ჩვენი მოლოდინია, რომ 2-3 წელიწადში ის მაჩვენებლები რაც დღეს გაქვს გაორმაგდეს, - აცხადებს პარლამენტს წევრი ვაკო თურნავა, რომელიც საკანონმდებლო ორგანოში ხშირად ისეთი კანონპროექტების ავტორია რაც ქვეყანაში ტექნოლოგიური მიმართულების განვითარებას და IT სექტორში საქართველოდან მომუშავე მეტი უცხოური კომპანიის, თუ ფიზიკური პირის ჩართულობას ითვალისწინებს. 

როგორც ვაკო თურნავა აცხადებს, უცხოელი IT სპეციალისტებისთვის საქართველოში ბინადრობის ნებართვის მოპოვებისთვის განხორციელებული ცვლილებები კიდევ ერთი მაგალითია იმისთვის, რომ სახელმწიფოს მხრიდან ყველაფერი კეთდება, რომ საქართველოდან ბევრმა გამოცდილმა IT სპეციალისტმა იმუშაოს და თან იცხოვროს. 

„დღეს მსოფლიოში IT სექტორი არის ყველაზე ძვირად ანაზღაურებადი და მთელი მსოფლიო ცდილობს, რომ მათ ემიგრაციას ხელი შეუწყონ თავიანთ ქვეყანაში. ეს სექტორი ადამიანებს საშუალებას აძლევს, რომ ონლაინ იმუშაონ და რაღამც ონლაინ მუშაობენ ეს ადამიანები ირჩევენ საუკეთესო ქვეყნებს, სადაც უნდათ რომ თან იცხოვრონ და თან იმუშაონ. ამისათვის კი ყურადღება ექცევა ქვეყნებს, სადაც უსაფრთხო გარემოა, კარგი კლიმატია და სადაც კომფორტულად გრძნობენ თავს. ხშირად მიდიან ბალიზე. თუმცა ჩვენი, მთავრობის და სახელმწიფოს მიზანია, რომ ეს ხალხი ჩვენ დავპატიჟოთ ქვეყანაში, სადაც ისინი შეძლებენ ცხოვრებას და შესაბამისად თანხის აქ დახარჯვას. ამიტომაც მივიღეთ გადაწყვეტილება, რომ დავამატოთ IT რეზიდენტობა. ჩვენი მთავრობა და ქვეყანა არის ბევრად მოქნილი და წინ ვიხედებით - გაციფრულება ქვეყნის და ზოგადად ციფრული სამყარო ეს მომავალია. ვიცით, რომ ეს მიშვნელოვანია და ამიტომ ყველა ტექ კომპანია და მათ შორს ტექ ადამიანებს ჩვენს ქვეყანაში ვეპატიჟებით. ამისთვის რამდენიმე წლის უკან მთავრობამ შეიმუშავა საერთაშორისო სტატუსი, რამაც საქართველოში 150-მდე უცხოური კომპანიის შემოსვლა განაპირობა, რომლებიც ამ სტატუსით უკვე სარგებლობენ. უკვე საქართველოში ვეპატიჟებით ცალკეულ ფრილანსერებსაც, რომელთაც შეუძლიათ, რომ ინგლისში იმუშაოს კარგ კომპანიაში და ჩვენს ქვეყანაში იცხოვროს და აქედან გაუწიოს მათ მომსახურება. ეს კარგია არა მხოლოდ კონკრეტულად ამ ადამიანისთვის და ეკონომიკისთვის, მას აქვს სხვა ეფექტებიც - ჩვენს ქვეყანაში დაილექება ცოდნა. ასევე პრესტიჟის მიმართულებითაც კარგია, რადგანაც საქართველოდან იმუშავებს ეს ნიშნავს, რომ მათ იციან, რომ პროფესიონალებმა აქედანაც იმუშაონ და შემდეგ ქართველი, რომ დაიწყებს იგივე კომპანიაში მუშაობას და ეტყვის, რომ საქართველოდან გემუშავები, მისთვის ეს უკვე ნაცნობი ქვეყანაა  და ადგილია. ასევე ნაცნობ ქვეყანაში ჩარიცხავს თანხას, ხელფასს ვგულისხმობ. ზოგადად ეს ადამიანები საკუთარი შემოსავლის 40-45%-ის იმ ქვეყანაში ხარჯავენ, საიდანაც მუშაობენ.

ჩვენ საქართველოში ყველას არ ვეპატიჟებით, ვეპატიჟებით მათ ვისაც წლიური ხელფასი 25 ათას დოლარზე მეტი აქვთ, რაც ამ სფეროში უკვე თითქმის ბევრს აქვს“, - აცხადებს ვაკო თურნავა.