საქართველოს ეკონომიკის 10%-მდე შევადგენთ ის კომპანიები, რომლებიც ტექნოლოგიური კომპანიები ვართ, - ამის შესახებ, ICTA - ასოციაციის თავჯდომარემ, თემო მაღრაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„კიდევ ერთხელ გავიმეორებ, ანუ რეალურად დღევანდელ დღეს ინდივიდუალურად ერთი კომპანიის ხედვა არის მხოლოდ და მხოლოდ მათი ხედვა, რაც მათთვის სასიკეთოა, კარგია და მათი პრობლემებიც რჩება მათთან.

ჩვენს ასოციაციაში გაწევრიანების შემთხვევაში, და ესეც ხდება, ყველა ინდივიდუალური კომპანიის გასაჭირი თუ პრობლემა ხდება გლობალური პრობლემა, რომელიც ასოციაციამ შეიძლება დღის წესრიგში დააყენოს.

რა თქმა უნდა, კიდევ ერთხელ გავიმეორებ, საქართველოს ეკონომიკის 10%-მდე შევადგენთ ის კომპანიები, რომლებიც ვართ ტექნოლოგიური კომპანიები. შესაბამისად, მათი ხმა არის ძალიან მნიშვნელოვანი.

ასევე, ჩვენ უფრო მარტივად შეგვიძლია კომუნიკაცია სახელმწიფოსთან. კი, დღევანდელ დღეს, ჩვეულებრივ დღეს, შეუძლია ნებისმიერ კომპანიას შეხვდეს სახელმწიფოს წარმომადგენელს, მაგრამ როდესაც არის რაღაც გარკვეული კრიზისული მომენტი, როდესაც თუნდაც ახალი კანონმდებლობა შემოდის ან ახალი რეგულაცია, ამ შემთხვევაში სახელმწიფოს არ აქვს იმის საშუალება, რომ 100-200-300 კომპანიას ცალ-ცალკე შეხვდეს.

შესაბამისად, ჩვენ ვიქნებით ის პლატფორმა და იმის სურვილი გვაქვს, რომ ჩვენ ვიყოთ ამ პრობლემების გამჟღავებელი. ასევე, ჩვენი გუნდი შეაგროვებს იმ ინფორმაციას, რომელიც მნიშვნელოვანია კომპანიებისთვის და მნიშვნელოვანი ხიდი ვიქნებით სახელმწიფოსა და tech სამყაროს შორის.

ახლაც ვართ რეალურად, მაგრამ ახლა თუ 30 კომპანია ვართ დაახლოებით გაწევრიანებული, შემდეგ წელს იმედი გვაქვს, ძალიან ბევრად დიდი და ძლიერები ვიქნებით“, - აღნიშნა თემო მაღრაძემ.