კადრების დეფიციტი იქნება მუდმივად თანმდევი გამოწვევა სასტუმროების რაოდრენობის ზრდის ფონზე, შესაბამისად, მომავალში დადგება კიდევ უფრო მწვავედ თუ დღეს არ დავიწყებთ აქტიურს თანამშრომლობას ნებისმიერ დაინტერესებულ მხარესთან - ამის შესახებ საქართველოს ტურიზმის ასოციაციის ხელმძღვანელმა ნატა კვაჭანტირაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„რაც შეეხება ზოგადად გამოწვევებს რა თქმა უნდა ტურიზმის განვითარება, ტურიზმი არის სერვისზე ორიენტირებული ინდუსტრია და თავისთავად სერვისი ნიშნავს ადამიანების ძალიან მკვეთრ ჩართულობას, ადამიანური რესურსი ამ შემთხვევაში არის უპირობოდ მნიშვნელოვანი. რა თქმა უნდა კადრების თემა არის ძალიან კრიტიკულ სიტუაციაში, როცა სექტორი უკვე შედის იმ ფაზაში რომ ძალიან ცხელი, აქტიური სეზონი დგება და თავისთავად ახლა გვაქვს ის პერიოდი როცა ეს გამოწვევა ძალიან თვალსაჩინოდ იჩენს თავს. თუმცა ამ ბოლო პერიოდში ძალიან ცდილობს ბიზნესი რომ მომზადებული შეხვდეს სეზონს და მაქსიმალურად ცდილობს რომ კადრების გადამზადების პროცესში შევიდეს და თავის სტრუქტურებში ქმნიან გარკვეულწილად ტრენინგ ცენტრებსაც და ეს უკვე იქედან გამომდინარე ხდება რომ სრულიად ბაზარი ვერ აკმაყოფილებს იმ საჭიროებებს რაც ზოგადად ბიზნესს აქვს. საქართველოს ტურიზმის ასოციაციის ბოლო პერიოდის ახალი ინიციატივა არის, როდესაც ჩვენ გამოსავლების ძებნაზე ვსაუბრობდით შეგვექმნა მაქსიმალურად ისეთი ინიციატივა, სადაც დაინტერესებული მხარეების ჩართულობა ამ მიმართულებით იქნებოდა ძალიან მაღალი და დღეს გვაქვს კერძო, საჯარო, საგანმანათლებლო ინსტიტუტების ერთობლივი ინიციატივა - ეს არის განათლების და უნარების კომიტეტი, რომელიც ასოციაციის შიგნით სულ ახლახანს ინიცირდა და უფრო მოდიფიცირება მოხდა განათლების კომიტეტის. ეს ნიშნავს იმას რომ ჩვენ ძალიან დიდ აქცენტს გავაკეთებთ უნარების განვითარებაზე, რადგანაც სერვისი იწყება პირველ რიგში პირდაპირი კომუნიკაციით და შემდეგ ხდება მთელი სპექტრი იმ უნარების გამოვლინების რომელიც ზოგადად ბიზნესს სჭირდება დასაქმების ადგილზე. მთავარი პროცესი ამაში არის ის რომ ვცდილობთ მაქსიმალურად გავზარდოთ ბიზნესის პასუხისმგებლობაც და ბიზნესის სოციალური პასუხისმგებლობის ნაწილში მათი მიდგომები იყოს უფრო ლოიალური, უფრო თანამშრომლობაზე ორიენტირებული და ხარისხის განვითარება სწორედ იწყება ურთიერთთანამშრომლობით, სწორი კომუნიკაციით, სწორი ინიციატივებით და ვფიქრობთ რომ ეს ინიციატივა იქნება ძალიან პირველი ნაბიჯები იმის საწინდარი რომ გავაძლიეროთ ბიზნესის ჩართულობაც საგანმანათლებლო ინსტიტუტებთან თანამშრომლობის ნაწილში, გავაძლიეროთ სამუშაოზე დაფუძნებული განათლების პოპულარობა და გავზარდოთ ცნობადობა იმ კუთხით რომ ტურიზმი, როგორც პროფესია არის ძალიან პერსპექტიული, საინტერესო და მომავლში უზრუნველყოფს ნებისმიერი დასაქმებულის შესაძლებლობებს და ამ კუთხით ჩვენ გვეხმარება ძალიან ბევრი დაინტერესებული ორგანიზაცია, როგორც საჯარო, ასევე კერძო და საგანმანათლებლო ინსტიტუტები და ეს ერთობლიობა შექმნის ინიციატივას რომ მომავალში გაცილებით უკეთესი შედეგი გვექნება ამ კუთხით, ჩვენი მაქსიმუმი რომ გამოვიყენოთ სწორედ ასოციაცია ცდილობს რომ რაც შეიძლება მეტად დავეხმაროთ ბიზნესს და ვუზრუნველყოთ მათი გამოწვევების დაძლევა კონკრეტული ინიციატივებით. სხვა გზა არ არის, რადგანაც ჩვენ თვითონ უნდა ავიღოთ ის პასუხისმგებლობა რაც ზოგადად კერძო სექტორს სჭირდება განვითარებისთვის“, - აცხადეს ნატა კვაჭანტირაძე.