ლევან კობიაშვილმა უეფას აღმასრულებელი კომიტეტის სხდომაში მიიღო მონაწილეობა
საქართველოს ფეხბურთის ფედერაციის პრეზიდენტმა, ლევან კობიაშვილმა უეფას აღმასრულებელი კომიტეტის სხდომაში მიიღო მონაწილეობა.
კომიტეტის წევრებმა დღის წესრიგით გათვალისწინებულ თემებზე, მათ შორის, უეფას კონგრესზე განსახილველ საკითხებზე იმსჯელეს. დღის წესრიგით გათვალისწინებულ საკითხებთან ერთად, აღმასრულებელი კომიტეტის სხდომის ფარგლებში უეფას კომიტეტების თავმჯდომარეები მოხსენებებით წარდგნენ, მათ შორის ლევან კობიაშილი, რომელიც უეფას ფეხბურთის კომიტეტს ხელმძღვანელობს.
უეფას აღმასრულებელი კომიტეტის სხდომა 11 თებერვალს ბრიუსელში ჩატარდა, სადაც 12 თებერვალს უეფას კონგრესი და უეფას ერთა ლიგის 2025/26 სეზონის წილისყრა გაიმართება.
სფფ-ის პრეზიდენტთან, ლევან კობიაშვილთან ერთად, 12 თებერვალს დაგეგმილ ღონისძიებებს სფფ-ის გენერალური მდივანი დავით მუჯირი და ვიცე-პრეზიდენტები – ალექსანდრე იაშვილი, აკაკი ალადაშვილი და ზაზა ზამთარაძე დაესწრებიან. ასევე საქართველოს ეროვნული ნაკრების მთავარი მწვრთნელი, ვილი სანიოლი.
შეგახსენებთ, რომ ლევან კობიაშვილი უეფას აღმასრულებელი კომიტეტის წევრი 2023 წლიდან არის. სფფ-ის პრეზიდენტი ასევე ხელმძღვანელობს უეფას ფეხბურთის კომიტეტს. 2025 წლის ოქტომბრიდან ლევან კობიაშვილი ფიფას ტექნიკური განვითარების კომიტეტსაც ხელმძღვანელობს.
დღის ტოპ 10 სიახლე
სხვა სიახლეები
მერაბ დვალიშვილი UFC-ის სატიტულო ბრძოლაში პიოტრ იანთან დამარცხდა
25.10.2026.00:47
ქართველმა მებრძოლმა მერაბ დვალიშვილმა UFC-ის სუპერმსუბუქი წონის საჩემპიონო ქამრის დაბრუნება ვერ მოახერხა.
აბუ-დაბიში გამართულ UFC 333-ის თანამთავარ ბრძოლაში დვალიშვილი პიოტრ იანთან დამარცხდა, რომელმაც ხუთრაუნდიანი ბრძოლის შემდეგ, მსაჯთა გადაწყვეტილებით, ჩემპიონის ტიტული შეინარჩუნა.
5-რაუნდიანი ბრძოლა აბუ-დაბიში, „ეტიჰად არენაზე" გაიმართა.
საქართველოს ეროვნული საფეხბურთო ნაკრები უეფას ერთა ლიგის 2026/27 წლების სეზონის მეექვსე შეხვედრას უკრაინის წინააღმდეგ გამართავს
23.10.2026.08:01
საქართველოს ეროვნული ნაკრები დღეს უეფას ერთა ლიგის მეორე ტურის შეხვედრას უკრაინის წინააღმდეგ გამართავს
28.09.2026.08:47
საქართველოს საფეხბურთო ნაკრებისა და უკრაინის ნაკრების შეხვედრის გამო დედაქალაქის გარკვეულ ქუჩებზე სატრანსპორტო მოძრაობა სრულად შეიზღუდება
28.09.2026.01:56
