სხვა დიდ ევროპულ, წარმატებულ კურორტებთან შედარებით, ჩვენ ერთ-ერთი ყველაზე მაგარი ციფრული პლატფორმა გვექნება | ლევან დარსალია

ტურიზმი

სხვა დიდ ევროპულ, წარმატებულ კურორტებთან შედარებით, ჩვენ ერთ-ერთი ყველაზე მაგარი ციფრული პლატფორმა გვექნება | ლევან დარსალია

10.11.2026.14:18

სხვა დიდ ევროპულ, წარმატებულ კურორტებთან შედარებით, ჩვენ ერთ-ერთი ყველაზე მაგარი ციფრული პლატფორმა გვექნება, - ამის შესახებ მთის ტრასების სააგენტოს დირექტორის მოვალეობის შემსრულებელმა, ლევან დარსალიამ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„პირველ რიგში, სრული პასუხისმგებლობით შემიძლია ვთქვა, რომ სხვა დიდ ევროპულ წარმატებულ კურორტებთან შედარებით, ჩვენ ერთ-ერთი ყველაზე მაგარი ციფრული პლატფორმა გვექნება.

ასევე მინდა ვთქვა, რომ მალე მობილურ აპლიკაციასაც დავაწევთ, დაახლოებით სეზონის დასაწყისში ან სეზონის შუისკენ. აქტიურად მიმდინარეობს ამ აპლიკაციაზეც მუშაობა.

ჩვენი ახალი ვებსაიტი საშუალებას მისცემს მომხმარებელს, არამხოლოდ შეიძინოს ონლაინ Skipass-ები, არამედ ონლაინ სკიპასების როგორც შეძენა, ასევე პასების შევსება შეეძლებათ ჩვენი ონლაინ გაყიდვების პლატფორმის მეშვეობით.

ამასთან ერთად, შესაძლებლობა ექნებათ, მიიღონ ამომწურავი ინფორმაცია თვითონ მთის შესახებ, ტრასების შესახებ, საბაგიროების შესახებ, რომელი ღიაა, რომელი დაკეტილია, რა ამინდია, როგორია ამინდის პროგნოზი, რა ივენთები ჩატარდება და ამომწურავად მიიღონ ეს ინფორმაცია როგორც თხრობით ნაწილში, ასევე ინტერაქციული რუკებით“, - აცხადებს ლევან დარსალია.

გუდაურში ექსკლუზიურად დამონტაჟდება მსოფლიოში გამოშვებული 25 ოქროს გათოვლიანების თოფიდან ერთ-ერთი | ლევან დარსალია 10.11.2026.14:01

გუდაურში მოხდება ძალიან ბევრი ინფრასტრუქტურული პროექტის განხორციელება - მთის ტრასების სააგენტოს დირექტორის მოვალეობის შემსრულებელი 10.11.2026.13:45

2026 წლის პირველი 9 თვის მონაცემები ტურიზმის სექტორისთვის საკმაოდ დადებითი ტენდენციით გამოირჩევა - ნატა კვაჭანტირაძე 10.11.2026.13:02