ინდოეთიდან დიდი ინტერესია ქორწილების მიმართულებით, მეტსაც გეტყვით, ჩვენს სასტუმროს რამდენიმე ინდური ქორწილის გამასპინძლების გამოცდილება აქვს - ქეთი რეხვიაშვილი
საქართველოს ტურიზმის ეროვნული ადმინისტრაციის მასშტაბური კამპანიის მნიშვნელობაზე საუბრობს სასტუმრო „ბილტმორის“ წარმომადგენელი ქეთი რეხვიაშვილი. კამპანიის მიზანია საქართველოში მსხვილი, მაღალშემოსავლიანი ღონისძიებების ჩატარება. ქეთი რეხვიაშვილის თქმით, უკვე ხელი მოეწერა კონტრაქტს, რომლის ფარგლებში ინდოეთიდან საქართველოში, წელს მასშტაბური ქორწილი ჩატარდება.
„ტურიზმის ეროვნული ადმინისტრაციის მიერ დაგეგმილი კამპანია ინდოეთიდან ქორწილების მოზიდვასთან დაკავშირებით სტრატეგიულად ძალიან მნიშვნელოვანი ნაბიჯია, რადგან ინდური ბაზარი ერთ-ერთი ყველაზე მასშტაბური და მზარდია საქორწილო ტურიზმში. ინდური ქორწილები გამოირჩევა მრავალდღიანი პროგრამით, სტუმრების დიდი რაოდენობითა და მაღალი ბიუჯეტით, რაც პირდაპირ აისახება როგორც სასტუმროებზე, ასევე ავიაციაზე, სერვისებსა და მთლიანად, ეკონომიკაზე “ - აცხადებს სასტუმრო „ბილტმორის“ წარმომადგენელი ქეთი რეხვიაშვილი.
მისით თქმით, სწორი პოზიციონირებისა და კოორდინირებული მარკეტინგის შემთხვევაში ინდური ბაზარი საქართველოსთვის შეიძლება გახდეს ერთ-ერთი მნიშვნელოვანი მიმართულება.
„ინდოეთიდან ინტერესი უკვე არსებობს ქორწილების მიმართულებით. მეტსაც გეტყვით, რომ სასტუმრო „ბილტმორს“ უკვე აქვს გამოცდილება რამდენიმე ინდური ქორწილის გამასპინძლების, რაც გვაძლევს პრაქტიკულ ცოდნას ინდური ქორწილების სპეციფიკის შესახებ, რაც მოიცავს: მრავალდღიან პროგრამებს, განსხვავებულ ცერემონიებს, თემატურ საღამოებს, სპეციალურს მენიუებს და დიდი რაოდენობით სტუმრებს. აღსანიშნავია, რომ ინდური ქორწილი არ არის ერთდღიანი ღონისძიება, ეს 3-5 დღიანი მასშტაბური ღონისძიებების სერიაა, რაც მოიცავს ინდური კულტურისთვის დამახასიათებელ აქტივობებს“,-აღნიშნავს ქეთი რეხვიაშვილი, მისი შეფასებით, კერძო სექტორი ხედავს პოტენციალს და მზად არის უფრო მასშტაბური ღონისძიებებისთვის.
საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ინდოეთიდან საქართველოში მასშტაბური ღონისძიებების, მათ შორის ქორწილების ჩასატარებლად სპეციალურ კამპანიას ატარებს.
პროექტის მიზანია ქართულმა კერძო სექტორმა მიიღოს პირდაპირი ეკონომიკური სარგებელი მაღალბიუჯეტური ღონისძიებების მასპინძლობით.
პროექტის ფარგლებში, საქართველოში, კერძო სექტორის წარმომადგენლებმა უკვე დააკონტრაქტეს მსხვილი, მაღალშემოსავლიანი ღონისძიებები ინდურ კომპანიებთან.
ასეთი ტიპის მსხვილ ღონისძიებებში ჩართულია სტუმართლმასპინძლობის სფერო: სასტუმროები, კვების ობიექტები, სერვისის მიმწოდებლები და აშ. რაც მნიშვნელოვნად გაზრდის ტურისტული სექტორის შემოსავალს მთელი ქვეყნის მასშტაბით.
კამპანიის მთავარი მიზანია, ინდოეთიდან მაღალმხარჯველი, ორგანიზებული ჯგუფების მოზიდვა და საქართველოს პოზიციონირება მსხვილი ღონისძიებების მიმართულებად.
ტურიზმის ეროვნული ადმინისტრაციის სააკონვეციო და საგამოფენო ბიურო ახალ ბაზარზე აქტიურად მუშაობს, რაც გულისხმობს მსხვილი ინდური კომპანიებისთვის პრეზენტაციების ჩატარებას, საქართველოში გაცნობითი ტურების მოწყობას, ორმხრივი ბიზნეს შეხვედრების გამართვას, ქართული ტურისტული სექტორის წარმომადგენლებისთვის ტრენინგების ჩატარებას.
პროექტის მიზანია, ინდოეთიდან მაღალმხარჯველი, ორგანიზებული ჯგუფების მოზიდვა და საქართველოს პოზიციონირება მსხვილი ღონისძიებების მიმართულებად.
დღის ტოპ 10 სიახლე
სხვა სიახლეები
ტურიზმის ეროვნული ადმინისტრაციის მოწვევით საერთაშორისო ექსპერტმა ჯული პილკინგტონმა სექტორის წარმომადგენლებისთვის მასტერკლასი გამართა
24.07.2026.15:10
მომსახურების სფეროში ხარისხის გაუმჯობესებისა და კერძო სექტორის მხარდაჭერის მიზნით, საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია კერძო სექტორისთვის უსასყიდლო ტრენინგებს აგრძელებს.
ადმინისტრაციის ორგანიზებით, სტუმარმასპინძლობის სფეროს საერთაშორისო ექსპერტმა, ჯული პილკინგტონმა სასწავლო კურსი „Sales Excellence“ (გაყიდვების ეფექტიანობა) ჩაატარა.
ტრენინგს ტურიზმის ინდუსტრიის 100-მდე წარმომადგენელი დაესწრო.
ტრენინგის ფარგლებში მონაწილეები დეტალურად გაეცნენ გაყიდვების თანამედროვე მიდგომებს, ახალი შესაძლებლობების იდენტიფიცირებას, კლიენტის საჭიროებების ანალიზს, გარიგებების წარმატებით დასრულებასა (Closing) და ანგარიშების მართვას (Account Management).
ტრენინგი შემდეგ თემებს მოიცავდა:
• გაყიდვების წარმატების საფუძვლები;
• ახალი შესაძლებლობების იდენტიფიცირება;
• ორგანიზაციის ღირებულებებისა და შესაძლებლობების გააზრება;
• კლიენტის საჭიროებების ანალიზი;
• გარიგების წარმატებით დასრულება (Closing);
ჯული პილკინგტონს 20 წელზე მეტი პროფესიული გამოცდილება აქვს სასტუმროებისა და ტურიზმის სფეროში. მუშაობდა წამყვან საერთაშორისო კომპანიებსა და სასტუმრო ბრენდებში ავსტრალიაში, კანადასა და დიდ ბრიტანეთში, სადაც ხელმძღვანელობდა გაყიდვების, ბიზნესის განვითარების, მარკეტინგისა და ოპერაციული მართვის მიმართულებებს. არის სერტიფიცირებული ტრენერი სტუმარმასპინძლობის სფეროში და აქვს თანამშრომლობის გამოცდილება საქართველოში ტურიზმის სექტორში ჩართულ პირებთან.
ჯული პილკინგტონმა 2017 და 2018 წლებში ტრენინგები ჩაატარა ტურიზმისა და მომსახურების ხარისხის განვითარების მიმართულებით. ამჟამად იკავებს Senior Account Manager-ის პოზიციას კომპანია Nuvho-ში და მუშაობს სასტუმროების სტრატეგიული განვითარების, გაყიდვებისა და ბიზნესპარტნიორობების მიმართულებით.
