ლოგისტიკური შესაძლებლობები – ჩინეთიდან იმპორტისა და ტრანზიტის შემთხვევაში
ჩინეთთან თანამშრომლობის პერსპექტივები საქართველოსთვის მზარდი და ამავდროულად სტრატეგიულად მნიშვნელოვანია გადაზიდვების სექტორში.აღსანიშნავია,რომ საქართველოს სტატისტიკის ეროვნული სამსახურის 2024 წლის მონაცემებით უმსხვილეს პარტნიორების ათეულში ჩინეთი მეოთხე ადგილს (1 767 104.8 მლნ. დოლარით) იკავებს.
კომპანია Kairos Logistics უკვე 12 წელზე მეტია საერთაშორისო გადაზიდვების მიმართულებით თანამშრომლობს ქვეყნის უმსხივლეს იმპორტიორებთან და ჩინეთიდან საქართველოში იმპორტის შემთხვევაში მომხმარებელს სრულ ლოგისტიკურ სერვისს სთავაზობს,რაც მოიცავს: იმპორტის დაგეგმვას, სრული და ნაკრები ტვირთის ტრანსპორტირებას დასაწყობებას,საბროკერო მომსახურებას და რა თქმა უნდა სრული პროცესის დაზღვევას კომპანია “ალდაგთან” მრავალწლიანი თანამშრომლობით.
პირველ რიგში გაგიზიარებთ თუ რა მეთოდების საშუალებით ხდება ნებისმიერი ტიპის ტვირთის ტრანსპორტირება,იქნება ეს არაგაბარიტული,რეჟიმიანი თუ ზოგადად სრული ან ნაკრები ტვირთი და ასევე რა კონკურენტული უპირატესობები აქვს თითოეულს.
სახმელეთო გადაზიდვები ჩინეთიდან
ჩინეთიდან სახმელეთო გადაზიდვების უმთავრესი უპირატესობა მცირე სატრანზიტო პერიოდი- საშუალოდ 25-30 დღეა,გარდა ამისა სახმელეთო გზით შესაძლებელია ნებისმიერი ტიპის ტვირთის ტრანსპორტირება,სრული და ნაკრები,არაგაბარიტული,რეჟიმიანი ტვირთის.
სარინიგიზო გადაზიდვები ჩინეთიდან
სარკინიგზო გადაზიდვების შემთხვევაში ?????? ????????? 40 ფუტიანი კონტეინერების ტრანსპორტირებას გთავაზობთ ჩინეთიდან,რა დროსაც უპირატესობა მცირე სატრანზიტო პერიოდს ენიჭება,რომელიც დაახლოებით 25-30 დღემდე მერყეობს, ბოლო პერიოდში კი ეს ერთ-ერთი ყველაზე მოთხოვნადი მიმართულებაა რადგან 2-ჯერ სწრაფად ხორციელდება გადაზიდვები, გარდა ამისა მეთოდის მნიშვნელოვანი უპირატესობა სწორედ ისაა, რომ ტვირთი პირდაპირ თბილისში ჩამოდის.
საზღვაო გადაზიდვები
საზღვაო გადაზიდვები განსაკუთრებით ეფექტური და მოთხოვნადია შორ მანძილზე ტვირთის ტრანსპორტირებისას. მიუხედავად იმისა, რომ საზღვაო გადაზიდვები უფრო ხანგრძლივია, ის ხშირად უფრო ეკონომიურია, განსაკუთრებით დიდი მოცულობის ტვირთისთვის. აღსანიშნავია ის ფაქტიც, რომ მიმდინარე პერიოდში სარკინიგზო გადაზიდვების გააქტიურების ფონზე, საზღვაო გადაზიდვებში ტარიფების კლებაც შეინიშნება.
მულტიმოდალური გადაზიდვები-ტრანზიტული ტვირთები
მულტიმოდალური გადაზიდვები საკმაოდ კომპლექსურია და მოითხოვს მაქსიმალურ ჩართულობას და პროცესის მუდმივ კონტროლს. ჩინეთიდან საქართველოში იმპორტის გარდა, ?????? ????????? ტრანზიტული ტვირთის ტრანსპორტირებასაც ახორციელებს, მულტიმოდალური გადაზიდვების გზით და მომხმარებელს სთავაზობს ტვირთის ტრანსპორტირებას, როგორც ფოთში ან თბილისში გადატვირთვით ისე გადატვირთვის გარშე. მაგალითად, ჩინეთიდან ევროპისა და თურქეთის მიმართულებით.
იმპორტის შემდგომი სასაწყობე/საბროკერო მომსახურება
იმ შემთხვევაში თუ თქვენ იმპორტს გეგმავთ, თუმცა არ ფლობთ საწყობს კომპანია გთავაზობთ ტვირთის მიღება-გაფორმებას და დასაწყობებას Kairos Logistics-ის A კლასის საბაჟო საწყობში თბილისის გეზთან, რომლის მოცულობა 6 300მ²-ია და გათვლილია 12 000 ევრო პალეტზე. საწყობი WMS სისტემით არის აღჭურვილი, რაც პროგრამულად უზრუნველყოფს ყველა პროცესის ოპტიმალურ კონტროლსა და მართვას. სტანდარტული საწყობებისგან განსხვავებით კი, სივრცეში + რეჟიმიანი ტვირთებისა და ტრანზიტული ტვირთების დასაწყობებაა შესაძლებელი.
მზარდი მოთხოვნის გათვალისწინებით, საბაჟო ტერმინალის ტერიტორიაზე კომპანია მეორე საწყობს აშენებს 12,000 კვადრატულ მეტრზე, რომელიც თებერვალში დასრულდება. ახალი საწყობის გახსნის შემდეგ, კი ტერიტორიაზე 24,000 ევრო პალეტის განთავსება იქნება შესაძლებელი. კომპანია კაიროს ლოგისტიკი 2013 წლიდან ოპერირებს როგორც ლიდერი გადამზიდი კომპანია და წლების მანძილზე დაგროვილი გამოცდილების საფუძველზე 200 ზე მეტ კორპორატიულ კლიენტს უწევს სრულ ლოგისტიკურ მომსახურებას.ფლობს 2 საწყობს თბილისსა და ფოთში და ჰყავს წარმომადგენლობა 5 ქვეყანაში.

სხვა სიახლეები
FED-ის მიერ განაკვეთის შემცირების მოლოდინი გაიზარდა
30.08.2025.12:00
ფედერალური რეზერვის ყოველწლიურ „ჯექსონ ჰოულის“ შეკრებაზე თავმჯდომარე ჯერომ პაუელის სიტყვით გამოსვლამ გაზარდა მოლოდინები, რომ „რისკების ცვალებადი ბალანსიდან“ გამომდინარე ცენტრალურმა ბანკმა შესაძლოა სექტემბერში საპროცენტო განაკვეთები შეამციროს.
განცხადებამ აქციებისა და ობლიგაციების ფასების ზრდა გამოიწვია – S&P 500 მაჩვენებელი დღიურად 1.63%-ით გაიზარდა, რაც მაისის შემდეგ ყველაზე დიდი დღიური ზრდაა, ხოლო სახაზინო ფასიანი ქაღალდების შემთხვევაში 10-წლიანი ობლიგაციის შემოსავლიანობა 7.5 საბაზო პუნქტით 4.256%-მდე, 2 წლიანი კი 10 საბაზო პუნქტით 3.69%-მდე შემცირდა.
ფედერალური რეზერვის თავმჯდომარემ, ჯერომ პაუელმა აღნიშნა, რომ აშშ-ის ეკონომიკური სურათი უჩვეულოდ ბუნდოვანია. ერთის მხრივ, უმუშევრობა ისტორიულად დაბალ დონეზე – 4.2%-ზე რჩება, თუმცა დასაქმების ტემპი მნიშვნელოვნად შენელდა – ივლისში 73 000 ახალი სამუშაო ადგილი შეიქმნა, მაშინ როცა მოსალოდნელი რიცხვი 110 000 იყო. პაუელმა შრომის ბაზრის დღევანდელი მდგომარეობა “საინტერესოდ“ შეაფასა, რადგან ერთდროულად იკლებს როგორც სამუშაო ძალის მოთხოვნა, ასევე მიწოდება.
მეორეს მხრივ, ინფლაცია კვლავაც მცირედით აღემატება FED-ის 2%-იან მიზანს, ხოლო პრეზიდენტი ტრამპის მიერ დაწესებული ტარიფები უახლოეს თვეებში ფასების დამატებით ზრდის საფრთხეს ქმნის. მიუხედავად იმისა, რომ კომპანიებმა ჯერჯერობით ზარალის ნაწილი საკუთარ თავზე აიღეს, პაუელმა აღნიშნა, რომ უფრო მდგრადი ფასების ზრდა შესაძლოა უკვე წლის ბოლოსკენ გამოიკვეთოს.
პაუელმა ხაზი გაუსვა FED-ის „ორმაგ მანდატს“ – მაქსიმალური დასაქმება და ფასების სტაბილურობის უზრუნველყოფა. ივლისში განაკვეთის უცვლელად დატოვების გადაწყვეტილებას უკვე მოჰყვა განსხვავებული აზრები, ხოლო პაუელმა მიანიშნა, რომ სექტემბრის შეხვედრამაც შესაძლოა დებატების ფონზე ჩაიაროს, რადგან ფედერალური რეზერვი განაკვეთის შემცირებასა და ინფლაციის რისკს შორის ბალანსს ეძებს.
ფინანსურმა ბაზრებმა პაუელის კომენტარები პოზიტიურად მიიღეს. ინვესტორებმა მისი განცხადებები სექტემბერში განაკვეთის შემცირების პირდაპირ მინიშნებად შეაფასეს. თუმცა ძირითადი მესიჯი უფრო ფრთხილი იყო: FED-ის არჩევანი კვლავ გაურკვეველია და ყოველი მომდევნო ნაბიჯი ეკონომიკურ მონაცემებზე იქნება დამოკიდებული.
პაუელის სიტყვას პოლიტიკური ელფერიც ჰქონდა. მისი უფლებამოსილების ვადა მომავალ წელს იწურება, ამასთანავე თეთრი სახლი FED-ის საბჭოში ახალ კანდიდატურებს აწინაურებს, რაც ანალიტიკოსების აზრით ინსტიტუტის მომავალ დამოუკიდებლობას ეჭვქვეშ აყენებს.
პაუელმა ხაზი გაუსვა, რომ ცენტრალური ბანკის ქმედებები მხოლოდ ეკონომიკურ მონაცემებზე იქნება დამყარებული და არა პოლიტიკურ ზეწოლაზე.
განხილულთაგან ერთ-ერთი ყველაზე მნიშვნელოვანი საკითხი შეეხებოდა ფედერალური რეზერვის განახლებულ სტრატეგიას. FED-მა უარი თქვა 2020 წელს მიღებულ „გამოსწორების სტრატეგიაზე“, რომელიც მიზნად ისახავდა ინფლაციის გარკვეული ხნით 2%-იან მაჩვენებელს ზემოთ შენარჩუნებას. ახალი მიდგომა ისევ ტრადიციულ ორიენტაციას უბრუნდება: მაქსიმალური დასაქმება და ფასების სტაბილურობა. ეს ცვლილება ბოლო ხუთი წლის განმავლობაში დაგროვილი გამოცდილებიდან გამომდინარეობს, როდესაც ინფლაცია ხშირად მაღალი იყო და ეკონომიკური ზრდა — მერყევი. შედეგად, პოლიტიკის შემქმნელ პირებს უფრო მკაფიო მიმართულებები მიეცათ მომავალი გადაწყვეტილებების მისაღებად.