QuickShipper-ი საკურიერო მომსახურება ერთი ფანჯრის პრინციპით
QuickShipper-ი - ასე ეწოდება ლევან კილაძის, მარიამ ახვლედიანისა და ილია გიჯაშვილის მერ შექმნილ ქართულ სტარტაპს, რომლის მეშვეობითაც ბიზნესებს შეუძლიათ ნებისმიერი არხიდან შემოსული შეკვეთების მართვა, მათი დაბინავება, მომხმარებლებთან კომუნიკაცია და შედეგების ანალიზი.
როგორც კომპანიაში Business Insider Georgia- თან განმარტეს, პლატფორმა ბიზნესებს ეხმარება ნებისმიერი არხიდან მიღებული შეკვეთების ეფექტიანად მიწოდებაში, იქნება ეს საკუთარი თუ გარე საკურიერო კომპანიების დახმარებით. ,
„ელექტრონული კომერციის ბოლო, მაგრამ ყველაზე საპასუხისმგებლო მომენტი - ამანათის მომხმარებლისთვის მიწოდებაა. ეს სწორედ ის ეტაპია, რომელზეც ყველაზე მეტია დამოკიდებული. როგორც წესი, მომხმარებლების 83% არ ასრულებს ყიდვის პროცესს, თუ მიტანის დროები მათთვის მიუღებელია და როცა შეკვეთის სტატუსების შესახებ ინფორმაცია არ აქვთ.
სწორედ ამ პრობლემების დაძლევაში კომპანიებს ქართული ტექნოლოგიური სტარტაპი QuickShipper-ი ეხმარება. კურიერები ასეთ დროს აპლიკაციის მეშვეობით მუშაობენ და რეალურ დროში აახლებენ შეკვეთების სტატუსებს. ეს კი კომპანიებს საშუალებას აძლევს საკუთარ მომხმარებელთან ჰქონდეთ გამჭვირვალე კომუნიკაცია", - ამბობს კომპანიის წარმომადგენელი.
ისეთ კომპანიას კი, რომელსაც კურიერი არ ჰყავს, QuickShipper-ის მეშვეობით შეუძლია საქართველოში არსებული ყველა საკურიერო კომპანიის შეთავაზებებისა და ფასების შედარება, თანაც ერთ სივრცეში. კომპანიებს აღარ უწევთ სხვადასხვა საკურიერო კომპანიასთან ცალკე ხელშეკრულებების გაფორმება, ანგარიშსწორება და ინდივიდუალური კონტაქტი, რადგან ეს ყველაფერი QuickShipper-ის ერთ ფანჯარაშია ცენტრალიზებული.
ცნობისთვის, QuickShipper-ის პირველადი ვერსია ნოემბერში ჩაეშვა და ამ დროისთვის უკვე საქართველოს უმსხვილესი კომპანიები იყენებენ.
პროდუქტის განვითარების მხრივ გუნდს ბევრი საინტერესო გეგმა აქვს. როგორც კომპანიაში აცხადებენ, წლის ყველაზე დატვირთულ სეზონზე - დეკემბერში, კომპანიებს საგრძნობლად გაუმარტივებენ საჩუქრების დარიგების პროცესს.
QuickShipper-ის მიზანია, მიტანის ორგანიზებაში თითოეულ კომპანიას მინიმალური დრო, ენერგია და რესურსი ეხარჯებოდეს.
QuickShipper-ში ოპერირებისათვის ბიზნესები მათი შეკვეთების რაოდენობიდან გამომდინარე იხდიან საფასურს. ეს შეიძლება იყოს ფიქსირებული თანხა თითოეულ შეკვეთაზე, ან პაკეტური შეთავაზება თვის ჭრილში. ყველაფერი დამოკიდებულია იმაზე, თუ რა მოცულობაზეა საუბარი.
პროდუქტის იდეა დაახლოებით 1 წლის წინ გაჩნდა, ინოვაციური პლატფორმის დამფუძნებლებმა ტესტირება 2022 წლის იანვრიდან დაიწყეს იმის გამოსაკვლევად, თუ რამდენად იყო ბაზარზე მისი მოთხოვნა.
კომპანიაში აცხადებენ, რომ წლის ბოლომდე მომხმარებლებს შესთავაზებენ სრულიად ახალ პროდუქტს, რომლის ანალოგიც საქართველოში და რეგიონში არ არსებობს.
დღის ტოპ 10 სიახლე
სხვა სიახლეები
სიახლე „პლანტველისგან“ - ბიოსერტიფიცირებული, გამომშრალი მარწყვის ფანტელი
30.03.2026.16:00
მარწყვის წარმოებაში ბიო სერტიფიკატის მფლობელმა კომპანიამ „პლანტველმა“ მომხმარებელს სასარგებლო წასახემსებელი - მარწყვის ფანტელი შესთავაზა. ამის შესახებ Business Insider Georgia-ს კომპანიის დამფუძნებელმა, მანანა ანჯაფარიძემ განუცხადა.
„ჩვენს მეურნეობასთან არის გერმანული საშრობი, თანამედროვე მაღალი ხარისხის დანადგარებითა და კარგი ინფრასტრუქტურით. გადავწყვიტეთ, მარწყვი გამოგვეშრო, სატესტოდ პირველად შარშან ვცადეთ. ტესტირების პროცესი ძალიან წარმატებული აღმოჩნდა: გავიარეთ ყველა კომპონენტი, გამოვავლინეთ ყველა რისკ-ფაქტორი და დავადგინეთ, სად რა იყო საჭირო. ამის შემდეგ შევქმენით სრულფასოვანი პროდუქტი, მოვახდინეთ მისი ბრენდირება და გამოვუშვით ბაზარზე. ეს არის ჩვენი ბიო სერტიფიცირებული, გერმანულ საშრობში გამომშრალი მარწყვი, ყოველგვარი დანამტის გარეშე, ფანტელის ფორმით. იგი არის სასიამოვნო და სასარგებლო წასახემსებელი, ასევე იდეალურად გამოიყენება ფაფებში, იოგურტებში და კონდიტერიაში.
სამომავლოდ, გეგმაში გვაქვს ფანტელის მასშტაბური წარმოება “, - აცხადებს მანანა ანჯაფარიძე.
კომპანიამ ოფიციალურად დაარეგისტრირა სანერგე, რაც წლის ბოლოდან ნერგის რეალიზაციის შესაძლებლობას იძლევა.
„ჩვენ ოფიციალურად დავარეგისტრირეთ სანერგე. წლების განმავლობაში თავად ვზრდიდით ბიო ნერგს მარწყვის მისაღებად, იტალიელი კონსულტანტის დახმარებით. ზოგადად, მსოფლიო მასშტაბით პრობლემაა ბიო ნერგის მიღება, ამიტომ ჩვენი ნერგი ჩვენს გამოცდილებაზე დაფუძნებით მზადდებოდა. წლების განმავლობაში დაგროვილმა პრაქტიკამ გვაჩვენა, რომ ჩვენი ნერგი ძალიან მაღალი ხარისხისაა და ფერმერებისთვის საჭირო ყველა კომპონენტს აკმაყოფილებს, რაც მეურნეობის გაშენებისთვის მნიშვნელოვანია.
სანერგეს რეგისტრაცია მოგვცემს შესაძლებლობას, რომ სამომავლოდ ნერგის რეალიზაციაც მოვახდინოთ. წლევანდელ ნერგს, რომელსაც გამოვიყვანთ, უკვე იქნება სერტიფიცირებული სანერგედან. ჰექტარზე საჭიროა 50 000 ნერგი, ჩვენ კი 2 ჰექტარი გვაქვს. ნერგის გამოცვლა ხდება წელიწადში ერთხელ ან ორ წელიწადში ერთხელ, და ამ პროცესს აქამდე მხოლოდ ჩვენთვის ვახდენდით. წლის ბოლოდან კი ჩვენი ხარისხიანი და სერტიფიცირებული ნერგი სხვა მეურნეობებისთვისაც ხელმისაწვდომი იქნება “, აღნიშნავს კომპანიის დამფუძნებელი.
ცნობისთვის, “პლანტველის“ მეურნეობა მცხეთის მუნიციპალიტეტში, სოფელ მისაქციელში მდებარეობს.
ქართული პროდუქცია Anuga 2023-ზე: 23 კომპანია წარადგენს სასმელებსა და საკვებ პროდუქტებს გლობალურ გამოფენაზე
04.11.2023.00:00
ექსკლუზიურად SOLO მომხმარებლებსთვის 25%-იანი ფასდაკლება Digital Bus-ის აკადემიის ნებისმიერ კურსზე
20.08.2023.00:00
