სამი თვეა გასული, რაც ეს პორტალი ჩაეშვა და პორტალზე უკვე შესაძლებელია, რომ 13 საბაზისო სასურსათო პროდუქტზე, რომელსაც ყოველდღიურ მოხმარებაში ძალიან დიდი წილი აქვს, და 10 არასასურსათო საბაზისო პროდუქტზე მომხმარებელმა აარჩიოს საკუთარი კალათა, ნახოს ლიდერი სავაჭრო ქსელები, აღნიშნული კალათის ღირებულება, სად არის ყველაზე იაფი და, ბოლოს, დამატებული ფუნქციონალით შეარჩიოს მის მდებარეობასთან ყველაზე ახლო მდებარე ლოკაცია.

გარდა ამისა, პორტალი ითვლის დანაზოგს. ეს არის წინასწარი ინფორმირების ძალიან კარგი რესურსი იმისთვის, რომ ვიცოდე, სად მივიდე და რა მოცულობის დანაზოგი გავაკეთო.

ამ დროისთვის 16 ქსელი გვაქვს წარმოდგენილი, დაახლოებით 650-მდე საუკეთესო შეთავაზებაა სხვადასხვა პროდუქტებზე და, რაც ყველაზე მთავარია და რაც აჩვენებს, კარგი ილუსტრაციაა კონკურენციის. ძალიან ხშირად იცვლებიან ლიდერები, მათ შორის სასურსათო, არასასურსათო კალათის.

მომხმარებელს შეუძლია თვის ჭრილში დაინახოს ფასების დინამიკაც ყველა პროდუქტზე, რომელიც საიტზეა განთავსებული და დანაზოგს თუ შევხედავთ, მაგალითად, აგვისტოს თვეში ეს იყო სადღაც 2 400 ლარი, ოღონდ პორტალზე განთავსებული ყველა პროდუქტის საბაზისო ფასიდან დაკლებული ფასის ჯამია ეს ყველაფერი.

თუ ამას გავამრავლებთ გაყიდვების მოცულობაზე, ეს რამდენიმე ათეული მილიონი ლარია და ყველა მომხმარებელს ინდივიდუალურად შეუძლია საკუთარი დანაზოგი დათვალოს. ამიტომ მე ვფიქრობ, ეს ძალიან პრაქტიკული ინსტრუმენტია ძალიან ბევრი მომხმარებლისთვის.

დღევანდელი ციფრი არის უნიკალური მომხმარებლების სადღაც 2 500-დან 4 000-მდე, თუმცა მას შემდეგ, რაც ჩვენ უახლოეს დღეებში აპლიკაციასაც ჩავუშვებთ, იგეგმება... დღესაც შესაძლებელია ეს მობილურში აღნიშნული პორტალის მოხმარება ძალიან კომფორტულად, თუმცა აპლიკაცია ბევრად უფრო პრაქტიკულია. ამის შემდგომ ვეცდებით, რომ ყველა მომხმარებელთან მივიდეთ ძალიან ახლოს და მოვუყვეთ ამ პორტალის პრაქტიკული სარგებლობის შესახებ.

ekalata.gov.ge აგრძელებს განვითარებას და კიდევ ბევრ კარგ სიახლეს შევთავაზებთ მომხმარებელს“, - აცხადებს ირაკლი ლექვინაძე.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image 24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება - საქართველოს გაზის ტრანსპორტირების კომპანია

22.11.2026.12:50

საქართველოს გაზის ტრანსპორტირების კომპანია განცხადებას ავრცლეებს, რომელსაც Business Insider Georgia უცვლელად გთავაზობთ: ,,24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება.
საგურამო-ქუთაისის მაგისტრალური გაზსადენის 33.8 - 54.0 კმ-ებს შორის მონაკვეთზე დაგეგმილია ახლადაშენებული 20 კილომეტრიანი მილსადენის მოქმედ მაგისტრალურ მილსადენში მიერთების ( შეჭრის) სამუშაოები, რის გამოც 2026 წლის 24 ნოემბრის 04:00 საათიდან 25 ნოემბრის 10:00 საათამდე, ბუნებრივი აირის მიწოდება შეუწყდებათ აღმოსავლეთ საქართველოს შემდეგი მუნიციპალიტეტებისა და მათ შემადგენლობაში შემავალი სოფლების მომხმარებლებს: კასპის, გორის, ქარელის, ხაშურისა და ბორჯომის მუნიციპალიტეტებს, ასევე დაბა ბაკურიანის მომხმარებლებს.
ამასთან, ბუნებრივი გაზის მიწოდება შეუწყდებათ დასავლეთ საქართველოს მიმართულებით მდებარე ყველა მუნიციპალიტეტის ქალაქებისა და სოფლების მომხმარებლებს, კერძოდ: საჩხერის, ჭიათურის, ხარაგაულის, ზესტაფონის, ამბროლაურის, ქუთაისის, წყალტუბოს, ბაღდათის, სამტრედიის, აბაშის, სენაკის, ხობის, ზუგდიდის, წალენჯიხის, ფოთის, ლანჩხუთის, ჩოხატაურისა და ოზურგეთის მუნიციპალიტეტებს, აგრეთვე აჭარის რეგიონს.
გარდა ამისა, საზოგადოების წინასწარი ინფორმირების მიზნით აღვნიშნავთ, რომ 2026 წლის ბოლომდე დაგეგმილია აღმოსავლეთ-დასავლეთის მაგისტრალური გაზსადენის ქობულეთის განშტოების ახლადაშენებული 25-კილომეტრიანი მონაკვეთის მოქმედ ქსელთან მიერთების მასშტაბური სამუშაოები, რაც აუცილებელ ტექნიკურ ღონისძიებებს საჭიროებს. აღნიშნული სამუშაოები აჭარის რეგიონში უწყვეტ გაზმომარაგებას უზრუნველყოფს.
სამუშაოების დასრულება ხელს შეუწყობს დასავლეთ საქართველოს მიმართულებით ბუნებრივი გაზის უსაფრთხო და სტაბილურ მიწოდებას, გაზსადენის ინფრასტრუქტურის კიდევ უფრო გაუმჯობესებას, რის შედეგადაც მაგისტრალურ მილსადენზე ავარიული გათიშვების რისკები ფაქტობრივად განულდება. მილსადენები, საქართველოს ნავთობისა და გაზის კორპორაციამ თანამედროვე ტექნოლოგიებისა და სტანდარტების დაცვით ააშენა. პროექტები გაზის სატრანსპორტო ინფრასტრუქტურის განახლებისა და მოდერნიზაციის მნიშვნელოვანი ნაწილია. მათი მიზანი ქსელის საიმედოობისა და უსაფრთხოების გაზრდა და მეტი დასახლების გაზიფიცირების ხელშეწყობაა.
მსგავსი მასშტაბისა და ტექნიკური სირთულის პროექტების განხორციელება მხოლოდ სამშენებლო სამუშაოების შესრულებას არ გულისხმობს. პროცესს წინ უძღვის კომპლექსური ტექნიკური მომზადება, საინჟინრო გადაწყვეტების დამუშავება და შესაბამისი საპროექტო და ტექნიკური დოკუმენტაციის მომზადება, ასევე სხვადასხვა საორგანიზაციო და უსაფრთხოების საკითხის უზრუნველყოფა. შესაბამისად, სამუშაოების თარიღი განისაზღვრა აუცილებელი ტექნიკური და მოსამზადებელი პროცესების გათვალისწინებით. ამასთან, გადაწყვეტილების მიღებისას მნიშვნელოვანი ფაქტორი იყო 24 ნოემბრის მეტეოროლოგიური პირობებიც, რათა გაზმომარაგების დროებითი შეზღუდვის პერიოდში მოსახლეობისთვის შესაძლო დისკომფორტი მაქსიმალურად შემცირდეს.
სამუშაოების დასრულების შემდეგ, 25 ნოემბრის 10:00 საათიდან, ბუნებრივი გაზის მიწოდება ეტაპობრივად აღუდგებათ გათიშული გაზგამანაწილებელი სადგურების მომხმარებლებს.
ბოდიშს გიხდით შექმნილი დროებითი დისკომფორტისთვის", - აღნიშნულია განცხადებაში. 

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა