ისრაელში საქართველოსადმი დიდი ინტერესია, განსაკუთრებით, კახეთის ტურისტულ მიმართულებაზე - ნინო ისაკაძე
საქართველოს ტურიზმის ეროვნული ადმინისტრაცია ისრაელში, თელ-ავივში, აღმოსავლეთის ერთ-ერთი უდიდეს ტურისტულ გამოფენაში IMTM 2026 მონაწილეობს.
გამოფენაზე ტურიზმის ეროვნული ადმინისტრაციასთან ერთად, 30-ზე მეტი ქართული ტურისტული კომპანია და სასტუმროა წარმოდგენილი. მონაწილეები გამოფენაზე საქართველოს მიმართ მზარდ ინტერესზე ამახვილებენ ყურადღებას.
გამოფენის მიმდინარეობას დადებითად აფასებს სასტუმრო „ყვარლის ტბის რეზორტის“ გაყიდვების დირექტორი ნინო ისაკაძე. მისი თქმით, ვიზიტორებისა და პროფესიონალების მხრიდან საქართველოს მიმართ დაინტერესება განსაკუთრებით მაღალია. ეს ფაქტორი, მისი შეფასებით, მნიშვნელოვან წინაპირობას ქმნის ტურისტული ნაკადების ზრდისთვის.
„გამოფენაზე საკმაოდ დიდი ინტერესია საქართველოს, განსაკუთრებით, კახეთის მიმართულებაზე. სხვათაშორის, ისრაელში ბევრად მეტი ინფორმაცია აქვთ საქართველოზე, ვიდრე ჩვენ წარმოგვედგინა. მგონია, რომ ტურისტული გამოფენა ნაყოფიერი იქნება ჩვენთვის“ - აღნიშნა ნინო ისაკაძემ.
IMTM 2026-ზე ვიზიტორთა რაოდენობა 20 ათასს აჭარბებს, გამოფენაზე 50-ზე მეტი ქვეყნის ტურისტული ორგანიზაცია და კომპანიაა წარდგენილი. საქართველოს ტურიზმის ეროვნული ადმინისტრაციის სტენდი გამოფენაზე ერთ-ერთი ყველაზე ხალხმრავალია. სტენდზე ვიზიტორებს შესაძლებლობა აქვთ ქართულ კულინარიას გაეცნონ და საქართველოს კურორტებისა და ტურისტულად მიმზიდველი ადგილების შესახებ ამომწურავი ინფორმაცია მიიღონ.
სხვა სიახლეები
Air Canada სექტემბერ-ოქტომბერში რეკორდულ შემოსავალს ელის
20.08.2026.17:00
Air Canada-ს სექტემბრისა და ოქტომბრის შემოსავალი, სავარაუდოდ, ამ ორი თვისთვის რეკორდულ მაჩვენებელს მიაღწევს, რადგან პრემიუმ კატეგორიის სულ უფრო მეტი მგზავრი ევროპასა და იაპონიაში ზაფხულის სიცხესა და ტურისტების სიმრავლეს გაურბის, - აცხადებს კომპანია.
ჩრდილოეთ ამერიკის მსხვილი ავიაკომპანიები ბოლო წლებში საკუთარ ბიზნესს სულ უფრო მეტად აფუძნებენ პრემიუმ კატეგორიის მგზავრებზე, კორპორაციულ კლიენტებსა და ლოიალობის პროგრამების წევრებზე, რადგან მათი შეფასებით, ტარიფების ზრდის შემთხვევაში ეს მომხმარებლები ხარჯების შემცირებას ნაკლებად მიმართავენ.
შემოდგომაზე საქმიანი მოგზაურობის მოთხოვნის ზრდა, პრემიუმ კატეგორიის დასასვენებელი მოგზაურების სამოგზაურო ჩვევების ცვლილებასთან ერთად, ავიაკომპანიების ხელმძღვანელების მოლოდინებს ზრდის იმ სეზონებთან დაკავშირებით, რომლებიც აქამდე ივლისისა და აგვისტოს მსგავსი პიკური სამოგზაურო თვეებისგან შედარებით ნაკლებად დატვირთულად მიიჩნეოდა.
აჭარაში არარეზიდენტების უნაღდო დანახარჯები სასტუმროებში წლურად 71%-ით, ხოლო რესტორნებში უნაღდო დანახარჯები 6%-ით გაიზარდა - TBC Capital
17.08.2026.19:00
მსოფლიო დონის გასტრონომიული ექსპერტები და გავლენიანი ჟურნალისტები საქართველოს ტურისტულ პოტენციალს გაეცნენ
13.08.2026.16:24
ჩვენი შეფასებით, 2026 წლის ივლისში ტურიზმიდან მიღებული შემოსავლები წლიურად 7.1%-ით გაიზარდა 590 მლნ აშშ დოლარამდე - Galt & Taggart
10.08.2026.15:55
ყაზახურ მედიაში საქართველოს ტურიზმის ეროვნული ადმინისტრაციის მარკეტინგული კამპანიის ფარგლებში სტატიები მომზადდა
07.08.2026.11:16
ზამთრის სეზონისთვის გუდაურში დაგეგმილი ინფრასტრუქტურული პროექტები ხელს შეუწყობს გუდაურის ტურისტული პოტენციალის გაზრდას - ლევან დარსალია
06.08.2026.11:56
გავლენიანი ბრიტანული გამოცემა „ტელეგრაფი“ საქართველოს ტურისტული პოტენციალის შესახებ სტატიების ციკლს აქვეყნებს
05.08.2026.11:28
