სასტუმრო Akhaltsikhe Inn • ახალციხე ინნ-ში განთავსებაზე მოთხოვნა სტაბილურად იზრდება, - აცხადებს Akhaltsikhe Inn-ის მფლობელი კომპანია Inn Hospitality-ს კომერციული დირექტორი ნინა გაჩეჩილაძე. მოთხოვნის და ინტერესის ზრდის მიზეზად ნინა გაჩეჩილაძე საქართველოსადმი უცხოელი ტურისტების დიდ ინტერესს და ასევე კომპანიის მიერ განხორციელებულ მარკეტინგულ კამპანიებს უკავშირებს.

„მოგეხსენებათ, სასტუმრო Akhaltsikhe Inn-ისთვის 2025 წლის ზაფხული სულ რაღაც მეორე სეზონია, თუმცა უკვე შეგვიძლია ვთქვათ, რომ წინასწარი ჯავშნების რაოდენობა და დატვირთულობა საშუალოზე მაღალია. როგორც სეზონის ანალიზი გვიჩვენებს, მოთხოვნა სტაბილურად იზრდება.

ამ ტენდენციას რამდენიმე ფაქტორი განაპირობებს: ერთი მხრივ, გაზრდილია ინტერესი საქართველოს მიმართ ახალი სტრატეგიული ტურისტული ბაზრებიდან, მეორე მხრივ კი — წლის განმავლობაში ჩვენ მიერ ჩატარებულმა აქტიურმა მარკეტინგულმა კამპანიებმა მნიშვნელოვანი გავლენა მოახდინა რეგიონის ცნობადობაზე“, - ამბობს ნინა გაჩეჩილაძე.

ირკვევა, რომ  Inn Hospitality-ს გუნდმა არაერთი შემეცნებითი და საიმიჯო ვიდეორგოლი მოამზადა, რომელიც უძველეს სამცხე-ჯავახეთზე მოგვითხრობს.

„კამპანიაში ჩართულები იყვნენ ადგილობრივი ისტორიკოსები, რომლებმაც უამრავი საინტერესო და აქამდე უცნობი ისტორია გაგვიზიარეს. აღნიშნულმა კამპანიამ დიდი ინტერესით ჩართო შიდა ბაზარი და მნიშვნელოვნად გაზარდა რეგიონით დაინტერესებულების რიცხვი.

მოთხოვნის ზრდის პარალელურად, აქტიურად განვაგრძეთ ტურების ორგანიზება ახალციხესა და მის შემოგარენში. შევიმუშავეთ სპეციალური ტარიფები, რათა სხვადასხვა ასაკის ადამიანისთვის მოგზაურობა და რეგიონის ისტორიის გაცნობა მეტად ხელმისაწვდომი გამხდარიყო.

რაც შეეხება მომავალ სეზონებს — ჩვენი სტრატეგიაა, თადარიგი დავიჭიროთ წინასწარ და მაქსიმალურად უზრუნველვყოთ, რომ სასტუმრო Akhaltsikhe Inn ხშირად მოხვდეს ტურისტული მარშრუტების ფარგლებში როგორც შიდა, ისე საერთაშორისო ტურ-ოპერატორებისთვის“, - აცხადებს გაჩეჩილაძე.