2025 წელს ევროკავშირის მოსახლეობის ზრდის ტენდენცია გაგრძელდა - სტატისტიკა
2025 წელს ევროკავშირის მოსახლეობის ზრდის ტენდენცია გაგრძელდა. ევროკავშირის მოსახლეობა შეფასებით 452.0 მილიონ ადამიანს შეადგენდა, რაც წინა წელთან შედარებით 706 000-ით მეტია. ეს ევროკავშირში მოსახლეობის ზრდის მორიგი წელია, მას შემდეგ, რაც 2021 წელს, COVID-19-ის პანდემიის პერიოდში, მოსახლეობის შემცირება დაფიქსირდა.
2012 წლიდან ევროკავშირში მოსახლეობის ბუნებრივი კლება კომპენსირდება დადებითი წმინდა მიგრაციით.
აღნიშნულ ინფორმაციას Eurostat-ი აქვეყნებს.
2026 წლის 1 იანვრის მდგომარეობით, ევროკავშირის მოსახლეობა 2016 წელთან შედარებით 8.0 მილიონით, ხოლო 2006 წელთან შედარებით 16.0 მილიონით მეტი იყო.
სხვა სიახლეები
EasyJet-ი 2027 წლიდან მგზავრებს Starlink-ის ინტერნეტით სარგებლობის შესაძლებლობას შესთავაზებს
02.11.2026.08:00
ბრიტანულმა დაბალბიუჯეტიანმა ავიაკომპანია easyJet-მა განაცხადა, რომ 2027 წლიდან Airbus-ის ტიპის თვითმფრინავების მთელ ფლოტში Starlink-ის სატელიტურ ინტერნეტს დანერგავს. ამ გადაწყვეტილებით easyJet უერთდება ავიაკომპანიების მზარდ ჩამონათვალს, რომლებიც მგზავრებისთვის მაღალსიჩქარიანი ინტერნეტის შეთავაზების მიზნით SpaceX-თან თანამშრომლობენ.
ავიაკომპანიის განცხადებით, რომელიც ამჟამად შესყიდვის პროცესშია, Starlink-ის ინტერნეტის დანერგვა Airbus A320, A320neo და A321neo ტიპის თვითმფრინავებში 2027 წლის პირველ ნახევარში დაიწყება. Starlink-ის ინტერნეტით easyJet-ის ფლოტის სრულად აღჭურვა 2028 წლის დასაწყისისთვის იგეგმება. easyJet-ს მსოფლიოს უმსხვილეს სატელიტურ ოპერატორთან გაფორმებული შეთანხმების ფინანსური პირობები არ გაუსაჯაროებია. ევროპულმა დაბალბიუჯეტიანმა ავიაკომპანია Wizz Air-მაც ივნისში Starlink-თან ანალოგიური თანამშრომლობის შესახებ განაცხადა. ამასთან, Ryanair-მა აღნიშნა, რომ Starlink-ის გამოყენებასთან დაკავშირებულმა ხარჯებმა შესაძლოა წელიწადში 250 მილიონ დოლარს მიაღწიოს. ავიაკომპანიები American Airlines, Southwest Airlines, United Airlines, Alaska Airlines და British Airways მგზავრებს ბორტზე Starlink-ის ინტერნეტით სარგებლობის შესაძლებლობას უკვე სთავაზობენ.
ტრამპის მარშრუტი TRIPP აზერბაიჯანთან და საქართველოსთან საზღვრის გადაკვეთის პროცედურებს გაამარტივებს - მირზოიანი
23.10.2026.09:10
Domino's მიმდინარე წელს მოქმედ რესტორნებში გაყიდვების სუსტ ზრდას პროგნოზირებს - მოთხოვნაზე კონკურენცია და მომხმარებელთა შენელებული ხარჯვა მოქმედებს
22.10.2026.17:00
აზიაში ეკონომიკური ზრდა ნელდება, ობლიგაციების შემოსავლიანობის მატება კი დამატებით რისკებს ქმნის - IMF
22.10.2026.15:00
Visa-მ ჩინეთის შიდა ბაზარზე საქმიანობის დასაწყებად მოსამზადებელი სამუშაოების ნებართვა მიიღო
22.10.2026.14:00
Nvidia დიდ ბრიტანეთში ხელოვნური ინტელექტის უსაფრთხოების კვლევებისთვის $250 მილიონს გამოყოფს
22.10.2026.12:00
