ზაფხულის ტურისტული სეზონი ძალიან კარგად დაიწყო - ირაკლი ჭიღლაძე
ზაფხულის ტურისტულ სეზონზე სასტუმროების დატვირთვა გაიზარდა. სასტუმროების მენეჯმენტ კომპანია KA Group-ის დამფუძნებლის, ირაკლი ჭიღრაძის თქმით, გასულ წელთან შედარებით ჯავშნების რაოდენობა მნიშვნელოვნად გაიზარდა როგორც დედაქალაქში, ასევე რეგიონებში.
“თბილისში ზაფხულის ტურისტული სეზონი ძალიან კარგად დაიწყო. წინა წელთან შედარებით 20%-იანი ზრდა გვაქვს. ძირითადი ქვეყნები, საიდანაც ჯავშნებს ვიღებთ, არიან: ჩინეთი, ინდოეთი, ყაზახეთი, უზბეკეთი და ევროპის ქვეყნები. ევროპის ქვეყნებიდან ყველაზე ფართოდ პოლონეთია წარმოდგენილი, რომელსაც იტალია, საფრანგეთი და გერმანია მოსდევს”.
ირაკლი ჭიღრაძის ინფორმაციით, ბოლო პერიოდში ყურის ქვეყნებიდან მოიმატა ჯავშნებმა და მიმდინარეობს მოლაპარაკებები მსხვილ ტუროპერატორებთან ჩარტერული ფრენების დანიშვნასთან დაკავშირებით.
„ზოგადად, ყველა რეგიონის ბიუჯეტის შესრულების მიმართულებით რომ შევაჯამოთ, თბილისს, ახალციხეს, წყალტუბოსა და ყაზბეგს ექნება განსაკუთრებით ძალიან კარგი სეზონი. ვგულისხმობ იმას, რომ გასულ წელთან შედარებით 20-25%-იანი ზრდა გვექნება. რაც შეეხება გუდაურს, ბაკურიანსა და გორს, ვფიქრობ, 7-დან 9%-მდე ზრდას შევძლებთ 2025 წლის ანალოგიურ პერიოდთან შედარებით“, - განაცხადა ირაკლი ჭიღრაძემ.
დღის ტოპ 10 სიახლე
სხვა სიახლეები
Air Canada სექტემბერ-ოქტომბერში რეკორდულ შემოსავალს ელის
20.08.2026.17:00
Air Canada-ს სექტემბრისა და ოქტომბრის შემოსავალი, სავარაუდოდ, ამ ორი თვისთვის რეკორდულ მაჩვენებელს მიაღწევს, რადგან პრემიუმ კატეგორიის სულ უფრო მეტი მგზავრი ევროპასა და იაპონიაში ზაფხულის სიცხესა და ტურისტების სიმრავლეს გაურბის, - აცხადებს კომპანია.
ჩრდილოეთ ამერიკის მსხვილი ავიაკომპანიები ბოლო წლებში საკუთარ ბიზნესს სულ უფრო მეტად აფუძნებენ პრემიუმ კატეგორიის მგზავრებზე, კორპორაციულ კლიენტებსა და ლოიალობის პროგრამების წევრებზე, რადგან მათი შეფასებით, ტარიფების ზრდის შემთხვევაში ეს მომხმარებლები ხარჯების შემცირებას ნაკლებად მიმართავენ.
შემოდგომაზე საქმიანი მოგზაურობის მოთხოვნის ზრდა, პრემიუმ კატეგორიის დასასვენებელი მოგზაურების სამოგზაურო ჩვევების ცვლილებასთან ერთად, ავიაკომპანიების ხელმძღვანელების მოლოდინებს ზრდის იმ სეზონებთან დაკავშირებით, რომლებიც აქამდე ივლისისა და აგვისტოს მსგავსი პიკური სამოგზაურო თვეებისგან შედარებით ნაკლებად დატვირთულად მიიჩნეოდა.
აჭარაში არარეზიდენტების უნაღდო დანახარჯები სასტუმროებში წლურად 71%-ით, ხოლო რესტორნებში უნაღდო დანახარჯები 6%-ით გაიზარდა - TBC Capital
17.08.2026.19:00
მსოფლიო დონის გასტრონომიული ექსპერტები და გავლენიანი ჟურნალისტები საქართველოს ტურისტულ პოტენციალს გაეცნენ
13.08.2026.16:24
ჩვენი შეფასებით, 2026 წლის ივლისში ტურიზმიდან მიღებული შემოსავლები წლიურად 7.1%-ით გაიზარდა 590 მლნ აშშ დოლარამდე - Galt & Taggart
10.08.2026.15:55
ყაზახურ მედიაში საქართველოს ტურიზმის ეროვნული ადმინისტრაციის მარკეტინგული კამპანიის ფარგლებში სტატიები მომზადდა
07.08.2026.11:16
ზამთრის სეზონისთვის გუდაურში დაგეგმილი ინფრასტრუქტურული პროექტები ხელს შეუწყობს გუდაურის ტურისტული პოტენციალის გაზრდას - ლევან დარსალია
06.08.2026.11:56
გავლენიანი ბრიტანული გამოცემა „ტელეგრაფი“ საქართველოს ტურისტული პოტენციალის შესახებ სტატიების ციკლს აქვეყნებს
05.08.2026.11:28
