საქართველო, ცენტრალური და აღმოსავლეთ ევროპის ქვეყნებთან, ინოვაციური მიმართულებით პარტნიორობას აძლიერებს
საქართველოს, უნგრეთის, ხორვატიისა და პოლონეთის ინოვაციების სააგენტოების ხელმძღვანელი პირები ინოვაციური მიმართულებით პარტნიორობის გაძლიერებაზე შეთანხმდნენ. უნგრეთში ვიზიტის ფარგლებში, საქართველოს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ მონაწილეობა მიიღო ღონისძიებაში CONNEXIONS – ცენტრალური და აღმოსავლეთ ევროპის სამიტში, სადაც მიწვეული იყო სპიკერად სამთავრობო პანელში თემაზე მთავრობის სტრატეგიები ტექნოლოგიებისა და ინოვაციების განსავითარებლად ცენტრალურ და აღმოსავლეთ ევროპაში.
პანელის მსვლელობისას მხარეებმა განიხილეს ინოვაციური ეკოსისტემის მხარდამჭერი დაფინანსების მექანიზმები და სტრატეგიული მიმართულებების ჰარმონიზაცია, რაც ხელს შეუწყობს ტექნოლოგიური სექტორის სწრაფ განვითარებას რეგიონში. პანელი წარმოადგენდა მრავალსექტორულ დიალოგს, სადაც განხილული იყო პოლიტიკის, კაპიტალის, ინფრასტრუქტურისა და ტალანტების განვითარების საკითხები.
ვიზიტის ფარგლებში, ასევე გაიმართა მაღალი დონის შეხვედრები უნგრეთის კულტურისა და ინოვაციების სამინისტროს ინოვაციების საკითხებში სახელმწიფო მდივნის მოადგილესთან, უნგრეთის ინოვაციების სააგენტოს აღმასრულებელ დირექტორთან ლასლო ბოდისთან, უნგრეთის ინოვაციების სააგენტოს ოპერაციების დირექტორთან რობერტ სომოჯისთან და უნგრეთის ეროვნული კვლევების, განვითარებისა და ინოვაციების ოფისის თავმჯდომარის მოადგილესთან ლასლო ლენგიელთან.
შეხვედრაზე მხარეებმა განიხილეს ქვეყნების ინოვაციური ეკოსისტემის განვითარების გამოწვევები და შესაძლებლობები, საერთაშორისო თანამშრომლობის გაღრმავების პერსპექტივები, ასევე სამომავლო თანამშრომლობის მიმართულებები ინოვაციების სფეროში.
სხვა სიახლეები
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით - თემო მაღრაძე
23.09.2026.15:18
ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით, - ამის შესახებ, ICTA - ასოციაციის თავჯდომარემ, თემო მაღრაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„ეკონომიკის სამინისტროსთან მთელი ზაფხულის განმავლობაში აქტიური კომუნიკაცია გვქონდა IT ბინადრობისა და სამუშაო უფლების მოპოვების გამარტივებასთან დაკავშირებით
წლის ბოლომდე ჩვენი პრიორიტეტები ასოციაციის კუთხით გაძლიერება და ხმის უფრო ხმამაღლა ყოფნაა, რაც შეეხება შედეგებს, რასაც ჩვენ ველოდებით, არის IT ბინადრობისა და სამუშაო უფლების მოპოვების გამარტივება, რაც რეალურად შესაძლებელია და რაზეც რეალურად ჩვენ არაერთხელ, მთელი ზაფხულის განმავლობაში, გვქონდა კომუნიკაცია ეკონომიკის სამინისტროსთან.
დიდი იმედი გვაქვს, რომ ეს ცვლილებები იქნება და ცვლილებები წაადგება როგორც კომპანიებს, ასევე ჩვენი ქვეყნის განვითარებას“, - განაცხადა თემო მაღრაძემ.