გადავედით განვითარების იმ ეტაპზე, როცა ქართული სტარტაპები გლობალური მასშტაბით ერთ-ერთი კონკურენტუნარიანი ძალაა - ავთანდილ კასრაძე
გადავედით განვითარების იმ ეტაპზე, როცა ქართული სტარტაპები გლობალური მასშტაბით ერთ-ერთი კონკურენტუნარიანი ძალაა, - ამის შესახებ რადიო „სივრცის“ ეთერში გადაცემა Business Insider Georgia-ში სტუმრობისას ეკონომიკისა და მდგრადი განვითარების სამინისტროს და ინოვაციების და ტექნოლოგიების სააგენტოს ხელმძღვანელმა (GITA) ავთანდილ კასრაძემ განაცხადა.
მისი თქმით, ინოვაციური სტარტაპები უფრო და უფრო ცნობადები ხდებიან რეგიონული, თუ გლობალური მასშტაბით.
„ინოვაციურ სტარტაპებთან მიმართებაში მოგეხსენებათ წლების განმავლობაში საქართველოს მთავრობამ მნიშვნელოვანი და მსხვილი ინვესტიციები განახორციელა, როგორც ინფრასტრუქტურაში, ასევე პირდაპირი ინვესტიციებით თითოეულ სტარტაპთან მიმართებაში. ახლა ჩვენ უკვე გადავედით განვითარების იმ ეტაპზე, რომ ქართული სტარტაპები ერთ-ერთი კონკურენტუნარიანი ძალა არის გლობალური მასშტაბით.
ზოგი ამ რეგიონის მასშტაბით, ზოგიც უფრო გლობალური მასშტაბით, მაგრამ სწორედ ესე ვითარდება ყველა ეკოსისტემა და სწორედ ამიტომ მივიღეთ გადაწყვეტილება, რომ კიდევ უფრო დავაჩქაროთ პროცესი, კიდევ უფრო მეტი ადამიანური კაპიტალი მივიზიდოთ ინოვაციური სტარტაპების მიმართულებით, უპრეცედენტო საგადასახადო რეფორმა. რეფორმა ზოგადად უფრო მეტია, ვიდრე საგადასახადო მიმართულება“, - აცხადებს ავთანდილ კასრაძე.
სხვა სიახლეები
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით - თემო მაღრაძე
23.09.2026.15:18
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით, - ამის შესახებ, ICTA - ასოციაციის თავჯდომარემ, თემო მაღრაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით
წლის ბოლომდე ჩვენი პრიორიტეტები ასოციაციის კუთხით გაძლიერება და ხმის უფრო ხმამაღლა ყოფნაა, რაც შეეხება შედეგებს, რასაც ჩვენ ველოდებით, არის IT ბინადრობისა და სამუშაო უფლების მოპოვების გამარტივება, რაც რეალურად შესაძლებელია და რაზეც რეალურად ჩვენ არაერთხელ, მთელი ზაფხულის განმავლობაში, გვქონდა კომუნიკაცია ეკონომიკის სამინისტროსთან.
დიდი იმედი გვაქვს, რომ ეს ცვლილებები იქნება და ცვლილებები წაადგება როგორც კომპანიებს, ასევე ჩვენი ქვეყნის განვითარებას“, - განაცხადა თემო მაღრაძემ.