საქართველოს სახელი ალპების მთებში - Freeride World Tour: Georgia Pro 2026 ავსტრიაში ჩატარდება
ეკონომიკისა და მდგრადი განვითარების სამინისტროს „მთის ტრასების სააგენტოს“ (MTA) ჩართულობითა და ფრირაიდის მსოფლიო ტურის გადაწყვეტილებით, ავსტრიის მთებში საქართველოს სახელით შეჯიბრება გაიმართება. ტურის დამფუძნებლებმა მიიღეს გადაწყვეტილება, რომ Georgia Pro 2026, მხოლოდ მიმდინარე სეზონზე, ავსტრიაში, კერძოდ კიუჰტაი-ინსბრუკში ჩატარდეს.
შეჯიბრება 26 ან 27 თებერვალს არის დაგეგმილი, ზუსტი თარიღი კი საბოლოოდ მთის პირობების მიხედვით დადასტურდება. რაიდერებს კვლავ ექნებათ შესაძლებლობა იბრძოლონ იმ ქულებისთვის, რომლებიც თავდაპირველად საქართველოში, სვანეთში უნდა მოეპოვებინათ.
საქართველოში, თეთნულდის მთაზე გასამართი შეჯიბრება, ოფიციალური დელეგატებისა და მთის უსაფრთხოების საერთაშორისო ექსპერტების რეკომენდაციის საფუძველზე, არასტაბილური თოვლის საფარის გამო გაუქმდა. შეფასების შედეგად დადგინდა, რომ განსაზღვრულ პერიოდში არსებული ბუნებრივი პირობები არ იძლეოდა ღონისძიების უსაფრთხოდ ჩატარების სრულ გარანტიას. ,,ემ თი ეი"-სა და FWT-ისთვის მთავარი პრიორიტეტი მაღალი სტანდარტების დაცვა და მონაწილეთა უსაფრთხოებაა.
უამინდობის ან არასტაბილური თოვლის საფარის გამო ფრირაიდის მსოფლიო ტურის შეჯიბრებების გადადება ან გაუქმება საერთაშორისო პრაქტიკაში იშვიათი არ არის. მსგავსი შემთხვევები დაფიქსირდა საფრანგეთში, შვეიცარიაში, ესპანეთსა და სხვა ქვეყნებში. მიუხედავად არსებული ვითარებისა, ფრირაიდის მსოფლიო ტური საქართველოს მომავალ სეზონზე კვლავ დაუბრუნდება. ღონისძიება 2027 წლის ზამთარში ისევ სვანეთში გაიმართება.
საქართველო უკვე მესამე წელია ფრირაიდის მსოფლიო ტურის ოფიციალურ კალენდარშია წარმოდგენილი და იმ ექვს წამყვან ქვეყანას შორის შედის, რომლებსაც ტურის ჩატარების ექსკლუზიური უფლება აქვთ: საფრანგეთი, ესპანეთი, შვეიცარია, ავსტრია, აშშ და საქართველო.
საქართველომ ფრირაიდის მსოფლიო ტურის ეტაპს პირველად 2024 წელს უმასპინძლა. ტურის დამფუძნებლების შეფასებით, ღონისძიება არამხოლოდ წარმატებული, არამედ ფრირაიდის ისტორიაში ერთ-ერთ საუკეთესო შეჯიბრებად დასახელდა. სვანეთი საერთაშორისო ფრირაიდის რუკაზე ახალი მიმართულება გახდა, ხოლო კურორტი თეთნულდი ფრირაიდის მოყვარულთათვის პოზიციონირდა, როგორც ახალი აღმოჩენის ადგილი.
ფრირაიდი ზამთრის სპორტის განსაკუთრებული სახეობაა, რომელიც რთულ, მაღალმთიან რელიეფზე, გაუკვალავ თოვლში სრიალს გულისხმობს და ერთ-ერთ ყველაზე ექსტრემალურ და სანახაობრივ სპორტად ითვლება.
დღის ტოპ 10 სიახლე
სხვა სიახლეები
აჭარის პოპულარიზაცია პოპულარულ ტურისტულ პლატფორმაზე Toncheng Travel იგეგმება
29.04.2026.12:08
ჩინეთის წამყვან ონლაინ ტურისტული პლატფორმაზე ,,Toncheng Travel’’ აჭარის ტურისტული პროდუქტების პოპულარიზაცია იგეგმება. მასშტაბური ციფრული პლატფორმა, რომელიც რამდენიმე მილიონიან აუდიტორიას მოგზაურობასთან დაკავშირებულ სრულ სერვისებს სთავაზობს, აჭარის მრავალფეროვანი ტურისტული პროდუქტების შესახებ მიაწვდის ინფორმაციას. გვერდის მარკეტინგის ხელმძღვანელმა აჭარაში მიმდინარე კვირას იმოგზაურა და თავად გამოსცადა ის ტურისტული პროდუქტები და სერვისები, რასაც აჭარა საერთაშორისო მოგზაურებს სთავაზობს.
Tongcheng Travel წარმოდგენილია სხვადასხვა სოციალურ პლატფორმასა და ციფრულ პორტალებზე. განსაკუთრებით აღსანიშნავია WeChat-ის მინიპროგრამა, რომელიც ყოველთვიურად დაახლოებით 280 მილიონ აქტიურ მომხმარებელს აერთიანებს, ასევე Weibo, სადაც კომპანიის გვერდს დაახლოებით 180,000 გამომწერი ჰყავს. აღნიშნულ პლატფორმებზე კონტენტის საერთო ჩართულობა (გაზიარებები, მოწონებები და კომენტარები) დაახლოებით 1.5 მილიონს აღწევს, რაც უზრუნველყოფს მასალების მაღალ ხილვადობასა და მომხმარებელთან ეფექტურ კომუნიკაციას. ტურის ფარგლებში შექმნილი სარეკლამო მასალის გამოყენება Toncheng travel-ის სოციალური არხების მეშვეობით იგეგმება, რაც აჭარის რეგიონის, როგორც მიმზიდველი ტურისტული მიმართულების პოპულარიზაციასა და ცნობადობის გაზრდას შეუწყობს ხელს.
მიმდინარე წლის მარტიდან, პოპულარულ ჩინურ პლატფორმებზე Douyin, Red Note და Weibo ასევე მიმდინარეობს აჭარის 9 თვიანი სარეკლამო კამპანია. კამპანიის ფარგლებში, აღნიშნულ გვერდებზე შეიქმნა ბათუმის საპრომოციო გვერდი Visit Batumi, რომლის მეშვეობით გვერდის მომხმარებლებს აჭარის და ზოგადად, საქართველოს ტურისტული პროდუქტების შესახებ მიეწოდებათ ინფორმაცია. კამპანიის ფარგლებში, ჩინური გვერდების მილიონობით მომხმარებელი ეცნობა აჭარის სამთო-სათავგადასავლო, ეკოტურისტულ და საზღვაო ტურისტულ ადგილებს და წარმოდგენას იქმნის ბათუმის, როგორც ოთხივე სეზონზე მიმზდველი ახალი ტურისტული მიმართულების შესახებ. აჭარის ტურიზმის დეპარტამენტი რეგიონს წელს შანხაის საერთაშორისო ტურისტულ გამოფენაზეც წარადგენს, რომელზეც საქართველო ITB CHINA 2026-ს პარტნიორი ქვეყნის სტატუსით იქნება წარმოდგენილი.
2026 წლის პირველ კვარტალში ტურიზმიდან შემოსავლები გაიზარდა და $829.8 მილიონი შეადგინა - ტურიზმის ადმინისტრაცია
21.04.2026.13:14
2026 წლის I კვარტალში ევროკავშირიდან მოგზაურობით მიღებული შემოსავლები 36.4%-ით გაიზარდა - სტატისტიკა
21.04.2026.12:12
