დარწმუნებული ვარ, საქართველოს მიმართულებით ისრაელიდან ძალიან დიდი ტურისტული ნაკადი წამოვა - სოსო ზუხბაია
საქართველოს ტურიზმის ეროვნული ადმინისტრაცია თელ-ავივის საერთაშორისო ტურისტულ გამოფენაზე IMTM 2026 მასშტაბური სტენდითაა წარდგენილი. ახლო ახლო აღმოსავლეთში ერთ-ერთი უმსხვილეს ღონისძიებაზე ტურიზმის ეროვნული ადმინისტრაცია 30-ზე მეტი ქართულ ტურისტულ კომპანიასა და სასტუმროსთან ერთად მონაწილეობს.
გამოფენის მონაწილე კომპანია „ტურ ლიდერი“ ისრაელის ბაზარზე უკვე 15 წელია ოპერირებს. კომპანიის წარმომადგენელი სოსო ზუხბაია, აღნიშნავს, რომ „კომპანიისთვის ისრაელი ერთ-ერთი მთავარი ბაზარია და იგრძნობა დიდი ინტერესი საქართველოს მიმართულებით“. მისი თქმით, მრავალწლიანი თანამშრომლობა ამ ფორმატის გამოფენებთან ბიზნესის განვითარებისთვის გადამწყვეტია.
სოსო ზუხბაიას განმარტებით, IMTM 2026-ის ფარგლებში გამართული შეხვედრები ცხადყოფს, რომ ისრაელის ბაზარზე საქართველოს მიმართ მრავალმხრივი ინტერესი არსებობს. მისი თქმით, პარტნიორები დაინტერესებულნი არიან როგორც ზამთრის, ისე ზაფხულის სეზონის ტურისტული პაკეტებით. განსაკუთრებული ყურადღება ექცევა კულტურულ და ღვინის ტურებს, რაც საქართველოს მრავალფეროვან ტურისტულ პროდუქტებზე მზარდ მოთხოვნას ადასტურებს.
„ისრაელი ჩვენი კომპანიისთვის ერთ-ერთი მთავარი ბაზარია და საკმაოდ იგრძნობა ინტერესი საქართველოს მიმართულებით...დაინტერესებულები არიან სხვადასხვა ტურ-პაკეტებით, როგორც ზამთრის სეზონის, ასევე ზაფხულის სეზონის, კულტურული ტურებით, ღვინის ტურებით და ა.შ... დარწმუნებული ვარ რომ ძალიან დიდი ტურისტული ნაკადი წამოვა საქართველოს მიმართულებით“ - აღნიშნავს სოსო ზუხბაია.
IMTM 2026-ზე ვიზიტორთა რაოდენობა 20 ათასს აჭარბებს, 50-ზე მეტი ქვეყნის ტურისტული ორგანიზაციაა წარმოდგენილი. საქართველოს ტურიზმის ეროვნული ადმინისტრაციის სტენდთან სტუმრებს საშუალება აქვთ გაეცნონ ქვეყნის კურორტებსა და ტურისტულად საინტერესო ადგილებს, ასევე დააგემოვნონ ქართული პროდუქტები, რაც ხელს უწყობს საქართველოს, როგორც მიმზიდველი ტურისტული ქვეყნის პოზიციონირებას.
სხვა სიახლეები
Air Canada სექტემბერ-ოქტომბერში რეკორდულ შემოსავალს ელის
20.08.2026.17:00
Air Canada-ს სექტემბრისა და ოქტომბრის შემოსავალი, სავარაუდოდ, ამ ორი თვისთვის რეკორდულ მაჩვენებელს მიაღწევს, რადგან პრემიუმ კატეგორიის სულ უფრო მეტი მგზავრი ევროპასა და იაპონიაში ზაფხულის სიცხესა და ტურისტების სიმრავლეს გაურბის, - აცხადებს კომპანია.
ჩრდილოეთ ამერიკის მსხვილი ავიაკომპანიები ბოლო წლებში საკუთარ ბიზნესს სულ უფრო მეტად აფუძნებენ პრემიუმ კატეგორიის მგზავრებზე, კორპორაციულ კლიენტებსა და ლოიალობის პროგრამების წევრებზე, რადგან მათი შეფასებით, ტარიფების ზრდის შემთხვევაში ეს მომხმარებლები ხარჯების შემცირებას ნაკლებად მიმართავენ.
შემოდგომაზე საქმიანი მოგზაურობის მოთხოვნის ზრდა, პრემიუმ კატეგორიის დასასვენებელი მოგზაურების სამოგზაურო ჩვევების ცვლილებასთან ერთად, ავიაკომპანიების ხელმძღვანელების მოლოდინებს ზრდის იმ სეზონებთან დაკავშირებით, რომლებიც აქამდე ივლისისა და აგვისტოს მსგავსი პიკური სამოგზაურო თვეებისგან შედარებით ნაკლებად დატვირთულად მიიჩნეოდა.
აჭარაში არარეზიდენტების უნაღდო დანახარჯები სასტუმროებში წლურად 71%-ით, ხოლო რესტორნებში უნაღდო დანახარჯები 6%-ით გაიზარდა - TBC Capital
17.08.2026.19:00
მსოფლიო დონის გასტრონომიული ექსპერტები და გავლენიანი ჟურნალისტები საქართველოს ტურისტულ პოტენციალს გაეცნენ
13.08.2026.16:24
ჩვენი შეფასებით, 2026 წლის ივლისში ტურიზმიდან მიღებული შემოსავლები წლიურად 7.1%-ით გაიზარდა 590 მლნ აშშ დოლარამდე - Galt & Taggart
10.08.2026.15:55
ყაზახურ მედიაში საქართველოს ტურიზმის ეროვნული ადმინისტრაციის მარკეტინგული კამპანიის ფარგლებში სტატიები მომზადდა
07.08.2026.11:16
ზამთრის სეზონისთვის გუდაურში დაგეგმილი ინფრასტრუქტურული პროექტები ხელს შეუწყობს გუდაურის ტურისტული პოტენციალის გაზრდას - ლევან დარსალია
06.08.2026.11:56
გავლენიანი ბრიტანული გამოცემა „ტელეგრაფი“ საქართველოს ტურისტული პოტენციალის შესახებ სტატიების ციკლს აქვეყნებს
05.08.2026.11:28
