მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.4
-0.0026
flag
AZN 1.5254
0
flag
CNY 38.893
-0.0001
flag
EUR 2.8447
-0.0048
flag
GBP 3.4159
-0.0035
flag
KZT 58.29
-0.0007
flag
TRY 0.0514
0
flag
USD 2.5927
-0.0001
news banner

Uber-თან (UBER) თანამშრომლობით, Lucid-ი (LCID) 2026 წლიდან 20,000 რობოტაქსს გამოუშვებს

news image
mbc image

გიზიარებთ ბლოგს:

Lucid-ი (LCID) Uber-თან პარტნიორობის ფარგლებში, ავტონომიური ტექნოლოგიების კომპანია Nuro-სთან თანამშრომლობით, 2026 წლიდან 20,000 რობოტაქსის გამოშვებას გეგმავს.


ეს Lucid-ის (LCID) SUV ავტომობილი იქნება, რომელიც Nuro-ს მეოთხე დონის თვითმართვადი სისტემით აღიჭურვება და მხოლოდ Uber-ის (UBER) აპლიკაციის მეშვეობით იქნება ხელმისაწვდომი.


თავის მხრივ, Uber-ი (UBER) Lucid -ში (LCID) $300 მილიონს აბანდებს და დამატებით თანხას დებს Nuro-შიც. აღსანიშნავია, რომ რობოტაქსის პროტოტიპი უკვე სრულად ფუნქციონირებს და ლას-ვეგასის სატესტო ტრასაზე მოძრაობს.

პარტნიორობის შესახებ განცხადების გაკეთების შემდეგ, Lucid-ის (LCID) აქციების ფასი 35%-ით გაიზარდა, რადგან აღნიშნული პროექტი ინვესტორების მხრიდან, არც თუ ისე ძლიერ პოზიციაში მყოფი EV მწარმოებლებისთვის, გადარჩენის შანსად აღიქმება. რაც შეეხება Uber-ს (UBER) მისი აქციების ღირებულება დიდად არ შეცვლილა, რაც ინვესტორების ფრთხილ მიდგომაზე მიუთითებს.

ანალიტიკოსები სიახლეს Lucid-ისთვის (LCID) გარდამტეხ მომენტად აფასებენ - მას ახალ ბაზარსა და მასშტაბურ წარმოებაზე წვდომა ეძლევა. როგორც თავად Lucid-ის (LCID) დროებითი CEO მარკ ვინტერჰოფი აღნიშნავს, ეს პარტნიორობა კომპანიის ტექნოლოგიურ სიძლიერეს უსვამს ხაზს და მას ავტონომიური ტექნოლოგიების ტრილიონობით დოლარის კაპიტალის მქონე ბაზრის წინა ხაზზე აყენებს. 


რობოტაქსების მოვლას Uber-ი (UBER) და მისი პარტნიორები უზრუნველყოფენ. ცნობილი ხდება, რომ სამომავლოდ პროექტს შესაძლოა Lucid-ის (LCID) ახალი, საშუალო ზომის ელექტრომობილებიც დაემატოს.

 


ამჟამად, Lucid-ი (LCID) წარმოებას აჩქარებს, გეგმავს მიწოდების რეკორდულ ზრდას და უფრო ხელმისაწვდომი ელექტრომობილების გამოშვებას. Lucid-ში (LCID) იმედოვნებენ, რომ ეს პარტნიორობა კომპანიას მყარად დაუმკვიდრებს კონკურენტუნარიან პოზიციას უპილოტო ელექტრომობილების მომავლის ბაზარზე. 


Uber-ის (UBER) და Lucid-ის (LCID) აქციების შეძენას შეძლებ აქ. 


*გაითვალისწინე, ეს არ არის ფინანსური რჩევა.

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

WEEKEND
image FED-ის მიერ განაკვეთის შემცირების მოლოდინი გაიზარდა

30.08.2025.12:00

ფედერალური რეზერვის ყოველწლიურ „ჯექსონ ჰოულის“ შეკრებაზე თავმჯდომარე ჯერომ პაუელის სიტყვით გამოსვლამ გაზარდა მოლოდინები, რომ „რისკების ცვალებადი ბალანსიდან“ გამომდინარე ცენტრალურმა ბანკმა შესაძლოა სექტემბერში საპროცენტო განაკვეთები შეამციროს.

განცხადებამ აქციებისა და ობლიგაციების ფასების ზრდა გამოიწვია – S&P 500 მაჩვენებელი დღიურად 1.63%-ით გაიზარდა, რაც მაისის შემდეგ ყველაზე დიდი დღიური ზრდაა, ხოლო სახაზინო ფასიანი ქაღალდების შემთხვევაში 10-წლიანი ობლიგაციის შემოსავლიანობა 7.5 საბაზო პუნქტით 4.256%-მდე, 2 წლიანი კი 10 საბაზო პუნქტით 3.69%-მდე შემცირდა.

ფედერალური რეზერვის თავმჯდომარემ, ჯერომ პაუელმა აღნიშნა, რომ აშშ-ის ეკონომიკური სურათი უჩვეულოდ ბუნდოვანია. ერთის მხრივ, უმუშევრობა ისტორიულად დაბალ დონეზე – 4.2%-ზე რჩება, თუმცა დასაქმების ტემპი მნიშვნელოვნად შენელდა – ივლისში 73 000 ახალი სამუშაო ადგილი შეიქმნა, მაშინ როცა მოსალოდნელი რიცხვი 110 000 იყო. პაუელმა შრომის ბაზრის დღევანდელი მდგომარეობა “საინტერესოდ“ შეაფასა, რადგან ერთდროულად იკლებს როგორც სამუშაო ძალის მოთხოვნა, ასევე მიწოდება.

მეორეს მხრივ, ინფლაცია კვლავაც მცირედით აღემატება FED-ის 2%-იან მიზანს, ხოლო პრეზიდენტი ტრამპის მიერ დაწესებული ტარიფები უახლოეს თვეებში ფასების დამატებით ზრდის საფრთხეს ქმნის. მიუხედავად იმისა, რომ კომპანიებმა ჯერჯერობით ზარალის ნაწილი საკუთარ თავზე აიღეს, პაუელმა აღნიშნა, რომ უფრო მდგრადი ფასების ზრდა შესაძლოა უკვე წლის ბოლოსკენ გამოიკვეთოს.

პაუელმა ხაზი გაუსვა FED-ის „ორმაგ მანდატს“ – მაქსიმალური დასაქმება და ფასების სტაბილურობის უზრუნველყოფა. ივლისში განაკვეთის უცვლელად დატოვების გადაწყვეტილებას უკვე მოჰყვა განსხვავებული აზრები, ხოლო პაუელმა მიანიშნა, რომ სექტემბრის შეხვედრამაც შესაძლოა დებატების ფონზე ჩაიაროს, რადგან ფედერალური რეზერვი განაკვეთის შემცირებასა და ინფლაციის რისკს შორის ბალანსს ეძებს.

ფინანსურმა ბაზრებმა პაუელის კომენტარები პოზიტიურად მიიღეს. ინვესტორებმა მისი განცხადებები სექტემბერში განაკვეთის შემცირების პირდაპირ მინიშნებად შეაფასეს. თუმცა ძირითადი მესიჯი უფრო ფრთხილი იყო: FED-ის არჩევანი კვლავ გაურკვეველია და ყოველი მომდევნო ნაბიჯი ეკონომიკურ მონაცემებზე იქნება დამოკიდებული.

პაუელის სიტყვას პოლიტიკური ელფერიც ჰქონდა. მისი უფლებამოსილების ვადა მომავალ წელს იწურება, ამასთანავე თეთრი სახლი FED-ის საბჭოში ახალ კანდიდატურებს აწინაურებს, რაც ანალიტიკოსების აზრით ინსტიტუტის მომავალ დამოუკიდებლობას ეჭვქვეშ აყენებს. 

პაუელმა ხაზი გაუსვა, რომ ცენტრალური ბანკის ქმედებები მხოლოდ ეკონომიკურ მონაცემებზე იქნება დამყარებული და არა პოლიტიკურ ზეწოლაზე.

განხილულთაგან ერთ-ერთი ყველაზე მნიშვნელოვანი საკითხი შეეხებოდა ფედერალური რეზერვის განახლებულ სტრატეგიას. FED-მა უარი თქვა 2020 წელს მიღებულ „გამოსწორების სტრატეგიაზე“, რომელიც მიზნად ისახავდა ინფლაციის გარკვეული ხნით 2%-იან მაჩვენებელს ზემოთ შენარჩუნებას. ახალი მიდგომა ისევ ტრადიციულ ორიენტაციას უბრუნდება: მაქსიმალური დასაქმება და ფასების სტაბილურობა. ეს ცვლილება ბოლო ხუთი წლის განმავლობაში დაგროვილი გამოცდილებიდან გამომდინარეობს, როდესაც ინფლაცია ხშირად მაღალი იყო და ეკონომიკური ზრდა — მერყევი. შედეგად, პოლიტიკის შემქმნელ პირებს უფრო მკაფიო მიმართულებები მიეცათ მომავალი გადაწყვეტილებების მისაღებად.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა