2025 წელს ვიზიტების რაოდენობა გაიზარდა ყველა წამყვანი ევროპული ქვეყნიდან, რაც საქართველოს მზარდ პოპულარობას უსვამს ხაზს - TBC Capital
2025 წლის ტურიზმის სექტორის განახლებას აქვეყნებს, რომლის თანახმადაც 2025 წლის პირველ ცხრა თვეში საერთაშორისო ვიზიტების რაოდენობა წლიურად 5.6%-ით გაიზარდა და 5.36 მილიონს მიაღწია. ვიზიტორთა რაოდენობით პირველ ადგილებს იკავებენ საქართველოს მეზობელი ქვეყნები და ისრაელი. მთლიანობაში ევროკავშირი და გაერთიანებული სამეფო მეოთხე ადგილს იკავებს, და უსწრებს აზერბაიჯანსა და ისრაელს. ამასთან, ანგარიშში აღნიშნულია რომ 2025 წლის პირველ 9 თვეში საქართველომ უცხოური მოგზაურობიდან 3,638 მილიონი აშშ დოლარი მიიღო, რაც 5.1%-იანი წლიური ზრდაა. აღსანიშნავია, რომ 2025 წლის პირველ ცხრა თვეში რუსეთიდან მიღებული შემოსავალი 17%-ით შემცირდა, ევროკავშირისა და გაერთიანებული სამეფოსგან კი 13%-ით გაიზარდა. თურქეთიდან შემოსავალი 5%-ით შემცირდა, ხოლო მეოთხე ადგილზე მყოფი ისრაელიდან შემოსავალი 33%-ით გაიზარდა და 430 მილიონი აშშ დოლარი შეადგინა, რაც ოდნავ ნაკლებია თურქეთიდან მიღებულ შემოსავალზე.
,,2025 წელს ვიზიტების რაოდენობა გაიზარდა ყველა წამყვანი ევროპული ქვეყნიდან, რაც საქართველოს მზარდ პოპულარობას უსვამს ხაზს", - აღნიშნულია პუბლიკაციაში.
2025 წლის პირველ ცხრა თვეში მაღალ ბიუჯეტიან სასტუმროებში დატვირთულობის საშუალო დონე 62%-ს შეადგენდა, რაც წინა წლის შესაბამის პერიოდთან შედარებით 5 პროცენტული პუნქტით მეტია. სასტუმროს ნომრის საშუალო ღირებულება 134 აშშ დოლარი იყო, რაც მცირე წლიურ კლებას აჩვენებს.
თიბისი ბანკის არხების საშუალებით განხორციელებული უნაღდო ტრანზაქციები აჩვენებს, რომ 2025 წლის მესამე კვარტალში არარეზიდენტები სასტუმროებში დაახლოებით სამჯერ, ხოლო რესტორნებში ოთხჯერ მეტს ხარჯავდნენ, ვიდრე ადგილობრივი მოსახლეობა.
დღის ტოპ 10 სიახლე
სხვა სიახლეები
მსოფლიო დონის გასტრონომიული ექსპერტები და გავლენიანი ჟურნალისტები საქართველოს ტურისტულ პოტენციალს გაეცნენ
13.08.2026.16:24
ტურიზმის ეროვნული ადმინისტრაციის მხარდაჭერითა და „გასტროტურის“ მოწვევით, საქართველოს მსოფლიოში აღიარებული გასტრონომიული ექსპერტები, Michelin Guide-ის, Forbes-ის, The World's 50 Best-ის ჟურნალისტები, კულინარიული მკვლევრები, დოკუმენტალისტები, ინფლუენსერები და შეფ-მზარეულები ეწვივნენ.
ტურიზმის ეროვნული ადმინისტრაციის ინფორმაციით, ტურის ფარგლებში სტუმრები საქართველოს სხვადასხვა რეგიონს ეწვივნენ, გაეცნენ ადგილობრივ პროდუქტებს, ღვინის დაყენების უძველეს ტრადიციებს, რეგიონულ კულინარიასა და თანამედროვე ქართულ გასტრონომიულ ტენდენციებს. სპეციალურად სტუმრებისთვის გაიმართა ქართული კერძების მასტერკლასები და ღვინის დეგუსტაცია.
ტურის მიზანია საქართველოს, როგორც გლობალური გასტრონომიული დანიშნულების ადგილის წარმოჩენა, ქართული კულინარიული მემკვიდრეობის, თანამედროვე სამზარეულოს, ქართული მეღვინეობისა და ადგილობრივი პროდუქტების პოპულარიზაცია მსოფლიოს წამყვან მედიაპლატფორმებზე.
ჩვენი შეფასებით, 2026 წლის ივლისში ტურიზმიდან მიღებული შემოსავლები წლიურად 7.1%-ით გაიზარდა 590 მლნ აშშ დოლარამდე - Galt & Taggart
10.08.2026.15:55
ყაზახურ მედიაში საქართველოს ტურიზმის ეროვნული ადმინისტრაციის მარკეტინგული კამპანიის ფარგლებში სტატიები მომზადდა
07.08.2026.11:16
ზამთრის სეზონისთვის გუდაურში დაგეგმილი ინფრასტრუქტურული პროექტები ხელს შეუწყობს გუდაურის ტურისტული პოტენციალის გაზრდას - ლევან დარსალია
06.08.2026.11:56
გავლენიანი ბრიტანული გამოცემა „ტელეგრაფი“ საქართველოს ტურისტული პოტენციალის შესახებ სტატიების ციკლს აქვეყნებს
05.08.2026.11:28
