ITB China-ზე პარტნიორი ქვეყნის სტატუსი საქართველოს ჩინეთიდან მეტი ტურისტის მოზიდვაში დაეხმარება - ანა გვაზავა
კომპანია Voyageur-ის ბიზნესის განვითარების მენეჯერის, ანა გვაზავას განცხადებით, ITB China-ში საქართველოს პარტნიორი ქვეყნის სტატუსით მონაწილეობა ჩინეთის ბაზარზე ქვეყნის ცნობადობასა და ტურისტული ნაკადების ზრდას მნიშვნელოვნად შეუწყობს ხელს.
„საქართველოსთვის უმნიშვნელოვანესია ITB China-ში მონაწილეობა, მით უფრო, პარტნიორი ქვეყნის სტატუსით. ეს ქვეყანას საშუალებას მისცემს, კიდევ უფრო მეტი ტურისტი მიიღოს ჩინეთიდან. ჩინეთის ბაზარი ძალიან დიდია და ჩვენ უკვე ვხედავთ მზარდ ინტერესს. 2025 წელს საქართველომ ჩინეთიდან 128 ათასი ვიზიტორი მიიღო, რაც წინა წელთან შედარებით, დაახლოებით 40%-იანი ზრდაა. ზაფხულიდან პირდაპირი ფრენებიც დაიწყება, კვირაში სამი სიხშირით, რაც კიდევ უფრო მეტი ვიზიტორის ჩამოყვანის შესაძლებლობას მოგვცემს. გამოფენაზე შევძლებთ უფრო წარმატებულად ვითანამშრომლოთ ჩინეთის ბაზართან, წინასწარ გვაქვს დაგეგმილი შეხვედრები, განსაკუთრებით, MICE ტურიზმისა და ინდივიდუალური მოგზაურობის მიმართულებით.“ - განაცხადა ანა გვაზავამ.
ITB China 2026-ზე საქართველოს პარტნიორი ქვეყნის სტატუსით მონაწილეობა ქვეყნის ცნობადობის ზრდასა და ახალი ტურისტული ნაკადების მოზიდვას შეუწყობს ხელს. გამოფენის ფარგლებში გაიმართება ბიზნესშეხვედრები, ტურისტული პრეზენტაციები და ქართული კულტურისა და გასტრონომიის წარდგენა.
სხვა სიახლეები
საქართველოს ტურიზმის ეროვნული ადმინისტრაციის პროექტი მზისკარი ევროპის კულტურული ტურიზმის ქსელის პრესტიჟული კონკურსის - ECTN Awards 2026-ის ფინალისტია
10.09.2026.18:05
საქართველოს ტურიზმის ეროვნული ადმინისტრაციის პროექტი Mziskari • მზისკარი ევროპის კულტურული ტურიზმის ქსელის პრესტიჟული კონკურსის - ECTN Awards 2026-ის ფინალისტია. ინფორმაციას ტურიზმის ეროვნული ადმინისტრაცია ავრცელებს.
კონკურსზე 23 ევროპული ქვეყნიდან 72 განაცხადი იყო წარმოდგენილი. „მზისკარი“ ნომინაციაში „შემოქმედებითი ტურიზმი და თანამონაწილეობით შექმნილი კულტურული ტურისტული გამოცდილებები“ (Creative Tourism and Co-Created Cultural Tourism Experiences) ევროპის ოთხ საუკეთესო პროექტს შორის მოხვდა.
„მზისკარის“ მხარდასაჭერად გადადით ბმულზე, აირჩიეთ კატეგორია „Creative Tourism and Co-Created Cultural Tourism Experiences“ და მიეცით ხმა პროექტს: https://culturaltourism.awardstage.com/#!/public-choice-voting
ECTN Awards 2026-ის გამარჯვებულები 24 სექტემბერს, საბერძნეთის კუნძულ სკიათოსზე გამოვლინდებიან.
ტურისტული ბაზრების დივერსიფიკაცია და ახალი პირდაპირი ფრენები - ტურიზმის ეროვნული ადმინისტრაცია აზიასა და ევროპაში მარკეტინგულ კამპანიებს აფართოებს
08.09.2026.14:28
მესამე კვარტალში ვიზიტორთა რაოდენობისა და შემოსავლების ზრდას ველოდებით - მაია ომიაძე
08.09.2026.13:28
