მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7193.6
0.0062
flag
AZN 1.5246
-0.0008
flag
CNY 38.893
0
flag
EUR 2.8547
0.01
flag
GBP 3.4159
0
flag
KZT 57.61
-0.0068
flag
TRY 0.0514
0
flag
USD 2.5933
0.0006
news banner

საქართველოს ტურისტულ პოტენციალს უტრეხტის საერთაშორისო გამოფენაზე ეცნობიან

news image
mbc image

საქართველოს ტურიზმის ეროვნული ადმინისტრაცია ნიდერლანდებში, უტრეხტრში საერთაშორისო ტურისტულ გამოფენაში „Vakantiebeurs 2026“ მონაწილეობს.
ევროპაში ერთ-ერთ ყველაზე მასშტაბურ და ბენილუქსის ქვეყნებში უდიდეს ტურისტულ გამოფენაზე ტურიზმის ეროვნული ადმინისტრაცია აჭარის ტურიზმისა და კურორტების დეპარტამენთან და 10-მდე კერძო კომპანიასთან ერთად ეროვნული სტენდით წარდგა.
გამოფენის ფარგლებში, ტურიზმის ეროვნული ადმინისტრაციის ხელმძღვანელი მაია ომიაძე შეხვედრებს ატარებს წამყვანი PR კომპანიების, მსხვილი პლატფორმებისა და ავიაკომპანიების წარმომადგენლებთან ბენილუქსის ქვეყნებში საქართველოს პოპულარიზაციისა და ცნობადობის გაზრდის მიზნით.
“ჩვენ ვიმყოფებით ნიდერლანდების ქალაქ უტრეხტში, სადაც ძალიან პოპულარულ ტურისტულ გამოფენაზე ჩვენთან ერთად მონაწილეობს 10-მდე ტურისტული კომპანია საქართველოდან. იცით რომ აღნიშნული ბაზარი ჩვენთვის ძალიან მნიშვნელოვანია, პირდაპირი ფრენებიდან გამომდინარე. გამოფენის პარალელურად ტარდება დატებითი ღონისძიებები, სადაც B2B შეხვედრები ტარდება, რის ფარგლებშიც ქართულ კომპანიებს შესაძლებლობა აქვთ ბიზნეს შეხვედრები გამართონ და პარტნიორები შეიძინონ. ნიდერლანდები,ევროკავშირის ფარგლებში, ჩვენთვის ერთერთი მნიშნელოვანი სამიზნე ბაზარია. ჩვენ ჩავატარებთ დამატებით აქტივობებს, როუდშოებს, რითაც ბევრად მეტ ნიდერლანდელ ტურისტს მოვიწვევთ საქართველოში“.-განაცხადა მაია ომიაძემ.
უტრეხტში საერთაშორისო ტურისტულ გამოფენას დაესწრო ნიდერლანდების სამეფოში საქართველოს ელჩი ბაჩო საგანელიძე.
გამოფენაზე საქართველოს სტენდთან ქვეყნის ტურისტული პოტენციალის შესახებ პრეზენტაციები, ვიდეო რგოლების ჩვენება მიმდინარეობს. ვიზიტორები ეცნობიან საქართველოს ზამთრის კურორტებს, სხვადასხვა ტურისტულ პროდუქტსა და მარშრუტს.
“Vakantiebeurs 2026“-ის ოთხდღიან გამოფენას 72 ათასზე მეტი ვიზიტორი ეწვია, გამოფენაზე მსოფლიოს 118 ქვეყნიდან 750-ზე მეტი კომპანია და ორგანიზაციაა წარმოდგენილი.
„Vakantiebeurs 2026“ გამოფენის პარალელურად, ტურიზმის ეროვნული ადმინისტრაცია კერძო სექტორთან ერთად მონაწილეობს Travel trade days 2026-ში. B2B ღონისძიების ფარგლებში, ქართული კერძო სექტორის წარმომადგენლებს საშუალება აქვთ შეხვდნენ საერთაშორისო ტურისტული კომპანიების წარმომადგენლებს, სერვისის მიმწოდებლებსა და ე.წ. „ბაიერებს“. შეხვედრებზე საქართველოში ტურისტული ჯგუფების გაგზავნის, ტურების დაგეგმვისა და ღონისძიებების ჩატარების საკითხები განიხილეს.
საქართველოსა და ნიდერლანდებს შორის პირდაპირი ავიარეისები სრულდება, რაც ხელს უწყობს ტურისტული ნაკადის გაზრდას ბენილუქსის ქვეყნებიდან.
თბილისსა და ამსტერდამს შორის კვირაში 5 სიხშირით დაფრინავენ Georgian Airways და Transavia.

banner image news banner
გვანცა მახარაძე ავტორი
LIVE
news banner

დღის ტოპ 10 სიახლე











სხვა სიახლეები

ტურიზმი
image 2026 წლის III კვარტალში საქართველოს აეროპორტები 3 მილიონ მგზავრს მოემსახურა, რაც 6.1%-ით მეტია წინა წლის შესაბამისი პერიოდის მაჩვენებელზე | საქსტატი

19.11.2026.11:50

2026 წლის III კვარტალში საქართველოს აეროპორტები 3.0 მილიონ მგზავრს მოემსახურა1, რაც 6.1 პროცენტით მეტია წინა წლის შესაბამისი პერიოდის მაჩვენებელზე — აეროპორტებიდან გაემგზავრა 1.5 მილიონი მგზავრი (6.0 პროცენტით მეტი), ხოლო აეროპორტებმა მიიღო 1.5 მილიონი მგზავრი (6.2 პროცენტით მეტი).

2026 წლის III კვარტალში საქართველოს აეროპორტებში მგზავრთა ნაკადის 94.0 პროცენტი რეგულარულ ფრენებზე მოდიოდა.

2026 წლის III კვარტალში საქართველოს აეროპორტებში ტვირთისა და ფოსტის ნაკადის მოცულობამ 12.3 ათასი ტონა შეადგინა, საიდანაც 88.2 პროცენტი მიღებული ტვირთი და ფოსტა იყო, ხოლო 11.8 პროცენტი — გაგზავნილი.

2026 წლის III კვარტალში საქართველოს აეროპორტებში 0.8 ათასი სატვირთო რეისი განხორციელდა, რაც 9.2 პროცენტით ნაკლებია წინა წლის შესაბამის მაჩვენებელზე.

2026 წლის III კვარტალში საქართველოს საჰაერო ტრანსპორტით გადაყვანილია 211.5 ათასი მგზავრი და გადატანილია 25.9 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 14.4 პროცენტით ნაკლებია გასული წლის შესაბამისი პერიოდის მაჩვენებელზე, ხოლო გადატანილი ტვირთის მოცულობა 26.0 პროცენტით ნაკლებია გასული წლის შესაბამისი პერიოდის მაჩვენებელზე.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა