Galt & Taggart-ის კვლევების დეპარტამენტის ანალიტიკოსის, მარიამ ნატროშვილის განცხადებით, ამერიკის საფონდო ბირჟებზე გასული კვირის პოზიტიურ დინამიკას გეოპოლიტიკურ ფაქტორებთან ერთად კორპორატიული სიახლეებიც განაპირობებდა. როგორც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას მარიამ ნატროშვილმა აღნიშნა, უოლ სტრიტზე მიმდინარე „შემოსავლების სეზონმა“ დამატებითი ბიძგი მისცა ბაზრებს, რაც წამყვანი ინდექსების ზრდაში აისახა.
„კორპორატიული სიახლეები იყო ერთ-ერთი კატალიზატორი გასული კვირის წარმატებულად დასრულებისთვის საფონდო ბირჟებზე. კერძოდ კი, გასული კვირა იყო უოლ სტრიტზე ე.წ. „შემოსავლების სეზონი“.

ძალიან ბევრმა წამყვანმა კომპანიამ პირველი კვარტალური შემოსავლების ანგარიშების გამოქვეყნება დაიწყო. ერთ-ერთი ყველაზე დიდი კომპანია, რომლითაც მინდა რომ დავიწყო, იყო TESLA, რომელმაც საკმაოდ კარგი შედეგები გვაჩვენა EPS-ის მიმართულებით. თუმცა მეორეს მხრივ, პატარა იმედგაცრუებასაც ჰქონდა ადგილი TESLA-თან დაკავშირებით, ვინაიდან მათმა კაპიტალურმა დანახარჯებმა პროგნოზებს 5 მილიარდი დოლარით გადააჭარბა. TESLA-ს შემდეგ ერთ-ერთი წამყვანი ამ სიახლეების იყო კომპანია Boeing-ის მაჩვენებლები, რომელმაც ინვესტორების გაოცებაც კი გამოიწვია, რადგან 22.2 მილიარდ დოლარს მიაღწია მათმა კვარტალურმა შემოსავალმა, რაც 14%-ით მეტია „ბლუმბერგის“ კონსენსუსის მაჩვენებელზე. მნიშვნელოვანია ისიც, რომ ამ კომპანიამ 2018 წლის შემდეგ პირველად გადაასწრო კომპანია Airbus მონაცემებს“, - აღნიშნა მარიამ ნატროშვილმა.

მარიამ ნატროშვილის შეფასებით, IBM-ის ძლიერი ფინანსური მაჩვენებლები ხელოვნურ ინტელექტზე გაზრდილი მოთხოვნით იყო განპირობებული, ხოლო American Express-მა 10%-იანი ზრდა და 18.9 მილიარდი დოლარის შემოსავალი დააფიქსირა.

American Express შემოსავალი 10%-ით 18.9 მილიარდ დოლარამდე გაზარდა, რაც ადასტურებს, რომ პრემიუმ მომხმარებელი კვლავ სტაბილურია.