მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7193.6
0.0062
flag
AZN 1.5246
-0.0008
flag
CNY 38.893
0
flag
EUR 2.8547
0.01
flag
GBP 3.4159
0
flag
KZT 57.61
-0.0068
flag
TRY 0.0514
0
flag
USD 2.5933
0.0006
news banner

ჩვენი მიზანია, სასტუმრო-კომპლექსი ოთხივე სეზონზე იყოს მიმზიდველი - „ქვევრები“

news image
mbc image

კახეთში, სოფელ შალაურში მდებარე განსხვავებული კონცეფციის სასტუმრო კომპლექსი „ქვევრები“ გაფართოებას გეგმავს და ამ თანხების მოზიდვაზე მოლაპარაკებებს სხვადასხვა ფინანსურ ინსტიტუტებთან მართავს.

კომპანია „ქვევრების“ მენეჯმენტის მიზანია, რომ სასტუმრო 4 სეზონიანი გახადოს, რისთვისაც კომპლექს საწყის ეტაპზე შიდა აუზი და დიდი საკონფერენციო დარბაზი ესაჭიროება.

როგორც Business Insider Georgia-სთან „ქვევრების“ თანადამფუძნებელმა ირაკლი ნადარაიამ განაცხადა, აღნიშნული მიზნების განსახორციელებლად კომპანიას 1-1,2 მლნ ლარი ესაჭიროება.

„სამწუხაროდ დახურული აუზი არ გაქვს და გვაქვს მხოლოდ გარე აუზი და შესაბამისად ზამთრის პერიოდში გვაქვს ჩავარდნა. მხოლოდ ღამისთევა ხომ არ არის, არ გაქვს გასართობი მიმართულება, რომ სტუმარი 3-4 ღამით დავიტოვოთ.

თანხების მოძიებაზე მოლაპარაკებები სხვადასხვა ფინანსურ ინსტიტუტებთან მიდის. ისედაც დიდი სასესხო ვალდებულებები გაქვს აღებული და შესაბამისად შემოსავლებმა თუ ვერ უზრუნველყო შესაბამისი დანამატი ბანკები ჯერჯერობით უარს აცხადებენ დამატებითი სესხის გაცემაზე“, - აღნიშნა ირაკლი ნადარაიამ.

დღეს სასტუმრო „ქვევრები“ აერთიანებს მეღვინეობის მარადიულ ხიბლს  ქვევრს და თანამედროვე კომფორტს. სასტუმროში მდებარე რესტორანი ამფორა უგემრიელეს ქართულ, ევროპულ კერძებსა და  ქართული ღვინის ფართო არჩევანს გთავაზობთ.

„ჯავშნები შემოდის როგორც ადგილობრივი ისე უცხოელი ვიზიტორებისგან, თუმცა ჯავშნების 60-65%-ი მაინც ადგილობრივებზე მოდის.

რაც შეეხება რესტორანს, აქტიურად მუშაობს. ვთანამშრომლობთ ადგილობრივ ტურისტულ კომპანიებთან, რათა სხვადასხვა ტურებისას ტურისტები ჩვენს რესტორანში მოიყვანონ. ასეთ დროს სხვა სატარიფო მიდგომაა და მოგების მარჟა მაღალი არ არის, მაგრამ ჩვენ ცნობადობის გაზრდის მიზნით გვიღირს“, - აღნიშნა ირაკლი ნადარაიამ.

„ქვევრების“ თანადამფუძნებლის თქმით, უცხოური ჯავშნების შემოდის სომხეთიდან, აზერბაიჯანიდან, არაბეთის გაერთიანებული საამიროებიდან, რუსეთიდან სხვა სხვა. რაც შეეხება ევროპიდან ჯავშნებს სასტუმროს მაგალითზე ამ დროისათვის ძალიან ცოტაა.

„თავიდან მოთხოვნა სასტუმროს შენობაში ღამისთევაზე იყო, თუმცა ბოლო პერიოდში მოთხოვნადი უკვე ქვევრში ღამის თევა გახდა. რეალურად პირველი ჯერ მაინც ქვევრები იჯავშნება.

ერთ ქვევრში 2 სტუმრის მიღება შესაძლებელი და სულ 20 ქვევრი გაქვს, ხოლო სასტუმროს შენობაში 17 სასტუმრო ოთახია“,- აღნიშნა „ქვევრების“ თანადამფუძნებელმა.

ირკვევა, რომ სასტუმრო „ქვევრები“ სექტემბრის განმავლობაში 70%-ით უკვე დაჯავშნილია, რომელთა უმეტესობა კორპორაციული ჯავშნებია. სასტუმრო კომპლექსი მოთხოვნადია ქორწილების მიმართულებითაც.

როგორც სასტუმროს ვებგვერდზე განთავსებულ ინფორმაციაშია აღნიშნული, სასტუმრო „ქვევრებში“ ნახავთ, გემოვნებით გაფორმებულ ინტერიერს, რომელიც ასხივებს თანამედროვე ელეგანტურობას და ხიბლს.

„თითოეული ქვევრის ოთახი, ისევე როგორც მთავარი შენობა, გთავაზობთ ყველა იმ კომფორტს, რასაც პრემიუმ კლასის სასტუმროსგან ელით, ოთახებს კავკასიონის მთებისა და ვენახების მომხიბლავი ხედებით.

სასტუმროს ტერიტორიაზე ასევე დაგხვდებათ ღია საცურაო აუზი, აუზის ლაუნჯი,  რესტორანი, ბარი და საკონფერენციო დარბაზი“, - აღნიშნულია სასტუმროს ვებგვერდზე განთავსებულ ინფორმაციაში.

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

ტურიზმი
image 2026 წლის III კვარტალში საქართველოს აეროპორტები 3 მილიონ მგზავრს მოემსახურა, რაც 6.1%-ით მეტია წინა წლის შესაბამისი პერიოდის მაჩვენებელზე | საქსტატი

19.11.2026.11:50

2026 წლის III კვარტალში საქართველოს აეროპორტები 3.0 მილიონ მგზავრს მოემსახურა1, რაც 6.1 პროცენტით მეტია წინა წლის შესაბამისი პერიოდის მაჩვენებელზე — აეროპორტებიდან გაემგზავრა 1.5 მილიონი მგზავრი (6.0 პროცენტით მეტი), ხოლო აეროპორტებმა მიიღო 1.5 მილიონი მგზავრი (6.2 პროცენტით მეტი).

2026 წლის III კვარტალში საქართველოს აეროპორტებში მგზავრთა ნაკადის 94.0 პროცენტი რეგულარულ ფრენებზე მოდიოდა.

2026 წლის III კვარტალში საქართველოს აეროპორტებში ტვირთისა და ფოსტის ნაკადის მოცულობამ 12.3 ათასი ტონა შეადგინა, საიდანაც 88.2 პროცენტი მიღებული ტვირთი და ფოსტა იყო, ხოლო 11.8 პროცენტი — გაგზავნილი.

2026 წლის III კვარტალში საქართველოს აეროპორტებში 0.8 ათასი სატვირთო რეისი განხორციელდა, რაც 9.2 პროცენტით ნაკლებია წინა წლის შესაბამის მაჩვენებელზე.

2026 წლის III კვარტალში საქართველოს საჰაერო ტრანსპორტით გადაყვანილია 211.5 ათასი მგზავრი და გადატანილია 25.9 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 14.4 პროცენტით ნაკლებია გასული წლის შესაბამისი პერიოდის მაჩვენებელზე, ხოლო გადატანილი ტვირთის მოცულობა 26.0 პროცენტით ნაკლებია გასული წლის შესაბამისი პერიოდის მაჩვენებელზე.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა