ITB China გამოფენის შემდეგ ჩინეთის ბაზრიდან საქართველოსადმი ინტერესი მნიშვნელოვნად გაიზრდება - პაატა კვიჟინაძე
26-28 მაისს საქართველო ჩინეთის ერთ-ერთ უმსხვილეს ტურისტულ გამოფენაზე - ITB China 2026-ზე პარტნიორი ქვეყნის სტატუსით წარდგება. საქართველოს ეროვნულ სტენდს 400 კვადრატული მეტრი დაეთმობა, სადაც გაიმართება ბიზნესშეხვედრები, პრეზენტაციები, ქართული კულტურის, გასტრონომიისა და ღვინის წარდგენა.
„ჯორჯიან თრეველ გრუპის“ დირექტორის, პაატა კვიჟინაძის შეფასებით, ჩინეთის ბაზარზე პოზიციების გაძლიერება ქვეყნის ტურიზმის სექტორისთვის მნიშვნელოვანი შესაძლებლობაა.
„ჩინეთის ბაზარი საკმაოდ მნიშვნელოვანი ბაზარია არა მარტო საქართველოსთვის, არამედ მთელი მსოფლიოსთვის და ამ ბაზრის რაღაც წილის აღება, მნიშვნელოვანი მიღწევა იქნება როგორც ჩვენი კომპანიისთვის, ისე მთლიანად საქართველოს ტურიზმის სექტორისთვის. ღონისძიებაზე პარტნიორი ქვეყნის სტატუსით მონაწილეობა ქვეყნისთვის ერთდროულად დიდი შესაძლებლობაცაა და პასუხისმგებლობაც. დარწმუნებული ვარ, ამ გამოფენის შემდეგ ჩინეთის ბაზრიდან ინტერესი საგრძნობლად გაიზრდება. ტურიზმის ადმინისტრაციამ ამ მიმართულებით საკმაოდ დიდი სამუშაო გასწია, რათა საქართველო აქტიურად იქნას წარდგენილი გამოფენაზე, ასევე, შანხაიში, მთელ ქალაქში განთავსდება საქართველოს სურათები და სარეკლამო კამპანიებიდანაც უფრო მეტი ჩინელი გაიგებს საქართველოს შესახებ”. - აღნიშნა პაატა კვიჟინაძემ.
დღის ტოპ 10 სიახლე
სხვა სიახლეები
ტურიზმის ეროვნული ადმინისტრაცია დიდ ბრიტანეთში მარკეტინგულ კამპანიას აგრძელებს
05.06.2026.19:36
დიდი ბრიტანეთიდან საქართველოში ტურისტული ნაკადების გასაზრდელად საქართველოს ეკონომიკისა ტურიზმის ეროვნული ადმინისტრაცია მარკეტინგულ კამპანიას აგრძელებს.
მარკეტინგული კამპანიის ფარგლებში, ლონდონის ცენტრალური მეტროს სადგურებში საქართველოს შესახებ ბანერები განთავსდა.
ვიზუალური მასალა ლონდონის მეტროს მგზავრებს შესაძლებლობას აძლევს, გაეცნონ საქართველოს უნიკალურ ბუნებას, კულტურას, ქალაქებსა და სხვა საინტერესო ტურისტულ მიმართულებებს.
მარკეტინგული კამპანია დიდ ბრიტანეთში საქართველოს საელჩოს მხარდაჭერით განხორციელდა.
თუ კაპიტალის გარკვეული ნაწილი ჩვენთან დარჩება და მთლიანად ოკეანის გაღმა არ წავა, ეს ძალიან მისასალმებელი იქნება - დავით რუსია
03.06.2026.11:50
ღვინის ტურიზმში ინიციატივები მხოლოდ შემოდგომის პერიოდსა და რთველზე არ უნდა იყოს კონცენტრირებული - ნატა კვაჭანტირაძე
29.05.2026.19:30
ბევრი ევროპული ქვეყანა ზამთარშიც კი აქტიურად ცდილობს ღვინის ტურიზმის პოპულარიზაციას, შეგვიძლია ეს გამოცდილება გავიზიაროთ - ნატა კვაჭანტირაძე
29.05.2026.18:30
აუცილებელია ოთხივე სეზონის პროდუქტების შექმნა და არსებული პოტენციალის მაქსიმალურად გამოყენება - ნატა კვაჭანტირაძე
29.05.2026.17:30
ჩვენ არ უნდა ვიყოთ მიბმული მხოლოდ ერთ კონკრეტულ პერიოდზე და არ უნდა ვაკეთებდეთ აქცენტს ექსკლუზიურად ზაფხულის სეზონზე - ნატა კვაჭანტირაძე
29.05.2026.16:30
