ITB China საქართველოსთვის ძალიან მასშტაბური გამოფენა და უმნიშვნელოვანესი მოვლენაა მთლიანად ტურიზმის სექტორისთვის - ნატალია ჩანადირი
შანხაიში გამართულ ტურისტულ გამოფენაზე ITB China 30-მდე ქართული კომპანია იყო წარდგენილი. გამოფენის ფარგლებში ქართულმა კერძო სექტორმა ათასზე მეტი შეხვედრა გამართა უცხოელ კოლეგებთან საქმიანი ურთიერთობების დასამყარებლად.
„ITB China საქართველოსთვის ძალიან მასშტაბური გამოფენა და უმნიშვნელოვანესი მოვლენაა მთლიანად ტურიზმის სექტორისთვის. საქართველო საამაყოდ არის წარმოჩენილი ქორეოგრაფიითა და ფოლკლორით. მესამე წელია ჩინეთში ჩამოვდივარ და ვხედავ, როგორ იზრდება საქართველოს შესახებ ცნობადობა. ეს ყოველდღიური შრომის, წვალებისა და მარკეტინგული კამპანიების დამსახურებაა. 15 ივლისიდან იწყება პირდაპირი ფრენები შანხაი-თბილისის მიმართულებით, რაც კიდევ უფრო გაზრდის ტურისტულ ნაკადებს საქართველოში“,-აღნიშნავს ნატალია ჩანადირი.
ITB China-ზე 3 დღის განმავლობაში საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით გაიმართა პრეზენტაციები და შეხვედრები საქართველოს ტურისტული მიმართულების შესახებ.
დღის ტოპ 10 სიახლე
სხვა სიახლეები
ჩვენთვის მნიშვნელოვანია, რომ ქუთაისის საერთაშორისო აეროპორტი იმერული სტუმართმოყვარეობის პირველი შთაბეჭდილება იყოს - ლევან მოსეშვილი
27.06.2026.14:10
ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანება“ გასტრონომიულ ფესტივალს GEMO FEST უკვე მეოთხედ უჭერს მხარს. ქუთაისის საერთაშორისო აეროპორტი, რომელიც ფესტივალის მთავარი პარტნიორია, ტურიზმის ეროვნულ ადმინისტრაციასთან ერთად ღონისძიების ერთ-ერთი მასპინძელიცაა.
საქართველოს აეროპორტების გაერთიანების გენერალური დირექტორის, ლევან მოსეშვილის განცხადებით, GEMO FEST-ის მხარდაჭერა ხელს უწყობს რეგიონში გასტრონომიული ტურიზმის განვითარებას, საერთაშორისო ვიზიტორთა ნაკადების ზრდასა და ადგილობრივი კულინარიული კულტურის პოპულარიზაციას.
„ჩვენ ტრადიციულად მხარს ვუჭერთ მსგავსი სახის ღონისძიებების ჩატარებას, რათა ხელი შევუწყოთ ადგილობრივი ტურიზმის განვითარებას და საერთაშორისო ვიზიტორთა ნაკადების ზრდას საქართველოში. GEMO FEST-ის მიზანია პოპულარიზაცია გაუწიოს როგორც ტრადიციულ ქართულ, ისე ნაკლებად ცნობილ კერძებს, ასევე ფესტივალში მონაწილე ადგილობრივ მეწარმეებსა და მათ პროდუქციას.
Gemo Fest-ი ყოველწლიურ ტრადიციად იქცა და მისი მიზანია რეგიონში გასტრონომიული ტურიზმის განვითარება, ადგილობრივი სამზარეულოს პოპულარიზაცია და ტურისტული ნაკადების ზრდა.
,,ჩვენთვის მნიშვნელოვანია, რომ ქუთაისის საერთაშორისო აეროპორტი იყოს იმერული სტუმართმოყვარეობისა და გასტრონომიის პირველი შთაბეჭდილება, საიდანაც იწყება საქართველოს გემოების აღმოჩენა,“- განაცხადა ლევან მოსეშვილმა.
ტურიზმი 2025 წელი იყო რეკორდული შემოსავლების თვალსაზრისით - ტურიზმიდან შემოსავალმა გასულ წელს $4.7 მილიარდი შეადგინა l ირაკლი კობახიძე
26.06.2026.13:40
ვფიქრობ, რომ ძალიან კარგი გადაწყვეტილება იყო მიღებული - ტურიზმის გიდების პროფკავშირის ხელმძღვანელი
24.06.2026.14:29
ლოგიკური და საჭირო ცვლილებაა და ქვეყნის ინტერესებს იცავს - გიდი ზაზა შიოშვილი “შრომითი მიგრაციის შესახებ” კანონში შეტანილ ცვლილებებს აფასებს
24.06.2026.14:01
კულტურულ გიდებზე კვოტა ნულოვანია, მოთხოვნას აბსოლუტურად ვართმევთ თავს - ქეთი მელაძე
24.06.2026.13:24
