საქართველოში $10 მილიონამდე ინვესტიციის განხორციელებას ვგეგმავთ - Lineate-ს ვიცე-პრეზიდენტი
რა გეგმები აქვს ITკომპანია Lineate- საქართველოში 2024 წელს, ამ საკითხზე Business Insider Georgia-ს დამფუძნებელ გიორგი აბაშიშვილთან, ამერიკული IT კომპანიის Lineate-ს ვიცე-პრეზიდენტმა გიორგი ციკოლიამ „სხვა ინტერვიუს“ ფორმატში ისაუბრა.
მისი თქმით, 2023 წელი რთული იყო ინდუსტრიისთვის, თუმცა ამის მიუხედავად, კომპანია საქართველოში სოლიდური ინვესტიციების განხორციელებას აპირებს.
„ჩვენ განვაგრძობთ განვითარებას. ისევე, როგორც ყველა სხვა ინდუსქტრიაში დამოკიდებული ვართ, თუ როგორია ზოგადად ეკონომიკური პროგნოზი აშშ-ში. შარშანდელი წელი ოდნავ რთული იყო ინდუსტრიისთვის.
მიუხედავად იმისა, რომ 2024 წელი ამერიკაში დაიწყო იმით, რომ ბევრმა ტექკომპანიამ შეამცირა თანამშრომლების რაოდენობა, ჩვენ პირიქით ვიზრდებით.
თანხებს და ინვესტიციებს ვდებთ ახალ ინდუსტრიებში და ანალოგიურად საქართველოშიც ვაპირებთ დაახლოებით 8-10 მლნმდე ინვესტიციის განხორციელებას და წლის ბოლომდე რამდნეიმე ათეული ახალი თანამშრომლის აყვანას“, - განაცხადა გიორგი ციკოლიამ.
სხვა სიახლეები
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით - თემო მაღრაძე
23.09.2026.15:18
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით, - ამის შესახებ, ICTA - ასოციაციის თავჯდომარემ, თემო მაღრაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით
წლის ბოლომდე ჩვენი პრიორიტეტები ასოციაციის კუთხით გაძლიერება და ხმის უფრო ხმამაღლა ყოფნაა, რაც შეეხება შედეგებს, რასაც ჩვენ ველოდებით, არის IT ბინადრობისა და სამუშაო უფლების მოპოვების გამარტივება, რაც რეალურად შესაძლებელია და რაზეც რეალურად ჩვენ არაერთხელ, მთელი ზაფხულის განმავლობაში, გვქონდა კომუნიკაცია ეკონომიკის სამინისტროსთან.
დიდი იმედი გვაქვს, რომ ეს ცვლილებები იქნება და ცვლილებები წაადგება როგორც კომპანიებს, ასევე ჩვენი ქვეყნის განვითარებას“, - განაცხადა თემო მაღრაძემ.