დატვირთულობის კუთხით გვქონდა საშუალოდ 10%-იანი ზრდა - გიორგი დოლიძე 2025 წლის ტურიზმის სტატისტიკას აფასებს
2025 წელმა ჩვენთვის დაგეგმილ მოლოდინებს ბევრად გადააჭარბა, – ამის შესახებ 2025 წლის ტურიზმის სტატისტიკის შეფასებისას კომპანია HSC Group Hospitality-ს დირექტორმა გიორგი დოლიძემ განაცხადა. აღსანიშნავია, რომ HSC Group Hospitality ქვეყნის მასშტაბით რამდენიმე განთავსების ობიექტს მართავს, მათ შორის თბილისის ცენტრში მდებარე Glaros Old Town-ს.
„2025 წლის რვა თვე იყო მაღალი პიკური დატვირთულობის მომტანი, რამაც ჩვენს შემთხვევაში 90-92% შეადგინა. გაზრდილმა მოთხოვნამ უზრუნველყო და მოგვცა იმის საშუალება, რომ დაბიუჯეტებული, გაზრდილი ფასი შეგვენარჩუნებინა - საშუალოდ 10%-ით 2025 წელს, 2024 წელთან შედარებით. დატვირთულობას რაც შეეხება, თუ 2025 წელს 2024 წელს შევადარებთ, გვქონდა საშუალოდ 10%-იანი ზრდა.
დაბალ სეზონზე გვქონდა 50-60% დატვირთულობა, მაღალ სეზონზე - 85-92%, რაც 8-10%-ით აჭარბებდა 2024 წლის ანალოგიურ პერიოდებს დატვირთულობის კუთხით.
ზოგადად, ციფრები იყო უპრეცედენტო და რეკორდული - დატვირთულობისა და მაღალ სეზონზე გამოცხადებული ფასების საშუალო და მაღალი ინფლაციის ფონზე ობიექტების ჭრილში. გაიხსნა არაერთი ბრენდული თუ არაბრენდული სასტუმრო თბილისში, ბათუმსა და ქვეყნის სხვადასხვა რეგიონებში, რაც კიდევ ერთხელ უსვამს ხაზს იმას, რომ საქართველო როგორც ლოკალური, ისე საერთაშორისო ინვესტორებისთვის კვლავ მიმზიდველი მიმართულებაა. ეს ტენდენცია წლიდან წლამდე იზრდება და უახლოეს პერიოდში, 2028 წლამდე, დაგეგმილია დაახლოებით 300 განთავსების ობიექტის გახსნა - 12 000-მდე ოთახით და 40 000-მდე საწოლი ადგილით, რაც ვფიქრობ, საქართველოსთვის ძალიან კარგი მაჩვენებელია. ასევე მნიშვნელოვანია, რომ ამ 300 ობიექტიდან მინიმუმ 20-25 იქნება საერთაშორისო ბრენდების წარმომადგენელი, რაც კიდევ უფრო მეტ ცნობადობას მოუტანს ჩვენს ქვეყანას, გააძლიერებს მარკეტინგს და ქვეყანას უფრო მიმზიდველს გახდის იმ სტუმრებისთვის, რომლებიც უპირატესობას ბრენდულ სასტუმროებს ანიჭებენ და ყურადღებას აქცევენ სერვისს, ლოკაციას და სხვა ფაქტორებს“, – აცხადებს გიორგი დოლიძე.
HSC Group Hospitality-ს დირექტორი ამბობს, რომ 2025 წელი იყო უმნიშვნელოვანესი გადაწყვეტილებების წელიწადი, რამაც ქვეყანას მოუტანა 15-ზე მეტი მიმართულებით პირდაპირი ავიამიმოსვლა.
„კონკრეტულად იმ სტრატეგიულად მნიშვნელოვან ქვეყნებში, როგორიცაა ინდოეთი, ჩინეთი, ბრიტანეთი და ევროპის მიმართულებები. 2026 წელს სკანდინავიის მიმართულებებიც ემატება - ივნისიდან იწყება პირდაპირი ფრენები კოპენჰაგენიდან და ეს დამატებით ღირებულებას შესძენს, რაც მოგვცემს შესაძლებლობას, სკანდინავიური ქვეყნებიდან მაღალმხარჯველუნარიანი ტურისტები მოვიზიდოთ.
ქვეყნის მარკეტინგისა და ცნობადობის კუთხითაც გამორჩეული წელიწადი იყო, რადგან დაემატა სტრატეგიულად მნიშვნელოვანი ქვეყნებიდან ფრენები. აღნიშნულ ქვეყნებში მიმდინარეობდა საკმაოდ აგრესიული და სწორი მარკეტინგული კამპანიები, რათა გაზრდილიყო ჩვენი ქვეყნის ცნობადობა და ფოკუსი გაკეთებული იყო მაღალმხარჯველუნარიანი ტურისტის მოზიდვაზე. ასევე კერძო სექტორი ძალიან აქტიურად თანამშრომლობდა სახელმწიფოსთან და მონაწილეობდა სხვადასხვა მნიშვნელოვან საერთაშორისო გამოფენებში, სადაც ცდილობდა ქვეყნის ტურისტული პოტენციალის წარდგენას და ტურისტული პროდუქტების შეთავაზებას სხვადასხვა სეგმენტებსა და პარტნიორებზე. ბაზარზე გამოჩნდა ბევრი ახალი პარტნიორი ახალი დამატებული ბაზრებიდან, მიმდინარეობს ბაზრების დივერსიფიკაცია და ეს ყველაფერი გათვლილია არა მხოლოდ უახლოეს, არამედ შორეულ პერსპექტივებზეც, რათა ქვეყანას გრძელვადიანად მოუტანოს სარგებელი.
2026 წელს ვფიქრობთ, რომ მაღალი სეზონი 90%-ზე მეტად უნდა იყოს დატვირთული, რომელიც დაიწყება აპრილიდან და გასტანს ოქტომბრის ბოლომდე. ვფიქრობთ, რომ ქვეყნის სტაბილური ზრდა, სიმშვიდე, სიწყნარე და ეკონომიკური განვითარება არის სწორედ ის მამოტივირებელი ფაქტორები, რაც ზრდის ტურისტულ პოტენციალს, ტურისტულ შემოდინებებს და ასევე ზრდის სასტუმროებისა და ტურიზმის მიმართულებით ინვესტიციების რაოდენობას როგორც ადგილობრივი, ისე საერთაშორისო ბაზრებიდან.
მაღალ სეზონთან ერთად აღსანიშნავია, რომ დაბალი სეზონიც, რომელიც ზოგადად საქართველოსთვის, განსაკუთრებით თბილისისთვის, არის იანვარი, მარტი და ნოემბერი–დეკემბერი. იანვარ–მარტში 2024 წელთან შედარებით გვქონდა ზრდა და 60%-მდე დატვირთულობა, ხოლო არადამახასიათებლად დაბალ სეზონშიც 70-75% დატვირთულობა დაფიქსირდა, რაც ფაქტობრივად მაღალი სეზონის ნიშნულებს გაუტოლდა. ეს ძალიან სასიხარულოა და იმედი გვაქვს, რომ 2026 წელიც ანალოგიურ და კიდევ უფრო კარგ შედეგებს მოუტანს ტურიზმის ინდუსტრიას“, – აცხადებს გიორგი დოლიძე.
დღის ტოპ 10 სიახლე
სხვა სიახლეები
Toyota Center Tegeta-ს ოფროუდტური - ახალი გამოცდილება 4X4 ავტომობილების მოყვარულებისთვის
15.10.2026.16:59
Toyota Center Tegeta-მ მომხმარებლებისთვის რიგით მეორე ოფროუდტური გამართა, სადაც მათ Toyota-ს მოდელების პრაქტიკულად გამოცდისა და ავტომობილების შესაძლებლობების რთულ რელიეფზე შეფასების შესაძლებლობა მიეცათ. ღონისძიებამ, რომელსაც ლილო არენამ უმასპინძლა, ოფროუდით დაინტერესებული საზოგადოება ერთ სივრცეში გააერთიანა.
ტურის ფარგლებში მომხმარებლებმა Toyota-ს სამი მოდელი გატესტეს - სრულიად ახალი LAND CRUISER 300 MILD HYBRID, HILUX და PRADO.
მარიამ მელიაშვილი, Toyota Center Tegeta-ს გენერალური დირექტორი: „ჩვენთვის მნიშვნელოვანია, მომხმარებელთან ურთიერთობა ავტომობილის შერჩევითა და შეძენით არ შემოიფარგლებოდეს. გვსურს, მათ შევთავაზოთ გამოცდილება, რომელიც ავტომობილის უკეთ გაცნობაში, მართვის უნარების განვითარებასა და ახალი შესაძლებლობების აღმოჩენაში დაეხმარება. ოფროუდტური სწორედ ამ მიზანს ემსახურება. Toyota-ს ავტომობილები საიმედოობითა და გამავლობით გამოირჩევა, თუმცა ამ მახასიათებლების სრულად შეფასება მხოლოდ რეალურ, რთულ პირობებშია შესაძლებელი. ამ მიზნით მომხმარებლებს საშუალება მივეცით, სრულიად ახალი LAND CRUISER 300 MILD HYBRID, HILUX და PRADO საოფროუდე ტრასაზე გამოეცადათ და მათი შესაძლებლობები საკუთარი გამოცდილებით შეეფასებინათ. გარდა ამისა, ეს დღე მომხმარებლებთან უშუალო კომუნიკაციის შესაძლებლობაცაა - შეგვიძლია, მოვისმინოთ მათი შთაბეჭდილებები, უკეთ გავიგოთ მათი ინტერესები და ერთად შევქმნათ ახალი გამოცდილება. პირველი ტურის შემდეგ მიღებულმა გამოხმაურებამ ცხადყო, რომ მომხმარებლები ამ ფორმატით დაინტერესებულნი არიან, ამიტომ მეორე ტურიც გავმართეთ და ამ პრაქტიკის გაგრძელებას მომავალშიც ვგეგმავთ“.
Toyota Center Tegeta-ს ღონისძიება ორი ნაწილისგან შედგებოდა: ტესტდრაივისა და შეჯიბრებისგან. ორივე აქტივობისთვის სპეციალური საოფროუდე ტრასები მოეწყო. 4X4 ავტომობილების მოყვარულებმა Toyota-ს მოდელების გამავლობა და მართვის შესაძლებლობები უშუალოდ საჭესთან გამოცადეს, შეჯიბრების დროს კი საკუთარი უნარებიც შეაფასეს.
Toyota Center Tegeta-ს ოფროუდტური მომხმარებლებთან ურთიერთობის ფორმატია, რომელიც ავტომობილის პრაქტიკულ გაცნობას, მართვის უნარების განვითარებასა და მომხმარებლებთან ცოცხალ კომუნიკაციას აერთიანებს.
ღონისძიების პარტნიორები იყვნენ: „ბრიჯსტოუნი“, „პოლარისი“, „თიბისი დაზღვევა“, „თიბისი ლიზინგი“, „ალდაგი“, „ჯიპიაი ჰოლდინგი“, „სოლო“ და „ვისოლი“.
Toyota Center Tegeta იაპონური ბრენდის, Toyota-ს ოფიციალური წარმომადგენელია საქართველოში. კომპანია მუდმივად ზრუნავს, მომხმარებლებს განსაკუთრებული გამოცდილება შესთავაზოს და ბრენდთან კიდევ უფრო დააახლოოს. მომხმარებლებს შეუძლიათ როგორც ოფროუდტურზე წარმოდგენილი, ისე Toyota-ს სხვა მოდელების ნახვა, დეტალების გაცნობა და ტესტდრაივის დაჯავშნა Toyota Center Tegeta-ს შოურუმში, მისამართზე: თბილისი, უნივერსიტეტის ქუჩა №6.
„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.
შანხაიდან პირდაპირი რეისების დამატების შემდეგ ჩინეთიდან ვიზიტები გასამმაგდა - გიორგი დოლიძე
13.10.2026.10:29
ბათუმის მიმართულებით ივნისიდან აგვისტოს ბოლომდე დატვირთულობა პიკში იყო შესული - გიორგი დოლიძე
13.10.2026.10:14
