Wizz Air 20 წლის იუბილეს 20%-იანი ფასდაკლებით აღნიშნავს
Wizz Air 20 წლის იუბილეს 20%-იანი ფასდაკლებით აღნიშნავს. ფასდაკლება შეეხება ავიაკომპანიის ყველა რეისს.
როგორც ავიაკომპანიის მიერ გავრცელებულ ინფორმაციაშია აღნიშნული, 20-წლიანი რეალური კავშირების აღსანიშნავად გთავაზობთ 20%-იან ფასდაკლებას ყველა ფრენაზე.
„მოგზაურობის თარიღებზე შეზღუდვები არ არის, ასე რომ, შეგიძლიათ დაგეგმოთ თქვენი მოგზაურობები თქვენთვის შესაფერის დროს“, - აცხადებენ ავიაკომპანიაში.
აღსანიშნავია, რომ უკვე ორი ათწლეულია, რაც Wizz Air-ის პირველი ფრენა კატოვიცედან ლონდონის ლუტონის აეროპორტში შესრულდა და მას შემდეგ ავიაკომპანიამ თითქმის 400 მილიონი მგზავრი გადაიყვანა.
საიუბილეო პრომოაქცია WIZZ20 წარმოადგენს აქციების სერიას, რომლის ფარგლებშიც გთავაზობთ სხვადასხვა შეთავაზებას ყოველდღე 2024 წლის 30 აპრილიდან 22 მაისის ჩათვლით.
პრომოაქცია მოქმედებს 2024 წლის 22 მაისის 00:00 საათიდან 23:59 საათამდე, ცენტრალური ევროპის ზაფხულის დროით, CEST („პრომოაქციის მოქმედების პერიოდი“). 20%-იანი ფასდაკლება ვრცელდება ტარიფზე და არ მოიცავს ადმინისტრაციულ მოსაკრებელს.
20%-იანი ფასდაკლება ვრცელდება ყველა რეისსა და მიმართულებაზე, რომლებიც ხელმისაწვდომია wizzair.com-სა და WIZZ მობილურ აპში პრომოაქციის მოქმედების პერიოდში. მგზავრობის პერიოდი შეუზღუდავია.
პრომოაქცია ვრცელდება მხოლოდ იმ ჯავშნებზე, რომლებიც გაფორმდება wizzair.com-ზე ან WIZZ მობილურ აპში. პრომოაქცია არ ვრცელდება ჯგუფურ ჯავშნებზე. არ შედის სპეციალური ტარიფის ფრენები ევროპის ჩემპიონატისთვის.
სხვა სიახლეები
2026 წლის III კვარტალში საქართველოს აეროპორტები 3 მილიონ მგზავრს მოემსახურა, რაც 6.1%-ით მეტია წინა წლის შესაბამისი პერიოდის მაჩვენებელზე | საქსტატი
19.11.2026.11:50
2026 წლის III კვარტალში საქართველოს აეროპორტები 3.0 მილიონ მგზავრს მოემსახურა1, რაც 6.1 პროცენტით მეტია წინა წლის შესაბამისი პერიოდის მაჩვენებელზე — აეროპორტებიდან გაემგზავრა 1.5 მილიონი მგზავრი (6.0 პროცენტით მეტი), ხოლო აეროპორტებმა მიიღო 1.5 მილიონი მგზავრი (6.2 პროცენტით მეტი).
2026 წლის III კვარტალში საქართველოს აეროპორტებში მგზავრთა ნაკადის 94.0 პროცენტი რეგულარულ ფრენებზე მოდიოდა.
2026 წლის III კვარტალში საქართველოს აეროპორტებში ტვირთისა და ფოსტის ნაკადის მოცულობამ 12.3 ათასი ტონა შეადგინა, საიდანაც 88.2 პროცენტი მიღებული ტვირთი და ფოსტა იყო, ხოლო 11.8 პროცენტი — გაგზავნილი.
2026 წლის III კვარტალში საქართველოს აეროპორტებში 0.8 ათასი სატვირთო რეისი განხორციელდა, რაც 9.2 პროცენტით ნაკლებია წინა წლის შესაბამის მაჩვენებელზე.
2026 წლის III კვარტალში საქართველოს საჰაერო ტრანსპორტით გადაყვანილია 211.5 ათასი მგზავრი და გადატანილია 25.9 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 14.4 პროცენტით ნაკლებია გასული წლის შესაბამისი პერიოდის მაჩვენებელზე, ხოლო გადატანილი ტვირთის მოცულობა 26.0 პროცენტით ნაკლებია გასული წლის შესაბამისი პერიოდის მაჩვენებელზე.