თებერვლის განმავლობაში Tsinandali Estate მთელი ოჯახისთვის განკუთვნილ აქტივობებსა და განსაკუთრებულ შეთავაზებებს გიმზადებთ
სიყვარულის თვეს წინანდლის მამულში განსაკუთრებული აქტივობებია დაგეგმილი.
14 თებერვალი
ვალენტინობისთვის შექმნილი სპეციალური სეტ მენიუები და მუსიკალური საღამოები რესტორნებში:
პრინცი ალექსანდრე - ფორტეპიანო (20:00:00-22:00)
ლაიბრერი ბარი - კლასიკური ჯაზ ტრიო (20:30-23:00)
16 თებერვალი
19:00 საათი - კოქტეილის მომზადების მასტერკლასი
21:00 საათი - DJ Vako
17 თებერვალი
16:00 საათი - კარლო კაჭარავას გამოფენა და გიორგი მაისურაძის საუბრები: „სიყვარული და პოეზია ჟამიანობის დროს“
18:00 საათი - საბავშვო კულინარიული მასტერკლასი;
19:00 საათი - რობოტიკისა და პროგრამირების მასტერკლასი ბავშვებისთვის;
2-საათიან შეხვედრაზე ბავშვები შეისწავლიან პროგრამირების საფუძვლებს და დაეუფლებიან შედუღების ხელოვნებას, რის შემდეგაც შეძლებენ მათი შემოქმედების რობოტების გაცოცხლებას. ისინი ასევე აღმოაჩენენ ისეთ ელექტრონულ ელემენტებს, როგორებიცაა: კონდენსატორები, რეზისტორები, სენსორები და LED განათება.
21:00 საათი - DJ Vako
18 თებერვალი
12:00 საათი - რობოტიკისა და პროგრამირების მასტერკლასი ბავშვებისთვის
24 თებერვალი
16:00 საათი - მასტერკლასი „მოგზაურობა ემოციების სამყაროში“;
მასტერკლასს გაუძღვება ფსიქოლოგი ქეთი დალინკევიჩი, რომელიც საინტერესო აქტივობებში ამოგზაურებს ბავშვებს. ბავშვები გაეცნობიან ემოციებს სახალისო გზით, შეძლებენ ამოიცნონ, გამოხატონ და მართონ საკუთარი ემოციები, უკეთესად მართონ და გაუმკლავდნენ საკუთარ ემოციებს და უკეთ გაიგონ სხვების გრძნობები.
18:00 საათი - „ამელის“ თაიგულების ვორქშოპი;
ფლორისტული კომპოზიციების ვორქშოპი, სადაც „ამელის“ ფლორისტები სრულად გაგიზიარებენ თაიგულების დამზადების ტექნიკას და მათთან ერთად ააწყობთ თაიგულებს. თქვენ მიერ დამზადებული კომპოზიცია საჩუქრად გადმოგეცემათ.
21:00 საათი - DJ Machaidze
დამატებით, მთელი თვის მანძილზე (15, 18, 22, 25, 29 თებერვალს) ლაიბრერი ბარში ტარდება შერჩეული ფილმების კინოჩვენებები.
მთელი თებერვლის განმავლობაში, SOLO Visa ბარათით გადახდისას სასტუმროს ოთახებზე 1+1 შეთავაზება მოქმედებს.
დამატებით, SOLO Visa ბარათის მფლობელები ისარგებლებენ 20% ქეშბექით სასტუმროს ოთახებსა და "ენ სემონინ სპას" პროცედურებზე.
*მასტერკლასებზე დასასწრებად აუცილებელია წინასწარი ჩაწერა. გთხოვთ, გაითვალისწინოთ, რომ ადგილები შეზღუდულია.
სხვა სიახლეები
FED-ის მიერ განაკვეთის შემცირების მოლოდინი გაიზარდა
30.08.2025.12:00
ფედერალური რეზერვის ყოველწლიურ „ჯექსონ ჰოულის“ შეკრებაზე თავმჯდომარე ჯერომ პაუელის სიტყვით გამოსვლამ გაზარდა მოლოდინები, რომ „რისკების ცვალებადი ბალანსიდან“ გამომდინარე ცენტრალურმა ბანკმა შესაძლოა სექტემბერში საპროცენტო განაკვეთები შეამციროს.
განცხადებამ აქციებისა და ობლიგაციების ფასების ზრდა გამოიწვია – S&P 500 მაჩვენებელი დღიურად 1.63%-ით გაიზარდა, რაც მაისის შემდეგ ყველაზე დიდი დღიური ზრდაა, ხოლო სახაზინო ფასიანი ქაღალდების შემთხვევაში 10-წლიანი ობლიგაციის შემოსავლიანობა 7.5 საბაზო პუნქტით 4.256%-მდე, 2 წლიანი კი 10 საბაზო პუნქტით 3.69%-მდე შემცირდა.
ფედერალური რეზერვის თავმჯდომარემ, ჯერომ პაუელმა აღნიშნა, რომ აშშ-ის ეკონომიკური სურათი უჩვეულოდ ბუნდოვანია. ერთის მხრივ, უმუშევრობა ისტორიულად დაბალ დონეზე – 4.2%-ზე რჩება, თუმცა დასაქმების ტემპი მნიშვნელოვნად შენელდა – ივლისში 73 000 ახალი სამუშაო ადგილი შეიქმნა, მაშინ როცა მოსალოდნელი რიცხვი 110 000 იყო. პაუელმა შრომის ბაზრის დღევანდელი მდგომარეობა “საინტერესოდ“ შეაფასა, რადგან ერთდროულად იკლებს როგორც სამუშაო ძალის მოთხოვნა, ასევე მიწოდება.
მეორეს მხრივ, ინფლაცია კვლავაც მცირედით აღემატება FED-ის 2%-იან მიზანს, ხოლო პრეზიდენტი ტრამპის მიერ დაწესებული ტარიფები უახლოეს თვეებში ფასების დამატებით ზრდის საფრთხეს ქმნის. მიუხედავად იმისა, რომ კომპანიებმა ჯერჯერობით ზარალის ნაწილი საკუთარ თავზე აიღეს, პაუელმა აღნიშნა, რომ უფრო მდგრადი ფასების ზრდა შესაძლოა უკვე წლის ბოლოსკენ გამოიკვეთოს.
პაუელმა ხაზი გაუსვა FED-ის „ორმაგ მანდატს“ – მაქსიმალური დასაქმება და ფასების სტაბილურობის უზრუნველყოფა. ივლისში განაკვეთის უცვლელად დატოვების გადაწყვეტილებას უკვე მოჰყვა განსხვავებული აზრები, ხოლო პაუელმა მიანიშნა, რომ სექტემბრის შეხვედრამაც შესაძლოა დებატების ფონზე ჩაიაროს, რადგან ფედერალური რეზერვი განაკვეთის შემცირებასა და ინფლაციის რისკს შორის ბალანსს ეძებს.
ფინანსურმა ბაზრებმა პაუელის კომენტარები პოზიტიურად მიიღეს. ინვესტორებმა მისი განცხადებები სექტემბერში განაკვეთის შემცირების პირდაპირ მინიშნებად შეაფასეს. თუმცა ძირითადი მესიჯი უფრო ფრთხილი იყო: FED-ის არჩევანი კვლავ გაურკვეველია და ყოველი მომდევნო ნაბიჯი ეკონომიკურ მონაცემებზე იქნება დამოკიდებული.
პაუელის სიტყვას პოლიტიკური ელფერიც ჰქონდა. მისი უფლებამოსილების ვადა მომავალ წელს იწურება, ამასთანავე თეთრი სახლი FED-ის საბჭოში ახალ კანდიდატურებს აწინაურებს, რაც ანალიტიკოსების აზრით ინსტიტუტის მომავალ დამოუკიდებლობას ეჭვქვეშ აყენებს.
პაუელმა ხაზი გაუსვა, რომ ცენტრალური ბანკის ქმედებები მხოლოდ ეკონომიკურ მონაცემებზე იქნება დამყარებული და არა პოლიტიკურ ზეწოლაზე.
განხილულთაგან ერთ-ერთი ყველაზე მნიშვნელოვანი საკითხი შეეხებოდა ფედერალური რეზერვის განახლებულ სტრატეგიას. FED-მა უარი თქვა 2020 წელს მიღებულ „გამოსწორების სტრატეგიაზე“, რომელიც მიზნად ისახავდა ინფლაციის გარკვეული ხნით 2%-იან მაჩვენებელს ზემოთ შენარჩუნებას. ახალი მიდგომა ისევ ტრადიციულ ორიენტაციას უბრუნდება: მაქსიმალური დასაქმება და ფასების სტაბილურობა. ეს ცვლილება ბოლო ხუთი წლის განმავლობაში დაგროვილი გამოცდილებიდან გამომდინარეობს, როდესაც ინფლაცია ხშირად მაღალი იყო და ეკონომიკური ზრდა — მერყევი. შედეგად, პოლიტიკის შემქმნელ პირებს უფრო მკაფიო მიმართულებები მიეცათ მომავალი გადაწყვეტილებების მისაღებად.