2025 წელს SOCAR-ის მოგება 3,3 მლრდ დოლარს გადააჭარბებს - Fitch Ratings
საერთაშორისო სარეიტინგო სააგენტო Fitch Ratings-ის პროგნოზით, 2025 წელს აზერბაიჯანის სახელმწიფო ნავთობკომპანიის (SOCAR) მთლიანი შემოსავალი 45,94 მილიარდ დოლარს მიაღწევს,
ანალიტიკოსების შეფასებით, საოპერაციო მოგება პროცენტამდე, გადასახადამდე, ამორტიზაციამდე (EBITDA) იქნება $3.32 მილიარდი.
სააგენტო აღნიშნავს, რომ ნავთობისა და გაზის ბაზარზე არსებულმა ხელსაყრელმა ვითარებამ დადებითი გავლენა იქონია SOCAR-ის ფინანსურ მაჩვენებლებზე.
2024 წელს კომპანიამ სავარაუდოდ 50,61 მილიარდი აშშ დოლარი გამოიმუშავა, ხოლო მისმა საოპერაციო EBITDA-მ 3,54 მილიარდი აშშ დოლარი შეადგინა.
მოსალოდნელია, რომ EBITDA მარჟა 2025 წლისთვის გაიზრდება 7%-დან 7.2%-მდე.
Fitch ასევე ხაზს უსვამს, რომ SOCAR-ი ავლენს უფრო მაღალ მომგებიანობას ცენტრალურ აზიელ კონკურენტებთან შედარებით (KazMunayGas, Uzbekneftegaz), რაც აიხსნება კომპანიის აქტიური სავაჭრო საქმიანობით საერთაშორისო ბაზრებზე.
დღის ტოპ 10 სიახლე
სხვა სიახლეები
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
McDonald’s-ის მარკეტინგის მთავარმა ოფიცერმა ინვესტორთა დღეს განაცხადა, რომ კომპანია ლოიალობის პროგრამას ახალ, მრავალდონიან სისტემაზე გადაიყვანს. ცვლილების მიზანია უფრო მკაფიოდ განასხვავოს ერთმანეთისგან ხშირი და შემთხვევითი მომხმარებლები.
ეს გადაწყვეტილება რესტორნების სექტორში არსებულ ტენდენციას მოჰყვება, რომლის მიხედვითაც კომპანიები ლოიალობის პროგრამებში მრავალდონიან სისტემებს ნერგავენ და ფართო მასშტაბით ფასდაკლებების შეთავაზებაზე ნაკლებად არიან ორიენტირებული, რადგან ასეთმა პრაქტიკამ შესაძლოა მოგების მარჟებზე უარყოფითად იმოქმედოს. Starbucks-მა ლოიალობის პროგრამაში ანალოგიური ცვლილების შესახებ იანვარში განაცხადა.
McDonald’s-ის მიზანი იქნება, ლოიალობის პროგრამაში ახალი წევრები მოიზიდოს და არსებული წევრების მიერ შესყიდვების სიხშირე გაზარდოს.
ყველაზე აქტიური ორი კატეგორია, ჯამში, მსოფლიოში 220 მილიონ წევრს აერთიანებს. მათ შორის არიან მომხმარებლები, რომლებიც McDonald’s-ს თვეში ერთხელზე ხშირად სტუმრობენ, ასევე ისინი, რომლებიც რესტორანში 90 დღეში ერთხელ მაინც მიდიან.
