ვაზიანი-გომბორი-თელავის გზაზე მეწყერის შედეგად დაზიანებული მონაკვეთის აღდგენა-გამაგრება მიმდინარეობს
საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ვაზიანი–გომბორი–თელავის საავტომობილო გზის 42-ე კმ-ზე მეწყერის შედეგად დაზიანებული მონაკვეთის აღდგენა-გამაგრებისა და ავტოტრანსპორტის უსაფრთხო გადაადგილების უზრუნველყოფის მიზნით სამუშაოები მიმდინარეობს.
აღნიშნულ მონაკვეთზე განვითარებულმა მეწყრულმა პროცესებმა გზის სავალი ნაწილი მნიშვნელოვნად დააზიანა. პრობლემის აღმოსაფხვრელად საქართველოს ინფრასტრუქტურის სამინისტროს საავტომობილო გზების დეპარტამენტი გზის გამაგრების კომპლექსურ სამუშაოებს ახორციელებს.
პროექტის ფარგლებში გათვალისწინებულია მეწყრული მონაკვეთის გამაგრება, გზის სავალი ნაწილის აღდგენა და წყალარინების მოწესრიგება. მოეწყობა ხიმინჯოვანი საყრდენი კედელი, სანიაღვრე არხი და ბეტონის ბლოკები, ხოლო გზის სავალ ნაწილზე დაიგება ასფალტ-ბეტონის საფარი. ამ ეტაპზე მიწის სამუშაოები მიმდინარეობს.
სამუშაოების დასრულების შედეგად აღდგება და გამაგრდება მეწყრის შედეგად დაზიანებული მონაკვეთი და უზრუნველყოფილი იქნება ავტოტრანსპორტის უსაფრთხო გადაადგილება.
პროექტი სახელმწიფო ბიუჯეტიდან 2 254 269 ლარით ფინანსდება, სამუშაოების დასრულება კი 2027 წლის ზაფხულშია დაგეგმილი.
სხვა სიახლეები
ნინო ჯელაძემ ჩინეთის ინვესტიციებისა და ვაჭრობის საერთაშორისო გამოფენაში მიიღო მონაწილეობა
11.09.2026.16:03
საქართველოს ეროვნული ბანკის ვიცე-პრეზიდენტმა ნინო ჯელაძემ ჩინეთის ცენტრალური ბანკის მიწვევით, ქალაქ სიამენში გამართულ ჩინეთის ინვესტიციებისა და ვაჭრობის საერთაშორისო გამოფენაში - CIFIT 2026 მიიღო მონაწილეობა.
ჩინეთის ცენტრალური ბანკის ორგანიზებით გამართული ღონისძიების ფარგლებში ასევე გაიმართა საფინანსო სექტორის გამოფენა, რომელზეც ჩინეთის უმსხვილესი ბანკები იყვნენ წარმოდგენილი. აღსანიშნავია, რომ წელს პირველად გამოფენას, საქართველოს ეროვნულ ბანკთან ერთად, ათი ქართული კომერციული ბანკი დაესწრო.
სებ-ის ვიცე-პრეზიდენტის განცხადებით, გამოფენაში მონაწილეობა და შეხვედრები ხელს შეუწყობს საქართველოსა და ჩინეთის საფინანსო სექტორებს შორის კავშირების გაღრმავებას, გამოცდილების გაზიარებასა და სამომავლო თანამშრომლობის პერსპექტივების განსაზღვრას. მისივე თქმით, ღონისძიება ქართულ კომერციულ ბანკებს შესაძლებლობას მისცემს ჩინურ ფინანსურ ინსტიტუტებთან სამომავლო თანამშრომლობის პერსპექტივები განიხილონ.
გამოფენაში ასევე მონაწილეობდა სებ-ის საერთაშორისო ურთიერთობების დეპარტამენტის უფროსი გიორგი ედილაშვილი.
სიამენში გამართულმა ჩინეთის ინვესტიციებისა და ვაჭრობის საერთაშორისო გამოფენამ - CIFIT 2026 წელს მსოფლიოს 120-ზე მეტი ქვეყნისა და რეგიონის წარმომადგენლებსა და მაღალი დონის დელეგაციებს მოუყარა თავი.
ვაზიანი-გომბორი-თელავის გზაზე მეწყერის შედეგად დაზიანებული მონაკვეთის აღდგენა-გამაგრება მიმდინარეობს
11.09.2026.15:29
რევაზ სოხაძემ სამშენებლო პროექტებში ხარჯთაღრიცხვის ხარისხის გაუმჯობესების საკითხებზე სამუშაო შეხვედრა გამართა
11.09.2026.14:20
11-დან 14 სექტემბრამდე, ევროპის მოედანსა და მიმდებარე ქუჩებზე სატრანსპორტო გადაადგილება ეტაპობრივად შეიზღუდება
11.09.2026.12:29
ეკონომისტის პროფესიულ დღეს ვულოცავ ყველა მოქმედ თუ მომავალ ეკონომისტს - ნათია თურნავა
11.09.2026.11:58
