ცნობილი TikTok ინფლუენსერები ყაზახეთიდან და უზბეკეთიდან აჭარაში მოგზაურობენ
ყაზახი და უზბეკი ინფლუენსერები აჭარაში მოგზაურობენ. ისინი რეგიონის სამთო-საზღვაო ტურისტულ პროდუქტებსა და სერვისებს მილიონობით გამომწერს აცნობენ. ინფლუენსერები უკვე სტუმრობდნენ ბათუმის ძირითად ტურისტულ ღირსშესანიშნაობებს, ძველ ბათუმს, ბულვარს, ბოტანიკურ ბაღს, პეტრას ციხესა და მთიან აჭარას. საზღვაო აქტივობებში მონაწილეობის შემდეგ მედიატურის მონაწილეებმა აჭარული ხაჭაპურის მასტერკლასშიც მიიღეს მონაწილეობა და ადგილობრივი კერძები დააგემოვნეს. ტურის მონაწილეებს შორის არიან ცნობილი TikTok ინფლუენსერები ყაზახეთიდან, რომელთა მიერ აჭარის შესახებ გამოქვეყნებულ კონტენტს სოციალურ ქსელებში უკვე მილიონობით ნახვა აქვს. ისინი რეგიონს აჭარის ტურიზმის დეპარტამენტის ორგანიზებით სტუმრობენ.
აჭარის ტურიზმისა და კურორტების დეპარტამენტი წლის განმავლობაში 25 - მდე სამიზნე ქვეყანაში აწარმოებს აჭარის ტურისტული შესაძლებლობების პოპულარიზაციას. მათ შორისაა პოლონეთი, გერმანია, ესპანეთი, იტალია, ყაზახეთი, საბერძნეთი, ინდოეთი, ჩინეთი, ავსტრია, სამხრეთ კორეა, დიდი ბრიტანეთი, ისრაელი, ჰოლანდია და უნგრეთი. უწყების ორგანიზებით რეგიონს უკვე სტუმრობდნენ ინფლუენსერები ესპანეთიდან, იტალიიდან, პოლონეთიდან, საბერძნეთიდან და გერმანიიდან. წლის ბოლომდე რეგიონში უცხოელი ინფლუენსერებისა და ჟურნალისტების მოწვევა აქტიურად გაგრძელდება.
დღის ტოპ 10 სიახლე
სხვა სიახლეები
დარწმუნებულები ვართ და მოლოდინი გვაქვს, რომ ტურიზმის სექტორში არსებული ტენდენციები შემოსავლებშიც აისახება და მთლიანობაში მესამე კვარტლის მონაცემები ძალიან პოზიტიურ დინამიკას აჩვენებს - მაია ომიაძე
05.10.2026.15:57
„ზაფხულის ტურისტული სეზონი საქართველოში ძალიან წარმატებული იყო. რა თქმა უნდა, გეოგრაფია გაშლილი იყო მთელ საქართველოზე და მესამე კვარტლის მონაცემები ძალიან პოზიტიური მოლოდინების შესაძლებლობას იძლევა“, - განაცხადა ტურიზმის ეროვნული ადმინისტრაციის ხელმძღვანელმა მაია ომიაძემ.
ზაფხულის ტურისტული სეზონის შედეგების შეჯამებისას მაია ომიაძემ ხაზგასმით აღნიშნა, რომ წარმატებულ სეზონში მნიშვნელოვანი დადებითი წვლილი შეიტანა როგორც საერთაშორისო მოგზაურების რაოდენობამ, ასევე ფრენების ოდენობამ, რომელმაც საკმაოდ მაღალ ნიშნულს მიაღწია.
ტურიზმის ეროვნული ადმინისტრაციის ხელმძღვანელის პროგნოზით, ტურიზმის სექტორში არსებული დადებითი ტენდენციები შესაბამისად, შემოსავლებში აისახება.
„დარწმუნებულები ვართ და მოლოდინი გვაქვს, რომ ეს ყველაფერი შემოსავლებშიც აისახება და მთლიანობაში მესამე კვარტლის მონაცემები ძალიან პოზიტიურ დინამიკას აჩვენებს“- აღნიშნა მაია ომიაძემ.
Galt & Taggart-ი თვის განახლებული ეკონომიკური მიმოხილვის თანახმად, ტურიზმიდან მიღებული შემოსავლები 2026 წლის აგვისტოში წლიურად 8.8%-ით გაიზარდა და 695 მლნ აშშ დოლარი შეადგინა.
ჩვენი შეფასებით, ტურიზმიდან მიღებული შემოსავლები 2026 წლის აგვისტოში წლიურად 8.8%-ით გაიზარდა და $695 მილიონი შეადგინა - Galt & Taggart
05.10.2026.08:10
2026 წლის განმავლობაში მონეტარული პოლიტიკის განაკვეთის 25 საბაზისო პუნქტით ზრდის შესაძლებლობას არ გამოვრიცხავთ - Galt & Taggart
04.10.2026.08:20
თურქეთის რესპუბლიკის საგანგებო და სრულუფლებიანი ელჩი საქართველოში თბილისის საერთაშორისო აეროპორტს ესტუმრა
30.09.2026.19:34
Wizz Air-ის ბაზას საქართველოს საავიაციო ბაზრის განვითარებაში განსაკუთრებული წვლილი შეაქვს - ლევან მოსეშვილი
29.09.2026.22:27
