საფრანგეთს, ავსტრიასა და იტალიას შორის, საქართველო ჩვენთვის N1 მიმართულებაა - ისრაელის წამყვანი ტუროპერატორის Skideal-ის აღმასრულებელი დირექტორი

ტურიზმი

ლონდონში, WTM-ის გამოფენაზე საქართველოს მიმართ საკმაოდ დიდი დაინტერესებაა - Gorgeous Trips-ის წარმომადგენელი

06.11.2026.14:08

საქართველოს ტურიზმის ეროვნული ადმინისტრაცია ლონდონის საერთაშორისო ტურისტულ გამოფენაზე World Travel Market 2026-ზე ეროვნული სტენდით წარდგა. გამოფენაში. ტურიზმის ეროვნულ ადმინისტრაციასთან ერთდ, 20-მდე ქართული კერძო კომპანია მონაწილეობდა.

ტურისტული კომპანია „Gorgeous Trips“-ის წარმომადგენელი ლელა ქორჩილავას თქმით, WTM London და მსგავსი საერთაშორისო პლატფორმები საქართველოს საშუალებას აძლევს, კიდევ უფრო მეტი მოგზაური მოიზიდოს დასავლეთის ქვეყნებიდან და დიდი ბრიტანეთიდან.

„ლონდონში, WTM-ის გამოფენაზე ვიმყოფებით და ვხედავთ, რომ საქართველოს მიმართ საკმაოდ დიდი დაინტერესებაა. როგორც ჩვენი კომპანიისთვის, ისე მთლიანად ქვეყნისთვის ძალიან მნიშვნელოვანია, რომ გვყავდეს მეტი ტურისტი დასავლეთიდან. შესაბამისად, მივიჩნევთ, რომ ამ გამოფენაში მონაწილეობა დიდი წარმატებაა, რაც მოგვცემს საშუალებას, კიდევ უფრო მეტი დაინტერესებული ვიზიტორი მოვიზიდოთ დასავლეთიდან და, კერძოდ, დიდი ბრიტანეთიდან” - აღნიშნავს ლელა ქორჩილავა.