საჰაერო სატვირთო გადაზიდვების ბაზარზე ზრდა შეინიშნება - Camex Airlines
საჰაერო სატვირთო გადაზიდვების ბაზარზე ზრდა შეინიშნება, - ამის შესახებ Business Insider Georgia-სთან ქართული სატვირთო ავიაკომპანია Camex Airlines-ის ხელმძღვანელმა გიორგი სეთურიძემ განაცხადა. მისი განმარტებით, მიუხედავად იმისა, რომ ბაზარზე ზრდაა, პატარა ტრეიდერებისთვის ჯერჯერობით ხელსაყრელი პირობები არ დამდგარა.
„თუმცა, რაც შეეხება თვითმფრინავის ტიპებს ჩვენი საჰაერო ხომალდებისთვის, ანუ მცირე ზომის ტრეიდერებისთვის ჯერჯერობით ხელსაყრელი პირობები არ არის შექმნილი, მაგრამ აქტიურად ვმუშაობთ იმისათვის, გარკვეულ მარშრუტებზე მოვახდინოთ ოპერირება. ამ ეტაპზე ვმუშაობთ ახლო აღმოსავლეთსა და სამხრეთ-აღმოსავლეთ აზიაში. თუმცა ხანდახან ევროპაშიც გვაქვს საჰაერო გადაზიდვები“, - აცხადებს სეთირურიძე.
რაც შეეხება ავიაკომპანიის გეგმებს, დაახლოებით 2 თვეში გადაწყდება მოხდება თუ არა ავიაპარკის ზრდა.
„ჯერჯერობით ვაკვირდებით ბაზრის განვითარებას და ამის მიხედვით მივიღებთ გადაწყვეტილებას ავიაპარკის ზრდაზე. ამ ეტაპზე კონკრეტული გადაწყვეტილება არ გვაქვს მიღებული, რადგანაც გვინდა რომ ყველაფერი სწორი გათვლების შედეგად იყოს მიღებული. სადღაც 2 თვეში უკვე გვეცოდინება რას ვგეგმავთ“, - აღნიშნა Camex Airlines-ის ხელმძღვანელმა.
აღსანიშნავია, რომ ავიაკომპანია ბორტის სველი ლიზინგით გაცემასაც განუხილავს, რაზეც მოლაპარაკებები Camex Airlines-ს უკვე რამდენიმე ავიაკომპანიასთან აქვს.
ქართული სატვირთო ავიაკომპანია Camex Airlines-ი ამ დროისათვის სამი საჰაერო ხომალდით ოპერირებს.
შეგახსენებთ, რომ 2022 წელს Camex Airlines-მა ევროკავშირის საავიაციო უსაფრთხოების ვალიდაცია წარმატებით გაიარა და შეუძლია ევროკავშირის წევრი ქვეყნების აეროპორტებში ტვირთებისა და ფოსტის მიწოდება უზრუნველყოს.
სხვა სიახლეები
2026 წლის III კვარტალში საქართველოს აეროპორტები 3 მილიონ მგზავრს მოემსახურა, რაც 6.1%-ით მეტია წინა წლის შესაბამისი პერიოდის მაჩვენებელზე | საქსტატი
19.11.2026.11:50
2026 წლის III კვარტალში საქართველოს აეროპორტები 3.0 მილიონ მგზავრს მოემსახურა1, რაც 6.1 პროცენტით მეტია წინა წლის შესაბამისი პერიოდის მაჩვენებელზე — აეროპორტებიდან გაემგზავრა 1.5 მილიონი მგზავრი (6.0 პროცენტით მეტი), ხოლო აეროპორტებმა მიიღო 1.5 მილიონი მგზავრი (6.2 პროცენტით მეტი).
2026 წლის III კვარტალში საქართველოს აეროპორტებში მგზავრთა ნაკადის 94.0 პროცენტი რეგულარულ ფრენებზე მოდიოდა.
2026 წლის III კვარტალში საქართველოს აეროპორტებში ტვირთისა და ფოსტის ნაკადის მოცულობამ 12.3 ათასი ტონა შეადგინა, საიდანაც 88.2 პროცენტი მიღებული ტვირთი და ფოსტა იყო, ხოლო 11.8 პროცენტი — გაგზავნილი.
2026 წლის III კვარტალში საქართველოს აეროპორტებში 0.8 ათასი სატვირთო რეისი განხორციელდა, რაც 9.2 პროცენტით ნაკლებია წინა წლის შესაბამის მაჩვენებელზე.
2026 წლის III კვარტალში საქართველოს საჰაერო ტრანსპორტით გადაყვანილია 211.5 ათასი მგზავრი და გადატანილია 25.9 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 14.4 პროცენტით ნაკლებია გასული წლის შესაბამისი პერიოდის მაჩვენებელზე, ხოლო გადატანილი ტვირთის მოცულობა 26.0 პროცენტით ნაკლებია გასული წლის შესაბამისი პერიოდის მაჩვენებელზე.