გერმანიაში Lufthansa-სა და Eurowings-ის პილოტები გაიფიცნენ
ავიაკომპანიების Deutsche Lufthansa AG, Lufthansa Cargo AG და Lufthansa CityLine GmbH პილოტებმა გაფიცვა დაიწყეს. პროტესტს შეუერთდნენ Eurowings GmbH-ის პილოტებიც, რომლებიც რეისებს გერმანიის აეროპორტებიდან ასრულებენ. აქცია პილოტთა პროფკავშირის, Vereinigung Cockpit-ის ინიციატივით ტარდება. გაფიცვამ ყველაზე დიდი შეფერხებები ფრანკფურტისა და მიუნხენის აეროპორტებში გამოიწვია და 14 აპრილის, ადგილობრივი დროით 23:59 საათამდე გაგრძელდება.
ერთი დღით ადრე Eurowings-ში ვარაუდობდნენ, რომ ფრენების განრიგის „დიდ ნაწილს“ მაინც შეასრულებდნენ Eurowings Europe-ისა და პარტნიორი ავიაკომპანიების მხარდაჭერის იმედით.
ახლო აღმოსავლეთში არსებული არასტაბილურობის გამო, გაფიცვისგან გათავისუფლდნენ Lufthansa-სა და CityLine-ის ის პილოტები, რომლებიც ასრულებენ რეისებს გერმანიიდან შემდეგი მიმართულებებით: აზერბაიჯანი, ბაჰრეინი, ეგვიპტე, ისრაელი, იორდანია, ერაყი, იემენი, კატარი, ქუვეითი, ლიბანი, ომანი, საუდის არაბეთი და არაბთა გაერთიანებული საამიროები.
პროფკავშირის წარმომადგენლებმა გაფიცვის მიზეზად ის გარემოება დაასახელეს, რომ Lufthansa-ს და Lufthansa Cargo-ს ჯერჯერობით არ წარუდგენიათ წინადადებები კორპორაციული საპენსიო პროგრამების შესახებ. ანალოგიური სიტუაციაა CityLine-ის შემთხვევაშიც თანამშრომლებთან კოლექტიური ხელშეკრულების პირობებთან დაკავშირებით. წელს ესLufthansa-ს გაფიცვების მეოთხე ტალღაა.
დღის ტოპ 10 სიახლე
სხვა სიახლეები
British Airways-ი ახლო აღმოსავლეთის 7 ქალაქის მიმართულებით ფრენების სიხშირეს ამცირებს
20.05.2026.08:01
British Airways-ი ახლო აღმოსავლეთის 7 ქალაქის მიმართულებით ფრენების სიხშირეს ამცირებს. აღნიშნული უკავშირდება მიმდინარე კონფლიქტის, 2026 წლის ზაფხულის განრიგის გადახედვას რომლის ფარგლებშიც ავიაკომპანიამ, მათ შორის დუბაის, დოჰასა და თელ-ავივის მიმართულებით ფრენების რაოდენობა დააკორექტირა.
British Airways-ის განცხადებით, ცვლილებები ძალაში 24 ოქტომბრამდე დარჩება, ხოლო რამდენიმე მარშრუტზე ფრენები მნიშვნელოვნად შემცირდება ან დროებით შეჩერდება. ლონდონსა და დუბაის შორის ფრენების რაოდენობა დღეში სამი რეისიდან ერთამდე შემცირდება. არსებული ინფორმაციით, რეგულარული ყოველდღიური განრიგის სრულად აღდგენა 1 აგვისტოდან იგეგმება, ხოლო მეორე ყოველდღიური რეისი 16 ოქტომბრიდან დაემატება.
Routes Europe 2026-ზე მსოფლიოს წამყვან ავიაკომპანიებთან ახალი ავიარეისებისა და სიხშირეების ზრდაზე აქტიურ მოლაპარაკებებს ვმართავთ - ლევან მოსეშვილი
19.05.2026.18:19
სასიხარულოა, რომ საამიროებიდან საკმაოდ გააქტიურებულია რეზერვაციების ნაკადი - HSC Group Hospitality-ის დირექტორი
18.05.2026.11:00
2026 წლის ტურისტული სეზონი 2025 წლის მაჩვენებელს მინიმუმ 5%-ით გადააჭარბებს - გიორგი დოლიძე
18.05.2026.09:00
ტურიზმის ეროვნულმა ადმინისტრაციამ ჯანმრთელობის მსოფლიო ორგანიზაციისგან სპეციალური ჯილდო მიიღო
16.05.2026.10:23
„ტურიზმის ეროვნული დაჯილდოება“ განვითარების ახალ ეტაპზე გადადის და პლატფორმის მოდერნიზაციას იწყებს
15.05.2026.10:30
მალტაში გაეროს ტურიზმის ორგანიზაციის (UN Tourism) ევროპის რეგიონული კომისიის 72-ე სხდომა გაიმართა
14.05.2026.19:42
