BlueSky Apart-Hotel 2026 წლის ზაფხულის მაღალი სეზონის შესახვედრად სრულად მზადაა
ზაფხულის ტურისტული მოლოდინები საკმაოდ პოზიტიურია, ივნისიდან დაიწყო ბათუმისთვის მაღალი სეზონი, სადაც შესაბამისად იზრდება საერთაშორისო ვიზიტებისა თუ ადგილობრივი დამსვენებლის აქტივობა. რეზერვაციების რაოდენობა მზარდია და ვფიქრობთ, 2026 წლის ზაფხული, ჩვენთვის, როგორც პირველი მასშტაბური მაღალი სეზონი კარგი შედეგებით უნდა დავხუროთ,- აცხადებენ კომპანიაში.
Blue Sky Apart-Hotel გათვლილია როგორც ადგილობრივ, ისე საერთაშორისო ვიზიტორებზე და მომხმარებლებს სთავაზობს უნიკალურ მდებარეობას, პრემიუმ მომსახურებას, დაუვიწყარ ხედებსა და სრულად აღჭურვილ, თანამედროვე სტანდარტების აპარტამენტებს.
795 სხვადასხვა კატეგორიის აპარტმანეტი ზღვის და ქალაქის ხედებით, თანამედროვე დიზაინითა და გამორჩეული მდებარეობით მიმართულია საშუალო და მაღალი სეგმენტის დამსვენებლებზე – ინდივიდუალურ მოგზაურებზე, ოჯახებსა და ბიზნეს ვიზიტორებზე.
აპარტამენტების ფართობი მერყეობს 30-70 კვ.მ-მდე, რაც სტუმრებს აძლევს შესაძლებლობას, აირჩიონ მათ საჭიროებებზე მორგებული გეგმარება, ხედითა და სართულით.
Blue Sky Apart-Hotel მდებარეობს გმირთა ხეივანზე, შავი ზღვის თაღის მიმდებარედ. პლაჟამდე მისასვლელად სულ რაღაც 5 წუთია საკმარისი, 2 წუთში შეგიძლიათ ესტუმროთ ბათუმის სტადიონს, 1 წუთის სავალზეა Black Sea Mall, ხოლო იუსტიციის სახლამდე მისასვლელად მხოლოდ 3-4 წუთი დაგჭირდებათ. ეს ხელსაყრელი მდებარეობა სტუმრებს სთავაზობს სწრაფ და მარტივ წვდომას ბათუმის მთავარ ტურისტულ ლოკაციებთან.
Blue Sky Apart-Hotel შედის წარმატებული სამშენებლო-დეველოპერული კომპანია LikeHouse - ის ჯგუფში, რომლის პორტფოლიოშიც არაერთი მასშტაბური და წარმატებული პროექტია. Blue Sky Tower წარმოადგენს 200 მილიონი ლარის ინვესტიციას და გამოირჩევა მაღალი ენერგოეფექტურობით, მდგრადობითა და უმაღლესი ხარისხის სამშენებლო და სარემონტო მასალების გამოყენებით.
აღნიშნულ ბლოკში საერთაშორისო ბრენდის – Holiday Inn Resort - ის გახსნაა დაგეგმილი ისეთი მნიშვნელოვანი სივრცეებით, როგორებიცაა რესტორანი, ტერასა, საცურაო აუზი, საკონფერენციო მიმართულება და სრულფასოვანი სპა ინფრასტრუქტურა.
რაც შეეხება კომპლექსის B ბლოკს, იქ განთავსებულია დაახლოებით 1,300 მაღალი დონის საცხოვრებელი რეზიდენცია, რომელიც სრულად გაიხსნა. Blue Sky Tower - ის B ბლოკში განთავსებული თანამედროვე ტიპის საცხოვრებელი აპარტამენტები, გამოირჩევა მაღალი ხარისხის ინფრასტრუქტურითა და დახვეწილი ინტერიერით. გამორჩეული დიზაინის მქონე ლობი კი განსაკუთრებულ მომხიბვლელობას სძენს კომპლექსს. სამუშაოები აქტიურად მიმდინარეობს და უახლოეს პერიოდში ასევე გაიხსნება ბიზნეს ცენტრი, მიწისქვეშა პარკინგი 150 - მდე ადგილით, წამყვანი მაღაზიებისა და სხვა ბრენდების შოურუმები.
პროექტს საკონსულტაციო მომსახურებას უწევს HSC Group Hospitality.
დღის ტოპ 10 სიახლე
სხვა სიახლეები
ტურიზმის ეროვნული ადმინისტრაციის მოწვევით საერთაშორისო ექსპერტმა ჯული პილკინგტონმა სექტორის წარმომადგენლებისთვის მასტერკლასი გამართა
24.07.2026.15:10
მომსახურების სფეროში ხარისხის გაუმჯობესებისა და კერძო სექტორის მხარდაჭერის მიზნით, საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია კერძო სექტორისთვის უსასყიდლო ტრენინგებს აგრძელებს.
ადმინისტრაციის ორგანიზებით, სტუმარმასპინძლობის სფეროს საერთაშორისო ექსპერტმა, ჯული პილკინგტონმა სასწავლო კურსი „Sales Excellence“ (გაყიდვების ეფექტიანობა) ჩაატარა.
ტრენინგს ტურიზმის ინდუსტრიის 100-მდე წარმომადგენელი დაესწრო.
ტრენინგის ფარგლებში მონაწილეები დეტალურად გაეცნენ გაყიდვების თანამედროვე მიდგომებს, ახალი შესაძლებლობების იდენტიფიცირებას, კლიენტის საჭიროებების ანალიზს, გარიგებების წარმატებით დასრულებასა (Closing) და ანგარიშების მართვას (Account Management).
ტრენინგი შემდეგ თემებს მოიცავდა:
• გაყიდვების წარმატების საფუძვლები;
• ახალი შესაძლებლობების იდენტიფიცირება;
• ორგანიზაციის ღირებულებებისა და შესაძლებლობების გააზრება;
• კლიენტის საჭიროებების ანალიზი;
• გარიგების წარმატებით დასრულება (Closing);
ჯული პილკინგტონს 20 წელზე მეტი პროფესიული გამოცდილება აქვს სასტუმროებისა და ტურიზმის სფეროში. მუშაობდა წამყვან საერთაშორისო კომპანიებსა და სასტუმრო ბრენდებში ავსტრალიაში, კანადასა და დიდ ბრიტანეთში, სადაც ხელმძღვანელობდა გაყიდვების, ბიზნესის განვითარების, მარკეტინგისა და ოპერაციული მართვის მიმართულებებს. არის სერტიფიცირებული ტრენერი სტუმარმასპინძლობის სფეროში და აქვს თანამშრომლობის გამოცდილება საქართველოში ტურიზმის სექტორში ჩართულ პირებთან.
ჯული პილკინგტონმა 2017 და 2018 წლებში ტრენინგები ჩაატარა ტურიზმისა და მომსახურების ხარისხის განვითარების მიმართულებით. ამჟამად იკავებს Senior Account Manager-ის პოზიციას კომპანია Nuvho-ში და მუშაობს სასტუმროების სტრატეგიული განვითარების, გაყიდვებისა და ბიზნესპარტნიორობების მიმართულებით.
